السلام عليكم ورحمة الله
بمناسبة قرب حلول عيد الفطر المبارك
حبيت اقول (كل عام وانتم بخـــــــير)
واقدم هالابيات المتواضعه لكم
هلا بالليل لين أقبـل يلبّـي شـوق ٍ بصـدري
هلا بك قمت أرددها صداهـا فيـض وجدانـك
هلا بالعزف من قلب ٍ يخـط القـاف و النثـر ِ
هلا بك عِد ما هلّت مـزون الـوّد و أشجانـك
هلا بالـورد لا صافـح بخـدّه نسمـة الفجـر ِ
هلا بالحب في قلب ٍ عشق نبضـك و تحنانـك
هلا بالصاحب الوافي , هلا بالكـون و البـدر ِ
يوّن القلب من بعـدك يـدوّر وينهـا أحضانـك
ذكرت اللي لهم عندي محبـة صادقـة و أدري
بحور الشعر ما تكفيك فـي وصفـك و تبيانـك
طلبتك يا رفيـق الليـل لا تغفـل و لا تسـري
دخيلك هات ما عندك و خذ مـا عنـد خلانـك
أنا و إن غبت عن عيني تراك الحاضر بفكـري
تغيب و ترجع و تسأل و أنا مجروح حرمانـك
ترى من قال جافيتك عذول و ما عرف عـذري
جهول ٍ ما عرف إنـه يحـنّ القـاف لألحانـك
بكيت الحب و الإحساس , شكيت الصد و الهجر ِ
سألت الناس عن خلي و قالوا صنتـه و خانـك
رضعت الهمّ و الأحزان من دنياي في صغـري
رضيت البعد و الحرمان من شاني و من شانـك
تخيلتك بريق ألمـاس بليـل ٍ يعشقـه طهـري
يذكرني بقصـة حـب خذلهـا وقـت نسيانـك
حبيبي آآه من حبك , حبيبي يـا بعـد عمـري
عشقتك حلم ينعشني و يمسـح دمعـة أحزانـك
ألا يا خلّي سامحنـي عسـاك مقـدّر ٍ عـذري
إذا ماني تجازوت الحـدود و عشـت بازمانـك
كتبت اللي لكم غصب ٍ هنا و هنااااااك من بدري
كتبته من هجير الوقت , أنا بالحـب عطشانـك
تحيتي وتقديري لكل من قرأ
وفي امـــــــــان الله
مواقع النشر (المفضلة)