إعتبرني مرحله ...
[frame="7 70"][align=center]
أنــت لا طـقّـت بـراسـك (حــب) جـيـت تحـبّـنـي
وغبت لا من طقّت براسك (غياب).. وما التقيك
ياخـي.. إمـا تحتـفـظ بــي صــح ّ.. ولاّ.. ذبّـنـي
ما انت مجبـور ٍ علـي.. ومانـي مجبـور ٍ عليـك
شاطـر انـك بـس مـن وقــت ولـوقـت.. تشبّـنـي
وتنبسط لا صـرت انـادي: واللـي يرحـم والديـك
حـس فينـي.. لـبّ احاسيسـي ونــداي.. ولبّـنـي
شوف انا وشلون صرت امـوت.. وتعلّقـت فيـك
كـنّ قلبـي حالـفٍ: مــا غـيـرك انــت .. يطبّـنـي
ْفـلا تعلّقنـي كــذا .. مــا بـيـن احـبـك واحتـريـك
خلّنـي بيـنـك وبـيـن الـصـدر اعـيـش.. وخبّـنـي
ولا تطلّعنـي.. لانّـي لـو طلعـت اصـلاً .. باجيـك
لا تجامـلـنـي بـوجــه.. ومــــن وراي تـسـبّـنـي
ولا تسوّي لي (متيّم) .. وانـت تخفـي مـا لديـك
مــا انــت نـاقـص تربـيـه حـتـى تقـلّـي: ربّـنــي
وانـت مثبـت لـي مـن اول.. تربيـة أمـك وابيـك
لـو انــا مـانـي بكـفـوَ.. اتركـنـي عـنـك وكبّـنـي
واعتبرني مرحلـه.. واغسـل مـن الرجعـه يديـك
يعنـي لا طقـت براسـك "حـب" .. لا لا تحبّـنـي
مـا اعتقـد لا غبـت بعـد اليـوم .. ممكـن ألتقيـك
اتمني تناال اعجاابكم
القصيده للشاعر محمد الشهري..[/align][/frame]
رد مع اقتباس
المشاركة الأصلية كتبت بواسطة وفيت وخانتني
مواقع النشر (المفضلة)