ضحكت بغوفة ا لدنيا صحت واستنزفـت ياسـي
عنيـده دنيتـي دايـم تعاكسنـي بمسـاراتـي
تغير منهـج العالـم عزيـز النفـس ينداسـي
وانـا يادنيتـي... عاشـق نهاياتـي بداياتـي
لي همومـي ارتبهـا ابعثرهـا بفكـر ناسـي
لي الحاضر لي الماضي لي رياح الغـلا العاتـي
ابي البس من همومي قصايد صاغها حساسـي
وابي كل الورق يخضع وابـي اسـرد حكاياتـي
وابي غيمة عطش تروي سـراب الاه بنفاسـي
وابي رف القطا يشرب ضما وقتـي وحسراتـي
أخـاف أواجـه الواقـع لانـه دايـم قـاسـي
واحب امشي ورا ا لمجهول واعبر للشقا ذاتـي
شربت المر من صغري وقلت احلى الحلا كاسي
حسبت ان الحلا علقم و احسبـن الفـرج ياتـي
خذلني كم رفيق لي ونسوني كـل اعـز ناسـي
ونويت آبقا مثل مانـي ولا اواكـب حضاراتـي
أنا منبع شقـا والا انـا كـل الشقـا ساسـي
رضيت بما قسم ربي وابـي اكمـل مساراتـي
تبي جملـة معاناتـي تمهـل يـا بعـد راسـي
شقا ليلي شقـا صبحـي شقـا كـل اتجاهاتـي
انـا يكفينـي بالدنيـا امـوت ويبقـى كراسـي
يسولف للبشر عني وعن أحلامـي وشقاواتـي
اوا عـزاه ياقلـب رغـم كـل الاسـى راسـي
فدا له كـل دنيايـا فـدا لـه همـل عبراتـي
ابـافني له سهر ليلـي وخـل الحلـم ينداسـي
ابي جرحي وابي دمعي وابـى تجـلا معاناتـي
مشيت بروضةٍ خضرا ضحكت وانكسـر فآسـى
خسرت اغلى بشر عندي وآلا ادري وين وجهاتي
وتزلزل بالحشا شاعر من همومه غـدا قاسـي
يكابر فوق كـل هـذا ويقـول لدينتـه هاااتـي
مواقع النشر (المفضلة)