سالفتي مع النمله اللي جاها فشل كلوي خخ
[align=center]
مراااااحب فيكم
تمااسيح وياسحاالي
بما اني دكتوره بيطريه تخصص نمل
فقط وحشرات زاحفه ايضااا لاني احب الزحف خخخخخ
راح اروي لكم
قصتي مع النمله
قبل سنتين شريت سكانر ( ماسح ضوئي ) وأول ماشريته كنت فرحانه .. أي ورقة ألقاهاااا أدخلهااااا بالسكانر وبينمااااا أنا كذلك << يمديكمـ على اللغة .. .
وأنا ألقى نملة قاعدة تمشى بالغرفة الظاهر إنها مسوية شوبنق<< تتسوق في البيت .. . وأنا آخذها وأحطها بالسكانر وأكبر صورتها 1600 أكبر حجم وألقى الجهة اليمنى عندها فيها طعجه ..
وأنا أسوي قص للجلد وألقى الكلوة رايحة فيهاااا ..
وأنا أطلع بالحوش وأجيب نملة ثانية وأدخلها بالسكانر وأحطها في برنامج اسمه سبيكنق وأقول لها ممكن تتبرع ين بكلوة لمريضـة في حالة خطرة ..
قالت : الله يرجك .. أنا ألحين رايحة للمستشفى عشان أسوي غسيل كلى ..
وأنا أقول : لاحول ولا قوة إلاّ بالله .. ألحين صار عندي نملتين فيهم فشل كلوي ..
وأنا أطلع عند الحوش مرة ثانية – بس هالمرة عندي عدسة – وألقى نملة منتفة وجالسة لحاله ا
وأنا آخذها وأحطها بالجهاز وأدخلها برنامج سبيكنق وأقول لها لوسمحتي ممكن سؤال ؟
قالت : آمر ؟
قلت : ليش جالسة لحالك ؟
قالت : أنا فقيرة ودايم أشحد من النمل لين طفشوا مني وهم يطردوني من القرية .
قلت : وش رايك أعطيك خيشة سكر ؟
قالت : تكفين ..
قلت : بشرط !!
قالت : اطلبي ياهاانم؟
قلت : تتبرع ين بوحدة من كلاويتس لنمملة عندي ؟
قالت : o.k
وأنا أفتح بطنها وأسوي لكلوتها قص وكوبي منها ثنتين وأعطي وحدة النملة القديمة وحدة النملة الجديدة
.. وهم يطلعون من عندي مستانسين ويوم جاء الليل وأنا أروح أسوي شاي بس مالقيت سكر وأروح للنملة
وأقول لها : بالله عطيني سكر !
قالت : دا بعدك .
قلت : تكفين ..
قالت : بشرط ؟
قلت : وش هو الشرط ؟
قالت : اليوم بيجوني نمل من بيت جيران كم ودي أقلطهم عندك في البيت ..
قلت : مافيه مشكلة ..
قالت : خلاص ،، خذي لك ملعقتين سكر ولا تكثرين تراني أشوفك
وفي اليوم التالي :
جونا نمل من بيت جارنا والنملة تناديني وتقول تراني مسوية تمايم اليوم روحي لأقرب مطعم
وجيبي لنا مفطحين عشان الي جاني ولد ..
قلت : ماشي .. وأنا أروح أجيب لهم مفطحين .. وكل شوي تناديني: جيبي القهوة .. جيبي الشاهي .. وأنا رايحه جايه .. يوم انتهت العزيمة و وحدة من النمل الضيوف
تقول : بكرة السهر ة عندي .. قالت نملتي : الله يعينتس؟ << يعني موافقة .
وفي اليوم التالي :
راحت نملتي عند جيراننا على الغدا ء وأنا قاعده أبكي على حظي في البيت وشوي وإلاّ ألقى صرصور
وأنا أقول له : ورع ؟
وهو يقول : نعم ؟
قلت : وش اسمك ؟
قال : وش دخلك ؟
قلت : آسف إني تدخلت بخصوصياتك .. بس ممكن طلب ؟
قال : تفضلي .
قلت : أنا سالفتي كذا وكذا .. وأبغاك تآكل النملة الليلة ؟
قال : خلاص .. بس بشرط ؟
قلت: وش الشرط ؟
قال: حمام الرجال أبغى أحجزه لمدة أسبوع .
قلت : موافقه .
وبعد قليل وهي تجي النملة مالية بطنها وتقول : ألحين راح أقيل وبعد ماأقو م شوفي لي الحمام
أبي آخذ شور <<< لغير الناطقين بالانقليزي = تبي تتسبح ..
وأنا أقول : حاضر سيدتي وأغمز للصرصور ..
وفي هذه الأثناء : راح الصرصور لأخوياه وقال لهم : الليلة عازمكم على صيدة .. وهم يندسون ورى باب الحمام
والنملة أول ماقامت من النوم راحت للحمام تبي تآخذ شور على قولتهاااا وهم يهجمون عليها هجمة رجل واحد .. وهم ياكلونها ..
وفي اليوم التالي :
مع الصبح أسمع قرقعة بالحمام وأروح أشوف وألقى الصرصور هو وأخوياه يلعبون بلوت ..
جتني سكتة قلبية
.وأنا أقول لازم اتخلص منه بأي طريقة .. وبعد تفكير عميق .. وأنا أدخل عليهم ..
وهو يقول لي : خير يالحبيبه .
قلت : أبد بس ودي أفتح الدريشة عشان تهوون شوي .
قال: ياختي عاجبتني الريحة .
قلت : عشان خاطري .
قال : يلله بسرعة افتحيها ولا أشوفك بالحارة بعدين .. فاهمه ؟
وأنا أقرب من الدريشة كني بفتحهااااا وأسحب السيفووووو ووووو وووون
وهو يقول : غدرتي بي .. غدرتي بي . حسبي الله عليك .
وأنا أقول له : لو سمحت لاتقو ل اسم الله بالحمام .
وأنا أروح سيدا للسكانر وأكسرة أرباً إرباً لأنه هو السبب .. وهكذا عشت حياة سعيدة !!
كم مره قلت وانا ؟
وهذي السالفه
عــ فكره لازم تجاوبون كم مره قلت انا خخ
ســـوســـو[/align]
المشاركة الأصلية كتبت بواسطة سفيرة الأحلام
مواقع النشر (المفضلة)