كيف أنتهيت !!!
في أحد الأيام كنت اتصفح موقع للبطاقات الإلكترونية في قسم البطاقات الشعرية و لفت نظري أسم أحد هذي البطاقات وكان أسمها ( كيف أنتهت ) فأردت أنا أقرأ هذه القصيدة و عندما أكتمل تحميل تلك البطاقة و سمعت ما تحتوية عجزت عن اغلاق تلك البطاقة ظلت تتكرر لساعات و ساعات و أنا أستمع لها ولم أستطيع أن أغلقها إلى أن أًصاب جهاز الكمبيوتر خلل ...
لرؤيت البطاقه ادخل هنا :
http://www.donjwan.com/create.php?card_id=106
وهذي كلمات قصيدة
كيف انتهت ..
لولا غيابك يا هوى النفس ما ضاق
صدري ولا بانت بنظراتي الشوق
لي قلب مثلك واسهر الليل واشتاق
غيرك فلا والله تمنيت مخلوق
بيني وبينك خطوت الرجل تنعاق
حسبي على اللي صار من بيننا عوق
اجرح وقلبي لك على الطول ينساق
رمشك ملكني ساقني للهوى سوق
كمل جمالك والي العرش بأخلاق
حتى الجروح اللي تجي منك لي ذوق
كيف انتهت ذيك المشاوير بفراق
العام الأول كانت أحلامنا فوق
و من تلك اللحظة تعلقت بتلك القصيده و أصبحت أحب أن أستمع لها كلما أشتقت لها ...
و في أحد الأيام تمنيت أن أن أعرف من الذي خط تلك الكلمات و صاغها بتلك الصيغة الجميلة و المعبرة عن كل تلك الأحاسيس الجميلة و بدأت بالبحث عن ذلك الشاعر الذي يستحق أن يلقب بالشاعر ...
هذا الشاعر يعجز اللسان عن وصف شعره والمه وتضحيته من اجل محبوبته نعم انه الشاعر/ عبدالله بن عبدالعزيز العليوي رحمه الله...
رحل بصمت وحمل معه همه والمه من اجل ..........
رحل الشاعر مخلفا ورائه امه واخته وكم هائل من القصائد وللمعلومية ان شاعرنا لم يتزوج من اجل حبه واخلاصه فهل كانت تستحق من ضحى من اجلها !!!
من قصائدة...............
قبل ترحل..
قبل ترحل
وتنسى الدار ... والديرة
أبي نظره ...
تساعدني ...
على فرقاك
أبي قبل السفر يازين
تشيل القلب ....
ولا الحب ... من قلبي
وتعطيني مثل قلبك
بفرحة يوم
يبيع اللي مضى كله
وابترجاك وأتوسل
قبل ترحل وتنسى الدار
والديره ... أبي نظرة
تساعدني على فرقاك
الشاعر الكبير عبد الله بن عبد العزيز العليوي ولد في مدينة عنيزه عام 1373هـ حصل على الشهاده الثانويه وأقام امسيتين في حياته واستطاع ان يفوز ببطولة المملكه للقصه القصيره في التسعينات الهجريه وجاءت بعنوان (( لمحة وفاء )) هو شاعر شعبي و اديب ندر وجود امثاله في زمن الواسطات والاعلام المبتذل
شاعر استطاع خلال 25 سنه يصور الآلام ويستورد احزان الاخرين وهو لايستطيع ان ينهض من ثقل الاحزان التي فوق كتفيه ليصور لنا الابداع والجمال
عمل مشرفا ثقافيا في النادي العربي بعنيزه وكان شعله من النشاط فحقق ناديه في ذلك الوقت العديد من الانجازات الثقافيه سواء داخل القصيم ام خارجه
صدر له ديوان مطبوع جاء تحت عنوان(( بقايا شوق )) ضم اكثر من 72 قصيده وكتب ورقة الاهداء الى والدته
وطويت بموته صفحه تعتبر من اهم الصفحات في تاريخ الشعر الحديث
توفي رحمه الله يوم الخميس الموافق2/11/1424هـ وصلي عليه بجامع الضليعيه في مدينة عنيزه
و هذا ما كتبته بعض الصحف عنه:
الشاعر المبدع..عبدالله العليوي..شاعر مفرط الشفافية..عابق برائحة الشجن..ينزف الماً..وينضح عذوبة..هذا ما يبدو جلياً في ديوانه «بقايا شوق!» من الغلاف الى الغلاف..فالحزن رفيق دربه..وعطر شعره..ولونه المفضل..وفلكه الذي يدور فيه..شدواً..وآهة..نظرة..وكلمة!
