//++// بنت درويشه //++//

[!..أنفاس الفجر..~]

[poem=font="Simplified Arabic,4,black,bold,normal" bkcolor="royalblue" bkimage="backgrounds/18.gif" border="none,4,gray" type=0 line=0 align=center use=ex num="0,black"]
وقفت أعانـد الأيـام وابنـي حلمـي الدرويـش=مدام إن الثمن شطحه باجيـب الحلـم فـي حينـه

غمض جفن الزمن عني وحوشت القصص تحويش=عرفت بقصـة التوتـه وسمعـت بقصـة التينـه

نظرت لعيني الجردا لقيت من الصـور تشويـش=بدايـة حلـم تجرحنـي قيـود الواقـع بعيـنـه

حلمت أروي ظما شفاهن جرحها الوقت بالتعطيش=حلمت أركض ورا نورن عجـزت آلامـس يدينـه

حلمت اغمّض عيونه وابعثر من جنونـي طيـش=و أرد اجمع شتـات الطيـش واتعـوذ شياطينـه

حلمت استفزع جنودي وأمده من وفـاي الجيـش=واجهز له سرايا الشـوق توقـف معـه وتعينـه

حلمت اني أسيرة حرب يـروّع قلبـي التفتيـش=لقوا فيني جروح الحـب وقالـوا لـي تحبينـه؟!

نطق فيني سكوت الذل يجاوب صرخة الشاويـش=فتق فيني عروق الخوف علـى مابينـي وبينـه!

بعد باقي حلـم صاحـي علـى فجريـة التغبيـش=وصل حلمي حـرار الحـوم وتحليقـة شياهينـه

حلمت اني بحمى طيري هذاك الحر ابو التدويـش=مخاليبه تهـوز الصيـد وانـا ريشـه بجناحينـه

حلمت وضاعت أحلامي مابين الصـد والتطنيـش=حلمت وماصحيـت إلا علـى هالجـرح وسكينـه

أحد يحلم على فـرش النعـام وبعثـرة هالريـش=يشوف إن الحلـم ملكـه يبيعـه عقـبِ تثمينـه

وأحد يحلم على بساط الفقر متوسـدن هالخيـش=قضى ليلـه بحلـم الديـن وديانـن يبـي دينـه

هنا تضحك علينا أحلام وتاخـذ عمرنـا بخشيـش=تحسب ان العمر ناقص ألـم وجـراح "مسكينـه"

هناك أحلم حلم يشهق على صدري قبـل لايعيـش=يمـوت بحظـه العاثـر قبـل لا اصافـح يمينـه

جزا الله طاري الأحلام تجي صفعه على الدرويش=يسامـح ربـي ظنونـي ويثبتنـي علـى دينـه

يموت القلب وهو عايش صفر في خانة التهميـش=فـلا ينفـع ولايرفـع يسـار الصفـر تدويـنـه

مدام إن الثمن شطحه ابـد لاتختنـق "معليـش"=يجي منهـو يتـل الحلـم ويبـري علـة سنينـه [/poem]
[align=center]قصيدة منقولهــ....للشاعره...مزون المحمد..
دمتم بخير..لكم $222
وداعا للحب[/align]

[..°«¸نورمينا ¸»° ..]

كلمات رااااااااائعة
الله عليك وداعا وعلى ذوقك وحسك الراقي
سلمت اناملك على الاختيار المميز
كنتي ومازلت وستطلين
قمة في التاْلق والذوق
الف شكر غلاتي

[نديم الشوق]

أحد يحلم على فرش النعـام وبعثـرة هالريـش
يشوف إن الحلـم ملكـه يبيعـه عقـبِ تثمينـه

وأحد يحلم على بساط الفقر متوسـدن هالخيـش
قضى ليلـه بحلـم الديـن وديانـن يبـي دينـه



يا شيخه وربي انك ذوق

تسلم يمينك على هالأختيار الراقي

لا عدمناك والله وداعا للحب

ننتظر منك دائما الأجمل والأروع

دمتي بخير

[فاصل ونواصل]

مدام إن الثمن شطحـه ابـد لاتختنـق "معليـش" ..... يجي منهـو يتـل الحلـم ويبـري علـة سنينـه

وداعا تأتينا بكل جميل دائماّ. في هذه القصيده السهله الممتنعة .. تبعثر الشاعره الآحاسيس وتجمعها صورا تعبيرية ومشاعراّ صادقة تحترق في ليل برد الجمال.. لتنتفض المعاني وتقول كلمتها.

شكرا لك.

[¶ بــآريــس ¶™]

مبدعه بالإختيار يسلمو على النقل ,,