بسم الله الرحمن الرحيم
وبه نستعين ولا عدوان إلا على الظالمين الأمريكان واليهود المحتلين والهكرز الغاصبين
والا رهابيين اللي بحلقونا ناشبين اميين..
امابعد,,,
متى تحج البقر على قرونها ؟؟
<< سؤال يطرح نفسه بالخلا
إنه لمن دواعي سروري أن أرى خششككم واحدن تلو الآخر تتوافدون حول موضوعي جموعا غفيرة ،
شوفو يالربع والربيعات ولاهانو الانصاف بعد خخخخ
انا واثناء ما انا اتمشى اثارت اهتمامي هذه القضية المهمه لان هذا السؤال يحتري كل انسان حتى يولد ثم ينشب براسه حتى يصبح عود
واليكم القضيه التي ترددت كثيرا واحترت اين اطرحها هنا ام في قسم للمناقشات الجاده
اخواني واخواتي واما بعد
سؤالــــــ (ن) يتبادر إلى ذهن الجميع دائماً ،،،
سؤالـــ (ن) طالما توقفت عليها الآمال والأماني وتهاني وحصة وفوزية
سؤال يمكنك وضعه تحت السرير او ركنه على الجدار او الاحتفاظ به في الثلاجه ولكن ولابد ان ترجع له ناشدن نفسك
السؤال هو :
متى تحـــــج البقر على قرونها . .... ؟؟؟؟
**حصيصه في انكسار وتميلح بعد ان استشورة القصيصه : ( عليان بعد انت وضروسك ،، وش رايك نروح نتعشى في المطعم سوى ..؟؟
عليان يجاوبها وفي يده العقال : (( إذا حجت البقر علي قرونها .!))
..............
** صويلح ذاك الطفل الاشهب الاغبر تووه لاعب كورة مع عيال الحارة .بدون نعال ورجوله كنها رجول ضب من الغبااار ..
مـــاما اشتري لي لعبة زي كل اصدقانــي
ترد عليه امه وفي يدها ملاس الجريش : (( إذا حجت البقر علي قرونهااا ..!! ))
..............
** نوير تلك الفتاة الطموحة تصيح بحنجرتها المبحوحة متكيه على ركبتيها السود ومدنقة (ن) براسها والشعر يطسس عيونها : بـــابا باروح لبيت صديقتي هيلة ؟؟؟
الأب وهو يرش عليها رذاذا من التــُفال : (( إذا حجت البقر على قرونها ..؟؟))
........................
**عبد الغفور جلباااخ افغاني الجنسيه وهو ماااسك رغيف الخبز
ويتذكر تلك الفتااه الافغانيه التي شلعت قلبه..يااابو علي متي تعطيني اجازه واسافر الي افغانستان..
ابو علي(كفيله) اذا حجت البقر علي قرونهاا..)ثلاثه ريال خبز ولا يكثر هرجك
...................................
إنها لمشاهد يدمي لها القلب ،، وتدمع لها العين ،، وتنشق لها الخشوم
كل هذه الآمال تتحطم وتتكسر كالقزاز المتناثر والسبب ان البقرة لم تحج بعد على قرونها .. ؟؟
اخواني واخواتي اما ان الاوان لهذه البقره ان تحج وتفكنا من شرها ؟ !!
ولكن الحل عندي وانا ام هندي <<<تحرف على كيفها
اليكم انا واعوذ بالله من كلمة انا اجل انا محاكيكم قمت بتحجيج هذه البقره لا وعلى قرونها (( شكرا لا داعي للتصفيق )) <<انسانه متواضعه
انا نويت هالسنة الله لايعوقني بشر بتحجيج البقرة والحمدالله حججتها و لا صورتها نعم صورتها على شريط فيديو وباعطيه كل واحد تقف هذه الجملة عائقا امام آماله وطموحه الله ياخذ روح هذي البقره امين انشاء الله خخخخخخ << كنها عصبة
وعلشان يرتدع كل من تسول له نفسه انه يُعيي ( يرفض ) على طلبك ويقول ( لما تحج البقر علي قرونها) وبكذا انت بدورك راح تطلع الشريط وتقول ( هــــــااااااااه هذهي البقرة و حجت مالك عذر خخخخخ ))
وبالتــــــــالي ،،
حصيصة تروح مع عليان للمطعم ويتعشون سوى
وصويلح يشتري اللعبة مثل عيال الجران ..؟؟
ونوير تندزلع لبيت صديقتها هيله
وعبد الغفور الافغاني يطس لفغانستان
والحمدلله تكون عقده وحليناها واجرنا على الله,,,
مواقع النشر (المفضلة)