زمن ليش سويتِ كذا؟؟؟؟
مسااء الخير لكم جميعا
بصراحه من زمان ما كتبت موضوع هنا
لكن مو مشكله
قعدت مع نفسي هاليومين اتذكر ايااام الطفولة البريئةim5
لكن اكتشفت ان البراءة في جهة وطفولتي بجهة ثانية
تدرون ليش؟؟؟؟
موقف واحد تذكرته لي وانا برابع ابتدائي حسيت عقبه ان مستقبلي الاجرامي راح يكون حافل بالمثير
باخليكم مع الموقف وانتم احكموا يمكن تطلع وجهة نظركم لي غير :18ar:
في يوم من الايااام وبعد استيقاظي بعد طلعة الرووح استعديت للانطلاق لمدرستي البغيضة images8<<<<بصراحة بالابتدائي كنت اكره المدرسة من المعلمات الله يسامحهم
اتجهت لطابوري الذي يقع خلف الصفوف الدنيا وبين المرحلتين الخامسه والسادسه
ومع صجة البنات طلعت المراقبه ومعها المكرفووون اليدوي القديم مازلت اذكر لوونه احمر وابيض
تقووول وكل يووم وهي تكرر هالعبارة ( يله قرأة الفاتحة مع بعض وبصوووت عالي)
والا خلصنا من الفاتحة قالت ( النشيد الوطني بصوت عالي) ونقووول النشيد الوطني
اتحدا عقب اصواتنا وحده من البنات فيها نوووم كلهم مصحصحين من الصياح :157[1]:
المهم اتجهنا للفصل وش عندنا ريااااااااااااضياااااتimages9
طلعت كتابي اثاري ما حليت الواجب( يا داالصبح المنيل بستين نيله)gif22
ادور بشنطتي على قلم اعبي فيه الفراغات علشان اذا دارت المعلمه تلقاني كاتبه اي شيء
تفكيري خطيررررررر:8ar:
التفت على زميلتي اللي وراي مباشرة قلت ابي قلمك الرصاص بسرعة
المسيكينه عطتني وبديت اعبي الفراغات وفي هاللحظة دخلت المعلمه قفلت كتابي وعدلت جلستي وكأن شيئا لم يكن
سلمت المعلمه وبدت تدور على الواجب في هالوقت حسيت باصبع زميلتي في ظهري تدفني وبصوت واطي تقووول زمن ..زمن اعطيني القلم
هنا بدأت الملعنه ما لفيت يمها وطنشتها :164[1]:
كررت العملية مره ثانية بس ماش ما عندك احد
حاولت للمره الثالثة نفذ صبري لفيت عليها بقوة قلت خير وش تبين؟؟؟؟:160[1]:
قالت ابي قلمي
قلت اي قلم im5
قلمي اللي اعطيتك قبل شوي
قلت هذا قلمي مو قلمك:9ar:
البنت اشوى انها ما داخت او اغمى عليها استجمعت قواها
وحاولت بالحسنى بس ما نفع مصرة على رأيي<<<<<<<<جعلني اللي مانيب قايله
في الاخير قامت البنت قالت استاذه شوفي زمن اخذت قلمي <<<<حسيت الدعوى بتطووول قلت خلني اصير اقوى منها
قمت قلت استاذه هذا قلمي
البنت تناظر فيني بكل استغراب واجزم انها تمنت انها احضرت شهود يوم اخذ منها القلم
طبعا ما فيه احد رايق مثل معلمتنا قالت زمن هاتي القلم وتحطه خلفها
قالت لزميلتي وصفي قلمك
المسيكينه توصف لونه وشكله وطوله وما خلت شيء وانا اسجل في ذاكرتي كل المواصفات
قالت وانت يازمن اوصفي قلمك
وصفت نفس وصفها بس اضفت اضافه قلت وفي المساحه نقطة زرقاء:5ar:
قالت المعلمة لزميلتي وبعدين والكذب كم مره اقووولكم اللي تبي قلم تعلمني
طلعت زميلتي كذاااااااابه وانا صااااااادقه:16ar:
وتاخذ المعلمة القلم وتكسره
وتطلع لنا قلمين جديده
وقالت لزميلتي ثاني مره لا تكررين فعلتك
وانتهت سالفة القلم
بس بقى شيء اقووله لكم زميلتي هذي كملت معي الابتدائي والمتوسط والثانوي والتقيت بها مراات بالجامعه :frown:
ولا عمرها سألتني عن سالفتي البايخه هذي
لكن مازال سؤااال يراودني ليش انا سويت هالموقف
هل ممكن لاحد منكم يساااااااعدني؟؟؟؟؟؟؟؟؟؟
المشاركة الأصلية كتبت بواسطة جنون إنسان
مواقع النشر (المفضلة)