شك فيها وفي حبها له
السلام عليكم ورحمة الله وبركاته
يحكى ان رجل تزوج على زوجته الاولى الله يهديه ويصلحه ومضت فتره على زواجه
الثاني وحسّ الرجال انه زوجته الثانيه دائما مكتئبه وماتحسسه بالسعاده فشكّ
فيها وفي حبها له وانها قد تكون تحب غيره وقس على هذا المنوال ،
فذهب الى إمرأه كبيره في السن قد عرف عنهاالذكاء والحكمه والفطنه
وعلمها بسالفته وشارت عليه إنّه يصيد حيّه ويخيط فمها ويحطّها علي صدره
ويسوي نفسه ميّت وكأن الحيه قد قتلته وبالفعل نفّذ الخطّه وصاد الحيه وخاط فمها
وحطها على صدره فشاهدته زوجته المذكوره وظنت ان الحيه قد قضت عليه
فقامت تصيح وأنشدت هذه القصيده على مسمع منه مخاطبة ابنه زيد:
[poem=font="Simplified Arabic,4,black,bold,normal" bkcolor="white" bkimage="" border="none,4,blue" type=2 line=0 align=center use=ex num="0,black"]
يازيد ردّ الزّمـل باهـلّ عبرتـي=على ابوك عيني مايبطلّ هميلهـا
اعليت كـم سابـق قـد عثرتهـا=بعود القنا والخيل عجـل جفيلهـا
وعليت كم من هجمتن قد شعيتهـا=صباح والا شعتهـا مـن مقيلهـا
وعليه كم من خفرت في غيا الصبا=تمناه ياوافـي الخصايـل حليلهـا
سقّاي ذود الجار لاغـاب جـاره=واخو جارته لا غاب عنها خليلهـا
لا مرخين عينـه يطالـع زولهـا=ولا سايلن عنهـا ولامستسيلهـا [/poem]
وبعد هالصيحه وهالقصيده عرف انه ما في بالها احد وانها تحبه
وعلمها ليش انه حط الحيه على صدره فزعلت عليه يوم انها درت
انه بس بيختبر حبها له واقسمت إنها ما تكلمه الا اذا كلم الحجر الحجر
والعود يكلم العود واحتار الرجل لان الحجر لايمكن يكلم الحجر
ولا العود يكلم العود ورجع للمرأه الطاعنه في السن اللي استشارها اول
مره وعلمها باللي صار معه وقالتله محلوله !!!!!!!!!!!
ما عليك الا انك تجيب لها الرّحى وهذا يعني الحجر يكلم حجر
وتجيب الربابه واللي هي عود يكلم عود
وهذا عن يمينها واذا تبي ترجعلك ترجعلك لانك برية في يمينها
وجاب الرجال اللي قالت عليه الخبيره بعد جهد جهيد من البحث والاقناع
وعادت المياه الى مجاريها بينهم ..
دمتم بخير .. منقوووول
مواقع النشر (المفضلة)