تدري وش اللي يتعب البنت ...؟!
[aldl]السلام عليكم ورحمة الله وبركاته[/aldl]
اخباركم يالغالين والغاليات
تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة
إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده
البنت ريحانة غـلا ... ناعمـة عـود
تبـي لهـا رجـلٍ ورث طيـب جــده
رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!
مهوب خبلٍ مـا رعـى للهوى عهـود
وادنـاة مـا عـارض طريقـه يــرده
ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـده
,,,,,
تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل ... وانفاس صدره لهـا عـود
وظلالـه الضـافـي بيـدهـا تـمـده
البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده
البنـت إلا ضحكـت ثمرهـا لـك ورود
يا خوي مـن يقطـف نواويـر وردة
واللي يهين البنت ناقـص ... ومقـرود
فرس غـلا ... ماهـي حمـارة مكـدة,,,
اتمنى تعجبكم القصيده مثل مااعجبتني كثير
فنقلتها لكم 00
دمتم بجميعا بحفظ الرحمن:frown:
مواقع النشر (المفضلة)