قـصــيــدة فـــــي جـمــيــع قـبــائــل الـجزيرة العربية
بسم الله الرحمن الرحيم
حبيت انقل لكم هذة القصيدة الجامعة لكل قبائل الجزيرة العربية التي نعتز بنتمائنا اليها
ونسعي دائما وابدا لتظهر بالمنظهر اللائق والمشرف لان هذة القبائل تمثلنا ونمثلهــــــا
قـصــيــدة فـــــي جـمــيــع قـبــائــل الـجزيرة العربية
يالله ياخالـق اراضيـن وابحـار ******** الـواحـد المعـبـود رازق عبـيـدهـ
الخالق الغفار عـلام الاسـرار****** وفـرق شعـوب الارض فـي كـل يـدهـ
وابدي واسولف من عذيبات الاشعار* **** ابيات شعر والمعانـي وكيـدهـ
اشري وابيع واعرف كيف بختار**** واختار من جـزل البيـوت الفريـدهـ
وذكر تراث وعـز وامجـاد وافخـار ******* قبائـل تومـن بديـن وعقيـدهـ
وصلت حضارتنا على سطـح الاقمـار*** ابنـا الجزيـر والجزيـره مجيـدهـ
في ظل حكام لهم فعـل واشـوار****** ال السعـود اللـي تفـك الضهيـدهـ
نسل الزعيم الحاكم العـادل البـار****** مجـدد امجـاد الجزيـره بجيـدهـ
حتى اصبحت حره وحنا له انصار** في ظل اخـو نـوره هنـوف سعيـدهـ
وصارت لابو تركي بطوله وتذكار*** والفخـر والامجـاد تبقـى شهيـدهـ
وخلف لنا املوك لهم فعل واخبـار**** الشعـب واحـد والقيـاده رشيـدهـ
والامن بانينه على ساس وجدار*** وقرو علـى العابـث عقوبـه شديـدهـ
وحنا حماة الدار من كـل غـدار ***** ومـا همنـا بطشـه وخبثـه وكيـدهـ
قبائـل مالحقناهـم اوعـار ***** وعشنـا بهـذي الـدار عيـشـه رغـيـدهـ
والحمد لله نحمده سر واجهـار****** شعـب تكاتـف مـن سنيـن مديـدهـ
ودون الوطن جيش على كل معبار**** لارفرف البيـرق ونـادى عقيـدهـ
بشرق البلاد وغربها دوم حضار ** وارض الشمال اللـي نفـوده مديـدهـ
وارض الجنوب اللي تخيضر بالاشجـار*** جزيـرة فيهـا القبايـل عديـدهـ
ارض بها قحطـان وافيـن الاشبـار **** وياعـز منهـم بالشدايـد بسيـدهـ
واذكر عتيبه يوم للطيب مغـوار **** لا ثـارت الهيجـا وقـرب ضديـدهـ
وشمر هل الطولات والجود مقدار*** اهل الكرم واهل الفعـول الحميـدهـ
وقوم اعنزه مروين الاخصام الامرار** اولاد وايـل مـن عصـورعهيـدهـ
ومطير قوم تكرم الضيف لا زرار** وياويـل خصـم فـي حراهـم وعيـدهـ
واذكر قبيلة حرب يانعم الاخيـار **** وتاريخهـم يحكـي سطـور مجيـدهـ
وسبيع نعم القوم ووجيه الاسفار*** زبن الدخيل ليـا زبـن مـن طريـدهـ
واذكر قبيلة يام والطيـب ينـدار **** اهـل العلـوم الوافيـه والرشيـدهـ
ثم الدواسر تجعـل الخصـم منهـار **** عيـال زايـد عـز منهـم سنيـدهـ
ثم السهول اللي لها الطيب مدرار** وعن منهج العادات ماهـي محيـدهـ
ثم اذكـر العجمـان حمايـة الجـار **** والمرجلـه والجـاه فيهـم عتيـدهـ
واذكر بني مره طويليـن الاعمـار **** مـا ينقـد المـري ولا لـه نقيـدهـ
ثم الهواجر لابة تقـدح النـار **** اهـل الركـاب اللـي خطاهـا بعيـدهـ
واذكر بني خالد قبيلة وامار **** قوم لهـم فـي المجـد قـول ورصيـدهـ
وبني تميم اللي لها الطيـب مصـدار **** بنـي تميـم وكـل فعـل تجيـدهـ
ثم الزعوب اللي بها الخصم يحتـار*** شجعـان ماترضـى سـوا ماتريـدهـ