حزن وتألق
وهو على الرغم من هذا الاطار القاتم الذي حدد به مساحات بوحه استطاع بشاعرية فذة منح هذا الشعور القاً من نوع آخر..هذا الشاعر جاءته الشهرة دونما بحث عنها..وانساق له جواد الشعر دون ان يتعب في ترويضه لانه ببساطة شاعر موهوب..تعرض خلال السنوات الاخيرة لفشل كلوي وبعض الاعراض والامراض المصاحبة له لكنه لايزال غارقاً في بحر الشعر! ومعاناته متجددة رغم ثقته بالله وقوة عزيمته!
واذا رحل شاعرنا بجسده فانه باق وحاضر في صالة التواجد الادبي والشعبي على وجه الخصوص يكفي ان أجمل الاصوات واحبها تغنت باشعاره تلك الكلمات التي تشعل قنديل الحنين وتحي رقرقرات الماضي وترجع الذكريات التي توارث في ركن قصي من ارواحنا.
ولعبدالله العليوي مجموعة من القصائد المطبوعة في ديوانه "بقايا شوق" فهو ينظم القصيدة العامودية وقصيدة التفعيلة، خدم الشعر والساحة لأكثر من 25عاما..
له كتابات متميزة في مجال القصة القصيرة وسبق ان حصل على المركز الاول في احدى مسابقات رعاية الشباب اصيب في البدء بفشل كلوي ثم جلطة اقعدته عن الحركة منذ سنوات وبقي عبدالله متواجدا بشعره غائبا عن الجهات التي كان من المفترض ان يكون لها دور في مساندته وتقديم يد المساعده له مثل الرئاسة العامة لرعاية الشباب أو الجمعية العربية السعودية للثقافة والفنون فهو في وقت من الأوقات ليس بحاجة للتكريم وان كانت هذه لفتة كريمة الا انه كان بحاجة للمساندة والعلاج.. شاعرنا تم تكريمه من قبل فرع الجمعية في مهرجان الليلة الشعبية.. رحل الشاعر الشعبي عبدالله العليوي مثل كل المبدعين بصمت وهدوء.. العلوي حينما ألم به المرض لم ينقظع عن جمهوره ولم ينقطع جمهوره عنه بل ان سؤال الجماهير عنه والاستفسار عن حالته خفف عنه الكثير.. واظهر ابتسامة شاحبة على وجهه بدلا من عبوس الألم والمرض ودنو الأجل.. ودعنا شاعراً عذباً وانساناً بكل ما تحمله هذه الكلمة من معنى ولنتعرف على بعض جوانب حياته التقيا عدداً من اصدقاء الشاعر الذين عزونا بفقده وعزيناهم بفقد ابن من ابناء هذا الوطن.. البداية كانت مع الشاعر أحمد الناصر الأحمد القريب من الشاعر والذي تحدث لنا بقوله: ب
فقد عبدالله لا يفقد الشعر الشعبي المحلي والخليجي واحداً من أجمل شعرائه بل يفقد البياض والنقاء، وواحداً من أهم أركانه، الفقيد الغالي اضافة الى شاعريته الجميلة وعطائه المتواصل كان انساناً بكل ما تحمله هذه الكلمة من معنى.. كنت على تواصل معه من فترة طويلة وحينما اقعده المرض اصبح يشعر بعمق معاناته وصراعه مع المرض من خلال تعابير وجهه ونطقه لبعض الحروف ورغم ذلك كان مبتسما وصابرا ومحتسبا اسأل الله ان يجعل ما اصابه تكفيراً له وان يجعل الجنة مقره وجميع اموات المسلمين..
وكذلك التقينا صديقه الشاعر عبدالعزيز السناني الذي هاجم وسائل الاعلام بقوله انها لا تبحث عن الشعر والشعراء بل عن غيرهم من المبدعين.. كل الجهات الرسميةكانت مغيبة عن دعم الشاعرالراحل وكان علاجه يتم بجهود شخصية ومن المفروض ان تكون الجمعية العربية السعودية للثقافة صاحبة المبادرة فالاحساس بالمرارة التي رصدناه في تعابير الشاعر عبدالعزيز يقودنا الى العلاقة الحميمة التي تربطه بالشاعر وتزيد على 27عاماً.. فيقول بحرقة كان نموذج للشاعر الحقيقي.
