ولد اخوي .......والشـــــــات
[align=center]السلام عليكم ورحمة الله وبركاته
كيفك صبايا وشباب
عندي مشكلة وابغى استشيركم فيها
وإخذ رايكم
..
..
قبل تقريبا يومين كان اللاب توب حقي مفتوح
وتركته تقريبا ساعتين ولا دخلت الغرفة
المهم لما جيت لقيت ولد اخوي متكي ويكتب ومندمج الاخ
واجي اشوفه على الشات انصدمت
(ولد اخوي ذا سنة خامس)
قلتله : ايش قاعد تسوي
قال :ادردش بكل براءة ..............
قلت :مين علمك ؟
قال:انا لما اروح لخوالي اجلس على الكمبيوتر واسوي زيهم
قلت :انا ماني عارفة هذا ايش علمني كيف ادخل
(بأختبره)
قفلت الدردشة وقلت له يالله وريني كيف ادخل
والله الاخ
يفتح قوقل ويكتب(دردشة الشلة)
وأنـــــــــــــا ساكتة بشوف ايش يسوي
وتفتح الدردشة تخيلوا
كتب النك نيم"نانسي"
ودخل
وعلى طول على الرومــــــــــــــــات
وأختار روم "جدة"
وكتب
هاااااااااااااااااااي
والله ماتتخيلوا قد ايش الصدمة
المهم
قلت له قفل
وبسألك
اول شي تعرف يعني ايش شات
قال:اعرف انه ناس تتكلم مع بعض وتتونس
قلت :ايش تستفيد ؟
قال:ولاشي بس اضيع وقت
قلت:ليه مادخلت بإسمك ؟؟
قال:اعرف اللي في الشات اذا شافوا اسم بنت
يكلموني خاص على طول....................
(ويعرف خاص بعد)
قلت له :من متى وانت تدردش؟
قال :من سنة تقريبا.
"الولد فيه جرأة مدري براءة ماني عارفة كيف افسرها"
قلت:واللي في الشات تقولهم عمرك؟
قال:غبي أنا اقولهم عمري 20
قلت:استفت شي؟
قال :اكيد يشحنون لي جوالي
"هنا المصيبة الكبيرة"
قلت:انت عندك جوال؟
قال:ايوه بس مااحد يدري عنه
امي وابوي مايدرون
(انا في ذي اللحظة تمنيت الارض تنشق وتبلعني )
ماني عارفة كيف اتصرف
المهم
نصحته ...فهمته....هددته
وحطيت في بالي انه صغير وماهو عارف ايش قاعد يسوي
ملاحظة
1-ابوه وامه ماهم مقصرين معاه بش مدلعينه اخر دلع وموفرين له
كل شي الا النت حارمينه منه......(أنا قلت ممكن يكون ذا سبب)
2-الشي اللي مضحكني واتذكرته"لما كان بصف رابع كنت اقول لامه وابوه
ولدكم ممتاز في الاملاء وسريع في الكتابة ماشاالله عليه"....مو منه من الشاتات
..
..
طبعا هاذي القصة اللي صارت لي بالتفصيل ومعليش اذا
كانت الافكار ماهي مرتبة
بس هذا اللي صار
وابغى اشوف رايكم
لأني حسيت نفسي مسؤولة عنه ولازم اشوف حل مااخليه يضيع
وهو في هذا السن
لانه صغير وممكن يتهور ويتورط بعد
ماني عارفة ايش اقول......................
محتـــــــــــــــارة
ابي رأيكم كيف اوصل لابوه المشكلة
او كيف اتعامل معاه ...................؟[/align]
المشاركة الأصلية كتبت بواسطة حبيبتي حطمتني
مواقع النشر (المفضلة)