[poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="double,4,black" type=1 line=0 align=center use=ex num="0,black"]
ويبقى قلبي العاشق قصيـده عجزهـا مكسـور=مثل منتي كسرتيني " كسرت لـك أول ابياتـي "
تهني وافرحي دامك كشفتي الخافـي المستـور=وازيدك بيت من شعري تراهـن كثـر غلطاتـي
لقيت بهذي احلامي وهذي فـي دفاهـا شعـور=وهـذي تشبـه لأمـي وهـذي تسعـد اوقاتـي
وانتي!! للأسف انتي !! تفننتـي بلعـب الـدور=حسبتـك بينهـم رحمـه واثاريكـي معاناتـي
اصفق لك على دورك جعلتيني كمـا المسحـور=اصدق كـل مـا قلتـي كأنـك ساكنـه بذاتـي
فرشتي لي الفضى جنه من احلام وأمل وزهـور=وصحيت من الحلم اسمـع محاكاتـك خيالاتـي
خذيتينـي مـن الواقـع لعالـم يشبـه البلـور=اطالع وجهي واتعجب!! وش اللي زاد دمعاتـي؟
معك شفت الفرح غايب وصمتي واقف ومقهـور=وضحكي من ورى قلبي يعاتب لـي ابتساماتـي
معك ليل العنى طوّل يمر كنـه سنـه وشهـور=شكيت ومـا لقيـت الا مـن تعـدد خطيئاتـي
معك حتى العشق شفته يجي من حضرتك مجبور=دخيل اللي خلق عشقك وش اللي غيرك هاتـي؟
تحكي قولي وش عندك قبل يطلع علينـا النـور=اخبرك تعشقي الظلمـه مثـل عشقـك لزلاتـي
فقدتك برري غدرك لشاعر كـل حروفـه تثـور=فقدتك حـرري لسانـك احسـه يجـرح لهاتـي
تبلّـي واحرقـي دمـي وخليهـا شهـادة زور=تبليتوا على (...)!! وبعده وش لـه نحاتـي!!
يا نون النسوه وش باقي! غديت الفاعل المجرور=وانا اللي ضمتك روحـي وأشعـاري وكتاباتـي
يا نون النسوه ما يسوى تردين الغلا بمشكـور=لعلمك ما انتظرت الرد وانـا ارسمـك لوحاتـي
عطيتك كل تفاصيلـي عطيتينـي هبـا منثـور=مشيت الموت من اجلك واجلك يمحي خطواتـي
شريتك والثمن جرحي وقلتي ما عليك قصـور!!=متى التقصير عنواني وانا الخادم يا مولاتي!!!!
انا اللي سلمك نفسه طبق كادي طبـق كافـور=وكسرتيهم بنكرانـك مداخـن مـن عطوراتـي
وانا اللي ربتك يدي على الطيب وعلى المأثـور=وصفعتيني على وجهي ! وضيعتـي اتجاهاتـي
وانا اللي لا تنحنحتي جلسـت باخـر الطابـور=على بالـي تضايقتـي واقـوم ابعـد مسافاتـي
وانا اللي سقت لك شاعر يسمى الشاعر المغرور=وخليته يبـوس ايـدك! ويرسـل لـك تحياتـي
وانا اللي ما يبي منك بعد هذا نصـح او شـور=لأنـي راحـل لعالـم منـى عينـه مخاواتـي
فمـان الله وداعيـه انـا راحـل لبـو هامـور=هناك المثوى والملجي وراحـة عمـري الأتـي
هناك اللي تزورينـه بـلا احـم وبـلا دستـور=وهو عاجز يرددها " وش اللي غيـرك هاتـي "
ويبقى قلبـي العاشـق قصيـده كلهـا مقبـور=مثل منتي قبرتينـي ابـي اقبـر لـك ابياتـي![/poem]
......
منقول
مواقع النشر (المفضلة)