السلام عليكم ..
-
أحلى تحية لريال مدريد
< تبي توريكم انة مشتركة بموقع عيال مدريد <im3 :24ar:
قسم انة اطلدز فريق بالعالم .. :24ar:
وة بس مبروك علي وعليكم فوز الريال الكاسح 4 / 3 على مايوركا :28ar:
خلهم من قالهم يناطحون نستلروي وراؤول < :24ar: و روبينهو
< خلوة تعبر عن مايجول بمهجتة ..
-
من شاف كليب الفارس .. يلعن ابليسة على هكالرزة ! ّ< من يشوف الشدة عالتعجب
يغسل يدة من الموضوع ..
^
سيفون على كل هاللي فوق
-
اقلطوا الله حيهم كلن بأسمة ..
ياخيويني مادري شنوحي مابي حيل حتى للزحف !
صرت اتقلب عشان انتقل من موقع لموقع حتى اصل لموقع آخر
< محاتستكم طق جولة من الطفش وماغيرزاعراتن المسجل و ترقص وتحند
آخ بس وهات ياردح ورقص لين فقدت الاحساس بأن عندي رجلين
وبعد ما أرجهنينا وأخذت جلسة حش انا ونفسي < عاد تجي
واذا بي أبي أقوم بس أحس بثقل في الساقين وألم في عضلات الفخذ
وأحاول وأحاول ألين وقفت
وأستجمع قواي أبي أرفع رجلي وماطاوعتن
فالتفت صوب أمي وراعيت لة والدموع تكاد تغرق محجري
فقلت لها والعبره تتسابق مع حروفي فتجعلني أوتعتع :
يمه صار اللي كنت خايفه منه ،، راح العمر وبدت عظامي تتعب وانا مابعد أعرست
فقالت أمي والابتسامة متشققه على خديداتها لبى خديداتها الوردية اللي ورثتهم منها >> هين
قالت : مايضر ابدن
قلت : طيب
قالت : خلاص
قلت : لا
قالت : شنوح
قلت : ابي أحد يدلكلي رجليني عشان لاكتب الله واعرست ماتفشل وانخمع بالكعب وانا نازلة من الدرج
وعيوني صوب الكوشة وقلبي يضرب ماتقولون الا بنت بخيت متريعتن بوة < الله يذكرة بالخير ويحلنا منة
الزبدة ان مافيني حيل للقومه والقعده لأني راقصه بضمير < أفلقيني
بقولكم الموضوع وانا متسندرة ..
-
بينما انا ااتقلب بالصالة عند التلفزيون حينن يمين وحينن يسار وحيين على ظهري وحينن على بطني
الا وتظربن هذيتس الطواري اللي خلت جسمي يرعد من زود الشنايع والجنادع ..
ياتسبدي بس وشلون يجينن النوم والا مابية يجي لو يسير بس ييزينن لباتسر ..
وهـ بسات
-
في يوم من الايام اللي كنت بة صغيرة وقصيرة والبس تنورة طويلة .. يعني قبل دخلت المدرسة
كنت وقتة قعدت اهلي واخوي الكبير هو البتسر < لاة لا والله ..
المهم /
[mark=FFFF00]توضيحات[/mark] :
بيني وبين اخوي البكر حوالي سبع سنوات واللي بعدة خمس سنوت
واللي بعدة اكبر مني بسنة وبعدة انا واللي ادون مني ثنين ..
كالقانون السائر على كل بيت سعودي ..
الابن / ـة البكر .. كلمتة مسموعة .. مايرد لة طلب .. ولو ينحر حدا اخوانة دقوا لة تحية ..
كان بيني وبين اخوي البتسر ثلاث افراد من الاخوة .. واحد اكبر مني واحد اكبر من اللي اكبر مني
وواحد اصغر من البتسر .. < ياسين تكرار الكلام
كان اخونا المصون البكر مدلع بحكم انة اول ولد ولد بالعائلة .. كلن يتلقفة من جهة
لين شرع السلطة على كل من حولة اخوانة او مهم اخوانة
ابدأ بمأساتي معة :
حبيب الشعب كان من اللي يمقتون شي اسمة مدرسة وقتة هو بأول متوسط وانا بعد ماخشيت المدرسة
يطلع من المدرسة ويروح على بيت جدتي حيث الدلال وراحة البال والدغف بأشهى انواع الحلويات ..
من بيت الجدة الى بيتنا ..وهاك أنا ياعذ يالذ ياحيي ابي لو جغمة عصير .. لو كصمة من البسكوت المّلح .. او
بسكوت لولو الصغيرة ..
لو شمة من بطاطس كريك كراك
أطرق برأسة برهة من الزمن .. والتفت الي قائلاً : أنتي نصراوية ؟
قلت : لا بالله ..
قال : انتي قدة !
قلت : مادري هي تقدن والا لا ؟ < على وجهي أحسبة كندرة
قال : بعطيك بس مو قبل ما ادفعك ثمن هالكلمة . < كان وقتة نصراوي للنخاع بس الحين هون
قلت : أدفع ياعزوتي وانا لك والشر ماينالك < آوت حُــبي
قال : يالله على الحوش , قلت يالله وش وراي
يا أن وقتة قرصن قلبي وقلت اكيد ان طاوي لة على بلى
مرينا على تلفزيون الوالد وقعد يحوس بالدولاب .. قلبي يقول اكيد يبي يطلع المسدس
وعقلي يقول اها اركدي هذا اخوتس
المهم قام وطلع المكبر ..
ياربي وش يبيبوة .. ياعزيلي بس
قال : قدامي على الحوش
للمعلومية كانت الساعة تشير للثانية ظهراً حر شديد وصقعت شمس وبلاط الحوش يتسوي
طلعّن للحوش حفيانة وانا صامدة كلة عشان كصمة بسكوت لولو
وقفن بزاوية عمودية تحت الشمس . وبرضوا قلت كلة يهون عند البسكوت المّلح ..
قال اجلسي على البلاط .. جلست ..
قال : مدي يدتس
مديت ..
جاب المكبر .. وقضب يدي ووجهة للشمس وحط المكبر ..
وانواع الالم اللي لا يطاق .. اشوف يدي تموع قدام ناظري واقول تحملي منهو حاصلن لوة هالنعمة ..
وعقب مامطقت يدي .. تفطنت لعمري وصرخت ..
الا ماحولك احد لاهين يتغدون .. حس حبيب الشعب بتأنيب الضمير وقال خلاص ادخلي الحين انطيتس
من قالة نسيت كل لحظة الم مرت علي .. وتحولت للحظة سعادة ..
وركضت لداخل البيت . وقلت يالله اطلعوة لي ..
قال : اصبري
ويطلع بسكوت لولو شوكو ساندويش من الشنطة .. ويفكة .. ويفك البسكوتتين عن بعضهن
وانا قاعدة اراعي لة وتسبدي تقطر علية .. وقعد يحك الكاكاو اللي بين البسكوتتين بسنونة
ويلحسة لحس .. ويم قضى .. عطاني البسكوت
اللي يلثق ( يرطش ) من السعابيل ..
توكلت على الله وكليتة
-
مواقع النشر (المفضلة)