يا نفس صدّي
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا نفس صدّي عمد وأرقي من رفاع أليا رفاع=وانتي عزيزه مارضيتي بالتدنـي والخضـوع
تجاهلي وأرقي على قمـة مراقيـب السبـاع=لو التذلل يشبع الانفس يموت الذيـب جـوع
مير المثل قال القناعـه كنـز والدنيـا متـاع=والمغريه لو تغري الطماع مـا تغـري قنـوع
وانا احمد الله يوم اسوق الرجل فالسبل الوساع=وأن سقتها قدام مايطري على بالـي رجـوع
اصدّ عن بعض المداخل عمـد قصـرٍ للنـزاع=من خوف لا تجذبني الزله وأنا رجـلٍ جـزوع
تجزعني الزله ليا جتني من لسـان الشجـاع=لو كنت اصم ابكم ليا صارت من لسان الدنوع
مانيب جاهل ميـر تحكمنـي تقاليـد وطبـاع=واشوف ناسٍ مايعرفون النزول مـن الطلـوع
من يطرد الدنيا محبة قـدر يبشـر بالضيـاع=واللي يعدّي فوق مايحسب,مصيـره للوقـوع
واللي يعبد وجيه خلق الله مثل عابـد سـواع=انا دخيلك ياعظيم الشان من بعـض الركـوع
يالله لاتظفي على وجهي مـن الغفلـه قنـاع=والهمني الطاعه ولا تجعـل جبينـي بالمنـوع
انا عليّ من الذنـوب السـود مـا لايستطـاع=تاخذني الغفـلات والانسـان مخلـوق هلـوع
غرقـان فاللـذات والايـام تطوينـي تـبـاع=على سفر واليوم يقرب من ربوع ليا ربـوع
أسألك حسن الخاتمه يـارب لحظـات الـوداع=والعفو والغفران من شيٍّ ورى حدب الضلـوع
اناعدوّ أبليـس والشيطـان معصـيٍ مطـاع=احيان يغويني على ذنبي واطيع النفس طـوع
وأذنب وانا من رهبة الموعد معاليقـي شبـاع=والخوف يدخل في شراييني على مليون نـوع
خوفي من اللي مقتفيني بعد ما يطوى الشراع=والصحف والميزان والانكال في يـومٍ يـروع
والعمر مهما طال حبل العمـر لا بـد أنقطـاع=وأليا ذكرت اللي مضالي كنه أقصر من سبوع
يارب زدني خوف وأيمـان وتأمّـل واقتنـاع=ونور وهدايه منك وأسكنّي ملـذات الخشـوع
وزدني يقين ومتع اسماعي بحسن الاستمـاع=يالله ولا تجعل عيوني منـك تبخـل بالدمـوع
النفس أمّاره وانا والسوء في حرب وصـراع=والفاتنه تلعب على عيني مثل لعـب الفـروع [/poem]
رد مع اقتباس
مواقع النشر (المفضلة)