،،،الـــورد يانبت على لسانــي،،،

[شيخ الزيـــن]

أحبه عساني ما أنحرم منه ولا أبكيـه
حبيبي، ونور عيوني، وشمس وجداني
يكحل عيونه بالدجـا، والسنـا كاسيـه
وأنا أغازله، والورد ينبت على لساني!
مقامه يا كبره في عيوني؛ وأنا أخبيـه
مابين العروق، وبين نبضي، وشرياني
مدلل، ومترف، والحلا، والزهو مطغيه
يسولف، وإذا سولف دخل عالم ٍ ثاني!
هويته، وضميته، وقلبي وقع في يديـه
أبو ضحكة ٍ ينسى بها قلبـي أحزانـي
يا ما أستدرج أشواقي لليل العتب والتيه
بثغر ٍ تنّفس ريقه الشهـد؛ وأغرانـي
يهدد، ويوعد بالزعل بس مـا يمديـه!
فؤاده "سما، ونجوم" وإحساسه "أغانـي"
نثرت البنفسج في طريقـه وقال:أحيـه
برد من هبايب قلبي!.. وفاضح أشجاني
بعد ما حضنته وانتثر عطر روحي فيه
كتبته، وشفته فآخر السطـر يقرانـي!

اهداء خاص

[الحوراء بنت نجد]

شيخ الزين

مرحبآ بك في الزين-- ونشكر لك هذه

الكلمات المعبره والتي ننتقل بها

لهمس القوافي للقصائد المنقوله حسب

قوانين القسم اذ لابد ان يعرف الناشر

بالقصيده وانها من بوحه الخاص اذا

كان في بداية حضوره معنا--

وحين نجد اجابتك بأن القصيده من بوحك الخاص

تعاد لهمس القوافي بعد مطابقتها لشروط النشر

كبقية الشعراء-

اشكرك واكرر اعتذاري-- وحياك الله