المشاركة الأصلية كتبت بواسطة شبل الهيلا
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هاك الغلا من كف راع الغلا هاك=لاتنقص اللي مدّّك الطّيب زيـده
من صاحبٍ لوتطلبه قلبه اعطاك=مقدّمٍ قلبـه علـى راحـة إيـده
يغليك يعشقك ويحبّـك ويهـواك=هواك في دمه مشى مـع وريـده
وتقول عطني وقت لجل اتهجـاك=أنـا كسولـة فالغـرام وبلـيـدة
طيّب تعال اقراك واكتبك واقراك=وانسجك فالوجدان قصّة جديـدة
لاتسبق الأحداث عنها وش ادراك=يمكن احلّق بـك مسافـة بعيـدة
وآخذك رحلة للثريـاء والافـلاك=صحبتك غاية والسعـادة أكيـدة
واتهيّلك فنجان واشربـك وارواك=وادفى على ضوّك ليـالٍ بريـدة
واليا طلبت اغلى طلب قلتلك جاك=أنا لعيناك اطلـب اللـي تريـده
واتغزّل بلبسك وجسمك وممشاك=واطريك واكتب في عيونك قصيدة
ياما تمنيت انّي اعيـش دنيـاك=واعيش في جوّك حيـاةٍ سعيـدة
ياموقد اشموع الفرح في محيـاك=ارحم صويبٍ شوفتك يوم عيـدة
ياورد لو حفّتك ياورد الاشـواك=تبقى غلا راع القصيـدة وسيـده
ريح البشام ونكهة الهيل والـراك=بستان به كـلّ الفنـون الفريـدة
سبحان من حلّاك حـلّاك حـلّاك=سكّـر زيـادة والمزاياعـديـدة[/poem]
مع تحيات/ شبل الهلا...........................................:b oy_s02:
مواقع النشر (المفضلة)