¨°¤§« قلتلهـ لا , قالي : أصلا ماشوفك الا تحتـ .. »§¤°¨¨
بدون مقدمات طويلة ومنمقه راح ادخل بالموضوع على طول <<< متشمره ومتحمسة images11
بأختصار راح اتكلم عن العلاقات التي تصير بين البنات والشباب بالنت وبالتحديد( بالمنتديات والمسن ) بس بصوره مختلفه ,, يعني ماراح أقولكم وش رايكم لان هذا موضوع تكلموا فيه كثير ,,
راح أخذ الموضوع بشكل موضح اكثر ,,
في البداية راح اعرض لكم مواقف لبعض البنات الي اعرفهم شخصيا قبلا لا أناقش معكم الموضوع ,, بعرض لكم 3 نماذج ولو انو فيه اكثر بس ماابي اطوول عليكم ,,<< يمديك علـ الفلسفة ,,
*..* البنت الأولى *..*
عمرها 17 سنه ؛ عضو من اعضاء المنتدى الي مسجله فيه طلب منها أضافته عندها بالمسن , أضافته بدون ما تتردد لأنه عضو محترم وعاقل وتحسه واعي ومنطقي من خلال مواضيعه ومشاركاته , البنت أضافته واكتشفت شخص ثاني ,الشاب كان عمره 26 سنه وحش في هيئة بشر, أستغل صغر سنها وحطها تحت سيطرته > بدون ماأدخل في التفاصيل لأنه كان شخص حقير بمعنى الكلمة < البنت ماهي عارفه كيف تتصرف ولولا تدخل صاحباتها إلي اكبر منها كان الله يعلم وش بيكون مصيرها ,,
*..* البنت الثانية *..*
عمرها 18 سنه , عضوه بعد في احد المنتديات ,, البنت عفويه وعلى نياتها وتشوف كل الناس مثلها ,,
طلب أحد مشرفي المنتدى انه يتعرف عليها أكثر وكان دايما يحاول يكبر من شئنها بالمنتدى الا ان أضافته عندها بالمسن ,,أهي تعتبره مثل أخوها ولمن أضافته قالتله عن شعورها ناحيته ,
قالها: ماينفع تعتبريني مثل اخوك لأني ماراح أقدر أخذ راحتي معك بالكلام ,, أنصدمت البنت فيه ودليت على طوول ,,
*..* البنت الثالثة *..*
أكبر منهم عمرها 22 سنه ,,أهي أضافها صاحب المنتدى , بس البنت من النوع الي يعرف يتصرف وشلون تتعامل مع هالنوعيه ,,قبل لاتضيفه فهمته انها ماأضافته الا علشان يتناقشون عن المنتدى ,,ولأنها بعد واثقه مناأخلاقه ,,
بعد كم محادثه او محادثتين طلب منها انها تكلمه علـ الجوال ,, طبعا البنت رفضت وقالت له احنا متفقين قبل لاأضيفك على كل شي ,,
قالها : بس انا غيرت رايي وودي اكلمك جوال ,
قالت له : لو تطير سابع سما مستحيل أكلمك << تعجبني
قال لها : أصلا ماأشوفك ألا تحت جزمتي تبين أثبت لك ......
البنت على طول بلوك ودليت ,,
قالتلي انها انصدمت مو معقوله يرمي علي كلمه قويه زي كذا بس لأني رفضت أكلمه علـ الجوال,,
الحين ماابيكم تعتبروني متحيزه للبنات او اني شايله علـ الشباب ,,
أدري أنو فيه بنات يدورون على هالنوعية من الشباب ,,وادري بعد انو فيه شباب محترمين ,,
بس ما حطيت الموضوع الالاني حزنت كثير على هالبنات ,, تلقى البنت عمرها صغير وتطيح بأيد شباب متجردين من الاخلاق ,, لاتقولون بنت16 او 18 كبيره وفاهمه ,, لو نجي نقارنها ببنات العشرين أو اكبر تلقى فهمها على قدها وفي سن مايساعدها تتصرف بشكل صح مع هالنوعيه من الشباب <<أعتقد البنات فاهمين هالشي ,,
غير كذا ,, مادري ليش الشباب يزعلون لمن البنت ترفض تكوين علاقه عاطفيه معهم << انا من وجهة نظري مالها علاقة بالعاطفة
في كثير بنات يدورون على صداقات اخويه بالنت وهالنماذج الي ذكرتها كانوا من ضمن البنات الي يؤمنون انو في مجال لتكوين صداقات محترمه مع الجنس الاخر يقدرون من خلالها يتكلمون في أي مواضيع تخصهم بحدود ماتجردهم عن مبادئهم ,,
بالعربي ,, مستحيل تصير صداقة اخويه وهالفئه من الشباب موجوده وبكثره في عالم النت ,,
انا ماأعم ولا أخص بعد ,,
الموضوع يعبر عن رائي الشخصي ,, وأختلاف الرائي لايفسد للود قضية ,,:frown:
تقبلوا مني أرق التحايآ ,,
المشاركة الأصلية كتبت بواسطة شيخ الزيـــن
مواقع النشر (المفضلة)