عنيزة كانت مجتمعاً صغيراً ومثقفاً وكنت مع عبدالله نمثل جيلاً جديداً بالشعر وكانت الصحافة تهتم بنا كان زحام الشعراء قلة وكانت هناك حركة شعبية غنائية مزدهرة ورغم انه من المفروض كما هو سائد في جيل الشعر الحالي يكون هناك تنافس على تقديم الافضل الا اننا كنا نتبادل المشورة وكان يبادلني الرأي بكل صدق وامانة.. كانت ظروفه قاسية جدا مثلما كانت تجارب حياته.. اخذه الحزن في كل قصائده والبحث عن الابداع في محاولة منه للقفز من فوق الجراح التي كان يعاني منها فاخذت كلماته تنساب حزنا ولوعة عبر حناجر عدد كبير من الفنانين الشعبيين مثل سلامة العبدالله، عبدالله الصريخ، حمد الطيار وغيرهم.
اما صديقه الذي رثاه بقصيدة شعرية وكان من اقرب الناس اليه الشاعر سليمان السلامة فهو يرى أن الفقيد يرغب البعد عن الاعلام وبحكم قربي منه تأتي اليه عروض كثيرة من وسائل الاعلام وكان يرفض المشاركة ويحيلهم الى ديوانه "بقايا شوق" لقد تعلمت منه الشئ الكثير حتى انه زعل عندما نظمت قصيدة وغناها الصريخ لانه يحب التحديث في الشعر وطلب مني ان اكتب بلغة عصري ومن الأبيات التي رثاها السلامة بها:
الموت ما غيبك عنا ولو غبت
ذكرك على صفحات الابداع موجود
ارجي عسى ربي كثر ما تعذبت
يجزيك بالجنة عن ايامك السود
ومن المواقف التي يذكرها الشاعر سليمان السلامة أن زار الراحل أول مرضه فاسمعه قصيدته التي قالها فيه وهي:
يا شقيق الروح روحك لو تطيح
كان طاحت من هموك من سنين
وبعد وصولي للبيت الرابع انخرط بالبكاء ففضلت عدم إكمالها وخرجت من عنده أبادله البكاء ببكاء.. كان رحمه الله مبدعاً وتحمل أوراقه العديد من المقالات التي يرفض نشرها وعندما أقول له لماذا لا تنشر تلك المقالات؟ كانت اجابته يأتي لها وقت يوم ما..!
أخيراً ودعنا فقيد الأدب الشاعر الذي رحل بكل أوجاعه وترك جزءاً منها ننثرها هنا وهناك بين ثنايا قصائده التي نذكر منها:
أنا تعلمت الجفا من تغليك
ومن المذله والخضوع انتهينا
من كل قلبي يشهد الله ناسيك
غير الضياع بحبكم وش لقينا
وقوله:
لولا غيابك يا هوى النفس ما ضاق
صدري ولا بانت بنظراتي الشوق
لي قلب مثلك وأسهر الليل واشتاق
غيرك ولا والله تمنيت مخلوق
ويمتد الإبداع:
داويت بالنسيان قلب جرحتيه
دفنت انا حبي وتبقى حياتك
ياللي قتلتي حبنا ما رحمتيه
انت تحسبين الهوى حب فاتك
قال عنه الكاتب خالد بن محمد الخليفة شاعر مفرط الشفافية عابق برائحة الشجن ينزف ألماً.. وينضح عذوبة.. فالحزن رفيق دربه وعطر شعره ولونه المفضل وفلكه الذي يدور فيه.. شدواً وآهة.. نظرة وكلمة.. وكلنا نردد ما قاله الشاعر بندر المحاسن رثاءً في الفقيد:
يا الله ياللي بخافي القلب تعلم
ارحم عيون تالي الليل تبكيه
عساه في جنتك فايز بمغنم
عسى المرض تكفير ذنب مشى فيه
و هذا بعض ما قال رحمه الله من القصائد وحسب ما وردني ان اخر قصائده هي دموع التماسيح
دموع التماسيح..
طبعك تحب بكل جرح التمـادي توي دريت امسح دموع التماسيح
اول جروحك زارني قلت عادي سحابة هلت وزلت مـع الريـح
تذلني بالحب وين انـت غـادي عند المذله نرفع الراس ونشيـح
ليت الزمن بيني وبينك حيـادي حتى الزمن وياك والله ما اطيح
يموت حب ولاتمـوت المبـادي ابختنق في عبرتي بس ما اصيح
مع اللبن حنا شربنـا العنـادي ياليت تبعد كان ترتاح وتريـح
اعتبرني ..
اعتبرني ..
أي واحد !
مر صدفة في طريقك..
واعتبرني ..
لي تقابلنا غريب !
كنت أنا في يوم يا ظالم " حبيبك " .
يا عديم القلب
ضيعت الحبيب !
كل ذا منك وهذا اللي بغيت .
