بسم الله الرحمن الرحيم
اشكر كل من مربي هنا--- قصيدتي الجديده
في قبيلتي تميم تمت مجاراتها من قبل بعض
الشعراء ولكن اعجبني رد للشاعر المتألق
محمد العمري حيث قام بهذا الرد والذي
انقله لكم مع القصيده --ارجو ان يكون النقل
موفقآ
[align=center]قصيدة الحوراء-- بنت نجد[/align]
[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
ياناشدٍ عني انا من قبيله = فيها الكرم والمرجله والشكاله
وابوي شيخٍ مايخلي دخيله = ياما عطى الملهوف من حر ماله
انا تميميه ولاني قليله = هلي هل الوقفات واهل الجماله
اهل الركايب والخيول الاصيله = عاداتهم معروفةٍ بالاصاله
بني تميم اهل السيوف الصقيله = واهل الوفا والطيب في كل حاله
حنا خذينا الطيب والمستحيله = تاريخنا فيه العبر لامحاله
صلنا وجلنا فالسنين الطويله = وسيوفنا للمعتدي دوم عاله
اليا خذينا كود ناخذ جزيله = وليا عطينا ماطلبنا كفاله
وجودنا من قبل عهد الجليله = منذ العصور الاوله والجهاله
ماهي حكاوي الف ليله وليله = اعلومنا تشهد وكافي دلاله
واليوم حنا بمملكتنا مخيله = شعب السعوديه يعيش بسهاله
في ظل اخو نوره ترانا قبيله = والله يديم اللي حكم بالعداله [/poem]
[align=center]قصيدة الشاعر محمد العمري[/align]
[poem=font="Simplified Arabic,6,white,bold,normal" bkcolor="darkred" bkimage="backgrounds/21.gif" border="none,4,gray" type=2 line=0 align=center use=ex num="0,black"]
قريت للحورا جزال المعاني=في قافها شفت الثناء والجماله
أقول يالحورا سطورك سماني=مشكور من يفخر بعمه وخاله
قريت في قافك وضوح البياني=وصوّت لابياتك بروح الجزالة
بني تميم أهل الكرم من زماني=واهل الشجاعة والوفا والرجالة
معروف تاريخ التميمي وباني=والوقت يحفظ للتميمي فعاله
تميم ساس العلم ساس المكاني=تبقى المكانة للتميمي لحاله
أقول يالحورا عيانن بياني=صيت التميمي يفتخر من وفا له
يابنت ناس مجدهم ما يهاني=نوفي لمن هو وافي في خصاله[/poem]
[align=center]وحين تلقيت الرد قمت بتقديم الشكر للشاعر فكان له هذا الرد
[/align]
[poem=font="Simplified Arabic,6,orange,bold,normal" bkcolor="darkred" bkimage="" border="solid,4,gray" type=2 line=0 align=center use=ex num="0,black"]
لجواد عذارة ويدي قصيرة =والمدح في لجواد ماهو ندامة
العين في فعل الجمايل بصيرة=لكن من يقدر يطوّق تهامة
بني تميم أصل الشرف والذخيرة=أهل الكرم والدين واهل الشهامة
تاريخهم يشهد بحسن المسيرة=والمعنوية للتميمي علامة
يابنت نجد الخير في كل ديرة=لكن يفرق بالتميمي مقامه
لوقلت بكتب عن تميم الشهيرة=جف القلم ما طال حق النشامه
المسئلة ماهيب قصة قصيرة=يكتب لها الشاعر طوارف كلامه
الوضع يبغى له بحورن غزيرة=حتى يقدمها بليا ملامة
محمد العمري كتب من ضميرة=واعطى هل الطالات كل اهتمامه
العذر يالحورا حروفي صغيرة=وانا لشخصك شاكرا والسلامة [/poem]
[align=center]اشكر الشاعر محمد العمري --[/align]
مواقع النشر (المفضلة)