فضائح الحلوين $$$))( الــتــمــاســيــح)(($$$
كيفكم انشاء الله تمام ..
قبل لاتقرون الزعل مرفوووووض لان الموضوع للاستهبال .......
يلا ماراح اطول عليكم نبدأ بفضايح الحلوين.
المهم نوعية من الشباب تشوفهم في البيت غير وعند الناس غير
أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه
والاا يافلان نبي خبز واللي يعافيك جب لنا يقول ماعلي منكم عمركم مااكلتوا سون ريجيم وعند اخوياه يطبخ لهم لاا ويغسل المواعين بعد 2_
الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه
3 العجازين
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي
4 اذا تبون تعرفون الشاب فوضوي والاا مرتب
هذي بسيطه شوفوا سيارته
تجيك السيارة وصخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب
5راعي الحق والواجب
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه
6_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
ماتدرون اختاروني لاعب باالمنتخب بس اعتذرت لهم لأني مصاب والدكتور الزهراني يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت
7_ المعصب
وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف
8_ الدلخ
هذا كل من هب ودب يضحك عليه ملاحظه* الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاريا
والله بلشه مايدرون انهم بها الأسلوب يخوفون الناس منهم
هذي اول الصفات نكمل شوي
9- المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه
10_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ...
11_ راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي
12 راعي الطرب <<احسن نوع في التماسيح
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج
واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز
13- راعي الأرقام
هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه
14_ أبو راس يابس
هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )
15_ الحساس
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين
واااااااااخر نوع
من برا هله هله ومن جوه يعلم الله
هولاء هم اللى يأجر لك فياقرا ولا شبح ولا فكتوريا من سيارات الجخ
وان وقفته قال انا فلان بن فلان آل .. وهو تلقاه سلتوح مايدرين وين الله حاطه ولا إذا وقف عند الاشاره وانت جمبه رافع كتفه وتافخ نفسه وإذا كان اللى واقف جنبه جمس فيه بنات محترمات ارقبته شوي وتنكسر وهو يناظر فيهم ويطلع هلمعروض ( الرقم بس يكون بخط كبير ) وحالته حاله ولا تلقاءه مأخذ سيارة خاويه بطق العصي علشان المظهر وهو ماعنده ماعند جدتي
:173[1]: :173[1]: :173[1]:
مـ لـ تـ وشـ
مواقع النشر (المفضلة)