واعتبر ..
حبن مضى وهم وخيال
واعتبر ..
ما فات كله حلم ليل
لا تقول الذكرى ما هانت عليك
لا تقول افراقنا يصعب عليك !
كل ذا منك وهذا اللي بغيت
يا عديم القلب
ضيعت الحبيب !
ابتعد
يكفيني منك اللي حصل
ما بقى
في دربنا شمعة أمل .
وحبنا اللي مات لا تبكي عليه
حاول النسيان لو تقدر عليه
ابتعد عني أن منك اكتفيت
كل ذا منك وهذا اللي بغيت !!
اليوم شفتك..
اليوم شفتك مع اللي صار عقبي حبيبك واحتارت العبره بعيني وصديـت
مدري هي الــــصدفة لـــ،دربي تجيبك مدري أنا اللـي في دروبك تحريت
ملــكتني واقفيت ربـي حســـــــيبـك مــــا تعرف الرحمة بقلـبٍ توليـت
يا قلب جرحك سبته من طبيبك يا قلب ليتك بالوفاء ما تماديـت
من حبنا كل السعـادة نصيبـك يا فاقد الإحساس عنـي تخليـت
وش فايده لو قلت عني حبيبـك وأنت بحياتك يوم ما ظن حـــــــــبيـت
قالوا سعيدن..
قالوا سعيد بالهوى قلت بالحيـل سعادتي ماينـدرى وش وراهـا
دربي صعيب وتحسبونه تساهيل محد شكى من جمـرة ماوطاهـا
كل ٍ مريح ياعرب تالـي الليـل وانـا بحـالٍ يعلـم الله شقاهـا
فكرت لو يطري على الزين تبديل كيف اقدر الفرقا واعيش بعناهـا
اهواه من قلبي ومن غير تعليـل لا تجبرون الروح تبدي خفاهـا
ياماكتبت اسمه على نجمة اسهيل أصل بنور العين عالـي سماهـا
لا أعرف لماذا اصمت كثيرا وانا اقرا هذة الابيات وحتى بعد قرائتها...لاأعرف ابحرررررر مع هذة الابيات ومع الرائع رحمه الله
ردتني الشوفة ..
ردتنـي الشـوفـه إلــى
زمــان أول !
أيـام كنـا صغـار
وأحلامنـا أصـغـر
ردتنـي الشوفـه إلـى
بيـوت الطيـن
وعيـال حارتنـا
والــدور والبسـطـه !
أيـام كنـا صغـار .. وقلوبـنـا بيـضـاء
ردتنـي الشـوفـه إلــى
زمــان أول !
يـوم الزعـل مايـوم .. بقلوبنـا طــول
كنا لبعض نشتاق
من غيـر مانـدري !
ردتنـي الشوفـه ..
لسوقـنـا الضـيـق !!
وتفكيرنـا المحـدود
تفكيرنـا الضـيـق !!
أيـام كنـا صغـار .. وقلوبـنـا بيـضـاء
ذيـك السنـه تدريـن ..
مانعـرف الغيـره !!
والحـب مـا جالـه ..
فـي بالنـا سيـره
ردتنـي الشوفـه ورديــت للمـاضـي
لقيت نفسي غصب
تبكي على الماضي ...
تذكـري فـي يـوم
قلتـي نبـي نرحـل !!
نبي نـروح بعيـد
نبعـد عـن الحـاره .
وصرخت دون شعور ..
وشلـون لا رحتـي
ياشيـن هالحـاره !!!
هـذا وحنـا صغـار
وأحلامنـا أصغـر ..
يـوم الرحيـل أذكـر
نـزل علينـا السيـل .. ولا فرحنـا بــه
أول إلا جـاء السيـل ..
كلـن فتـح بابـه !
اليـوم صرنـا كبـار ..
دار الزمـن فينـا
صـار العـذاب اكبـر !
زاد العنـاء فينـا
اليـوم صرنـا كبـار..
وعذابنـا أكـبـر !
تغـيـرت فيـنـا .. مـلامـح الطـيـبـه
نقـول جيـل اليـوم
وقلوبنـا ســوداء !
من زيفها سوداء ..
حتـى بعـز الشمـس
ادروبنـا سـوداء ..
فينـا الوفـاء ضايـع
فينا الأمل ضايـع ..
حتـى الزمـن ضايـع
ونقـول جيـل اليـوم ..
ياغاليـه تدريـن !!
وش اللي غيرنـا ..
الوقـت هـو بالنفـس !
واليوم مثل الأمس .. حنا على اللـي فـات
الـلـي تغيـرنـا ..
ياغالـيـه يـالـيـت!
