..+ يـآليـت آن الــزمـــن يـرجـــع .+. ولا الليــــآلـي تـــدور ..+..

[MR.BLACK.TNT]

[a7la1=00FFCC]موضوعي هو اعرف شخصيتك من مشيتك
وعرف شخصيتك من سواقتك
وعرف شخصيتك من مصالتك

وش شعوركم لما تشوفو موضوع مثل كذا


ياليت ان الزمن يرجع ورى ولا الليالي تدور .. ويرجع وقتنا الأول وننعم في بساطتنا
زمان أول أحس انه زمان فيه صدق شعور .. نحب ونخلص النية وتجمعنا محبتنا
زمن مافيه لاغيبه ولا حتى نفاق و زور .. ياليته بس لو يرجع ونسترجع طفولتنا
صغار قلوبنا بيضاء نعيش بعالم محصور ... ولا نعرف أبد أغراب ما غير عيال حارتنا
صحيح صغار بالتفكير لكن ماعلينا قصور ... نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور .. نحاول نزعج العالم في روحتنا و جيتنا
وعشان نأخر الحصه نخبي علبه الطبشور ... نشاغب بس في الآخر تميزنا برائتنا
نحب الضحك والهيصه نحب نط فوق السور ... نفرفش ليه مانفرفش مادام الضحك عادتنا
ولكن دارت الأيام وبان الخافي المستوور ... وصار الهم متعلي على قمة سعادتنا
كبرنا وصارت الدنيا تصف أحزاننا بالدور ... وتهدينا الألم والهم غصب عن عين رغبتنا
تعبنا من بلاوينا احد غني واحد مهموم .... وكلن غارق بهمه وبالآخر ....... تشتنا
وانا ما اقول الا ياليت الزمان يدور .... ويرجع للورى فترة ونعدل وضع ... عيشتنا !!



ترى مدري وش جابني هنا ومدري كيف فتحت موضوع جديد
أظن التعب الي فيني مأثر فيني هــ اليومين
ومخلص اختبارات وفرحان انا وخشتي

بس تدرون وقت التعب تلازم سريرك كثير
وتفكر واجد وجت في بالي ذكريات اول
ايام المبزره قصدي ايام الصغر

بصراحه يوم أتذكر نفسي ايام الإبتدائي
من جد كنت مصيبه

هذي كم قصقوصه وانتو احكمو << قصقوصه دلع قصص << برى

ايام الإبتدائي وبالأخص ثاني إبتدائي

مدرس كان يدرسني << أجل يدرس جدتك
المهم
أشتهرت ميداليه حقت مفاتيح السيارت
الي على شكل برج إيفل
جانا المدرس الموقر يقول بالصيف كنت بفرنسا
وهو خشته ما تأهل تروح تصيف بأبها
وشريت هــ الميدالية من هناك
انا طلعت عيوني تدرون ليش
لني شايفها في أبو ريالين
اليوم الثاني اشتري 2 وحده لي وحده لصاحبي
ويوم دخل وحنا نجلس نلعب فيها
وشافنا قال من من اهلك راح لفرنسا
قلت لا رحت ابو ريالين انا وفهد
على طول راح لسبوره وشرح درس اليوم


وتكثر المواقف والذكريات الجميله
منها دروس وعبر إستفدنا منها بحياتنا الأن
<< مسوي داخل جو بالقصص هع

تبون تشوفون وش سويت يوم حطني المدرس عريف على الفصل
هذي المصيبه هنا وانا برابع إبتدائي كنت بقمة الشقاوية
كان المدرس كل فتره يحط عريف للفصل يسجل اسماء المشاغبين
ومايخلي أحط يطلع اذا المدرس مو موجود
عاد مستحيل يختارني لني انا راس المصايب
بس جت فتره مرضت فيها وكنت ماقوم من مكاني مافيني حيل من التعب
وهو يفكرني مؤدب واني تغيرت
وختارني
طبعاً عيني على كم طالب حاقد عليهم وتشوفني مركز عليهم
اي حركه منهم احط جنب اسمه 20 اكس يعني مشاغب أكثر من مره
المهم جاني واحد بحصه فاضيه يقول حمود ابي الحمام قلت انطم وإجلس
المسكين جلس وشوفه ماعاد يشوف خلاص راح وطي << قسم متندم
رحت عنده قلت يافيصل تبي تطلع قال إيه قلت بشرط
عطني ريال وتطلع وعلى طول واقف وعطاني وراح
عجبتني الفكره
قلت ياورعان الي يبي يطلع الحمام بريال والمقصف بريالين
5 دقايق والفصل كله برى وانا جلست بالفصل اكتب بالسبوره
شوي وجا المدير بعد ماشاف الإزعاج برى 30 طالب بالحوش
أنواع التشويت والتبقيس والكفوف والتهزيئ
قال خلك هنا وجهك بالجدار ورافع يدينك ووحده من رجولك
لين اجيب الباقي ومدرسكم
عاد المدرس ماقصر فيني يوم جا والطلاب أنواع التريقه علي
بس فلوسهم مارجعت


طبعا المواقف كثيرة والمصايب ماتنعد
بس ماحب أطول عليكم أكثر من كذا

بس المقصد من الموضوع الحين إني أبي أشوف منكم
مواقفكم وذكرياتكم ايام زمان
وبلاويكم وشقاوتكم
مافي أحد ماعمره سوى شي للحين يتذكره
خلونا هنا بالموضوع هذا نرجع لايام أول
ونشوف وش كنا نسوي

لاتحرموني من طلتكم ومن ردودكم ومن ذكرياتكم [/a7la1]

[سحر الانوثه]

ياماال الحكه كل امين


من معلمك على هالخط

ماقريت ولا شي

عمت عيوووني ماقريت الا توقيعك

ههههههههههههه

[بحر الزين]

مستر بلاك مافهمت شي بسبت خطك

غيره تكفىىىى وربي عورتن عيوني

<<<<<< دخلت عيونها بشاشه عشان تفهم هههههههههههههههههههههههه

بس اللي فهمت تبي موقف صاير ايام المدرسه

انا ذكر مره سوينا انا وصديقاتي انفجار بالكليه <<<<<< مجرمات هههههههههههههههههههه

وربي ماانسى ذاك الموقف هههههههههههههههههههههههههه

تقبل مروري يابو خط خايس هههههههههههههههههههه

دمت بخير

[al-maha]

ههههههههههههههههههههه


ما قصرت..

[أم صقر]

يابن الحلال غير هالخط الاشهب


ابي اقرأ..