لحظه !! وبعـده سـوي اللـي تسويـن !!
لحظه !! ترى ماجيت اقـدم لـك اعـذار
لحظه !! وبعـده سـوي اللـي تسويـن
لحظـه !! بصحِّـح بيننـا بـعـض الافـكـار
وبـاقـول لــك حـاجـه قـبـل ماتقولـيـن
لا تحسبيـنـي بـانـثـر الـدمــع وانـهــار
والا اتـرجـى واطـلـبـك مـــا تـروحـيـن
روحي عسـى دربـك بساتيـن وازهـار
روحــي وغـيـري بالمخالـيـق تلـقـيـن
صحيـح لـك بالقلـب حشمـه ومـقـدار
لكـن شسـوي لــك اذا مــا تحسـيـن
لـي قلـب لامنـه عشـق حيـل مـدرار
ومــن الـغـلا عـنـدي يكـفـي مـلايـيـن
بس إن لقـى صـد وجفـى صـار جبَّـار
وأقــدر افـــارق واهـجــرك لاتخـافـيـن
يابنـت انــا لــي عـزتـي وبـاخـذ الـثـار
وابغى انصحك لارحت اصحـي تناديـن
مـانـي بـراجـع لاتقولـيـن وش صـــار؟
لاتسأليـنـي لـيــه ؟ انـتــي تعـرفـيـن
غـيــرك تمـنـونـي وبـالـعـب وبـاخـتــار
واعشـق بدالـك الـف وحــده بيومـيـن
وانتـي رصيـدك بالغـلا عـنـدي اصـفـار
مـاهــو بـذنـبـي ماعـرفـتـي تـحـبـيـن
وكل الـذي لجلـك كتبتـه مـن اشعـار
والله خـســاره فــيــك ماتستـحـقـيـن
حتـى صـورك اللـي مـن العـام تذكـار
بادوسـهـا وانـتـي قبـالـي تشـوفـيـن
يـامــا عطـيـتـك الــــف إنــذار..وانــذار
أقــدر افارق..قـلـت لـــك : لاتـحـديـن
واليـوم انـا ليـه اتعـب النفـس واحتـار
دامــك جرحتيـنـي وكنـتـي تسـلـيـن
إن كنـت حـي ومـن طويليـن الاعمـار
لجـرح بـدال الجـرح تسعـه وتسعـيـن
والحـيـن يالله خـلـي دمـوعـك امـطـار
وباحاول اضحك طول ما انتي تصيحين
@@@@@@@@@@@@@@@@@@@@@@@@@@@@@@@@@@
تحيااااااااااااااتي لكم
رد مع اقتباس
مواقع النشر (المفضلة)