العازمي وافي وفي الطيب بيطار *** روحه على كـل المصاعـب صميـدهـ
ثم الظفيري في المصاعيب جبـار**** والطيـب والامـداح باصلـه وطيـدهـ
ثم اذكر الاشراف بجلال واكبار **** اهـل الحجـاز اللـي تفـك الزهيـدهـ
ثم الهذيلي له مواقف ومندار **** راعي الفخـر راعـي العلـوم السديـدهـ
ثم البقوم اللي لهم جيش وامهار **** ريـف الضيـوف ليـا لفاهـم وليـدهـ
واذكر ثقيف اللي لهم مجد وآثار **** ومهمـا حسبنـا مـن كـلام نعيـدهـ
وبلحارث اهل العز بشهود واقـرار **** ا لحارثـي ياطيـب فعلـه وجيـدهـ
والمالكي معروف لا صار ما صار*** في موقف اهل الطيب يبذل جهيـدهـ
واثني تحياتي عدد وبـل الامطـار **** علـى سليـم وكـل خصـم تكيـدهـ
واذكر جهينه هل مواقيف وادوار **** تلقى الجهيني راسم الطيـب بيـدهـ
واذكر بلي والمجدله فعل واظهار **** وتاريخهـم يحكـي فعـول فريـدهـ
وبني عطيه في المواجيـب حضـار **** قـوم بوقـت الجـد قـوم عنيـدهـ
ثم الحويطي والكرامه لـه اشعـار **** ثـم الشـراري لـه فعـول مفيـدهـ
ثم الرشيدي في الصعيبات صبـار **** علـى علـوم الطيـب فعلـه يزيـدهـ
وباقي جنوب الدار والقاف مادار ****** باقي علـى قلبـي كـلام واشيـدهـ
زهران نعم القوم في وقت الاضرار*** والخصم عينه مـن لقاهـا سهيـدهـ
والغامدي معروف له عزم واصرار** راعي المراجـل والعلـوم المفيـدهـ
وشمران قوم والجمايل لهـا اطـوار ***** وبلقـرن سـم للقلـوب النكيـدهـ
والاكلبـي والمحلفـي مابعـد بـار ******* والحارثـي طيبـه وفعلـه يشيـدهـ
وبني شهر وبني عمر سيـف بتـار ***** قـوم علـى الاخصـام نـار وقيـدهـ
والاسمري والاحمري صيتهم سـار **** بيـن القبايـل والمواقـف شهيـدهـ
واذكر عسير الهول ذربين الاذكار **** وابها احتموها فالسنين الشديـدهـ
وادهم والصيعر على حد الاقطار ***** يحمون حد الدار مـن اللـي يريـدهـ
وامشي مع الساحل مع جملـه افكـار **** رسمتهـا والطيـر زان اتغريـدهـ
وانزل على جيـزان تاريـخ واديـار ******** ورجـال فيفـا والقبايـل عديـدهـ
وارجوا العذر واهل المواجيب عذار ***** الي نسيته مانذكر في القصيـدهـ
الواهبي عـدد ابيوتـه بـالادوار ********* مـن شاعـر ماشـل قلبـه حقيـدهـ
شهران ربعي هم هل المدح والكار *** واهل الكند واهل السيوف الجديدهـ
يوم البلد مايامن الزنـد لاثـار ******** زيزومنـا ابـن مشيـط نعـم الوليـدهـ
فالجهل شجعان وفي السلـم تجـار ****** مـن بطـن بيشـه للتهـم لارفيـدهـ
حبيت ابين موقفي بين شعار ****** وارجـوا سموحتكـم علـى ذا النشيـدهـ
ماحب انافق واتعنصر تعنصار ****** ولا نـي باطيـع اهـل العقـول البليـدهـ
ما كل من طب البحر قيل بحار ***** وما كل من شل الفشـق جـاب صيـدهـ
فالشعـر بستـان بـه ورد وازهـار* ********* واللـي تعداهـا بيوتـه فقـيـدهـ
واقولها في الشعر تكرار وامرار******* ضـرف بـلا عنـوان يلغـى بريـدهـ
وبعض السوالف له مواقف ومحضار***** وشعـر بـلا معنـى لـزوم نبيـدهـ
وصلوا على المرسول شفـاع الابـرار****** محمـد الهـادي وقـدوة عبيـدهـ
مواقع النشر (المفضلة)