يرجع لنا الماضي
نرجع لدار ( الطيـن )
للـدور والبسطـه
لأيـام كنـا صـغـار
وقـلــوبــنــا بــيــضـــاء .
وحبيتـــــــــــــــــــــــــــــــــــــــــــــ ـــــــــــــــــــك ..
وحبيتـك وأنـا عــارف
نهايتنـا ... قبـل نـبـداء
وقلـت الله يـا الدنيـا ....
حيـاة تكـسـر الخـاطـر
وغدرك زاد جرحي ... جرح
تقـول أن الزمـن غــدار
وطبـع الـوقـت يتغـيـر
وأقـــول كــــذاب .
مـهــوب الـوقــت...
حنـا اللـي تغيـرنـا ....
وحبيتـك وأنـا عــارف
غــاب القـمـر ..
عـن ديـرتـي غــاب القـمـر
مـا عـاد أشــوف بالسـمـاء !
مـــــدري الــقــمــر ؟؟
رافــق حبيـبـي بسـفـرتـه
مــــدري الـقــمــر..؟؟
فــي غيبـتـه يبـكـي علـيـه
الـكــل مـنــا يـاقـمــر .
يـتـمـنـى والله شـوفـتــه .
والـكــل مـنــا يـاقـمــر!
فــي غيبـتـه يبـكـي علـيـه
في ديرتي ... كل العواطف له ثمن !
حتى القلوب اليوم صارت من حجـر
والـحـب بـيــن أثـنـيـن ...
مـــــا والله يــكـــون ...
عـن ديرتـي ... غـاب القـمـر
عبدالله العليوي له ديوان واحد بأسم ( بقايا شوق )
وقد نفذ من الاسواق مبكرا بعد طرحه ......
وهناك ديوان مسموع تم طرحه منذ فترة في مسقط راسه (عنيزة )
بصوته رحمه الله ... وصوت بعض الشعراء من زملاءه
توفي يوم الخميس 2 / 11 / 1424 هـ الموافق 25/12/2003
رحمه الله
من روائعه:
انا تقبلت العـزاء بـك مـن العـام كن العزاءفي مـوت حبـك تهانـي
ياما سهرت الليل لا غبت مـا انـام ترقد وانا ازرع في رجاك الامانـي
واثر السعاده في رجاء حبك اوهـام لاطاب جرح صابني منـك ثانـي
جارت على قلبي شقا ذيـك الايـام اشكيك للـي فـي غـلاك ابتلانـي
سهرت على عيـون ماظـن تنـلام ذاك امس والا اليوم ماجاء كفانـي
افـرح بطيشـك والغرابيـل قـدام ياطاك من وقتك مثل مـا وطانـي
أحــــــــاول ...
أحــــــــاول ...
كـلـمــا شـفـتــك
برغم اللي حصـل منـك
أحاول - أعترض دربـك
وأشوفك يا شقاء المشتاق
عني تبعـد الخطـوة ...
وأصوت لك أبيـك تـرد
وأشوفك تبتعـد وتصـد
وتقفي مـا علـى بالـك
وأحس بكسرة الخاطر ...
وأجاهد عبرتي وأرجع ...
وأقول يا قلب وش حـدك
ومـن وداك لدروبـه ..
يقـول الحـب والصدفـه والصدفـه والصدفـه والصدفـه
قضى العمر ..
قضى العمر يا ظالم وأنا أقول عنك اقفيت والا شفت زولك بالصدف هلت اعيانـي
مشى القلب في ظلك يباريك لو صديـت ولو عفت حبك يوم مـا عفتـه الثانـي
أنا ما قويت أنسـى حنانـك ولا ظنيـت سألتك بربـك ويـش كلفـك نسيانـي
وأنا أشوف زلاتـك بعينـي إلا زليـت وش اللي يفيد الشوف والقلب عميانـي
أخذت العزاء مني ولا قلب لـي خليـت وأنا من هواك اليـوم حبيـت حرمانـي
عطيتك حياتـي يـا قمرهـا ولا رديـت أبي منك لو نظرة ترى هجرك أشقانـي
أبي قلبك القاسي وراضي بمـا سويـت تعاتـب وتجرحنـي وتامـر وتنهانـي
لك الحب مشاني أنا في هـواك إبليـت أحبك ولـو صديـت يـا كـل خلانـي
السبب انت..
اول سـبـب أنــت ...
وآخـر سبـب أنـت ...
عشمـت قلبـي بالهنـا
حـتــى تـمـكـنـت
فرشت لـي درب اللقـاء
ورد وحـــريــــر
رسمت لي صحراء الظماء
نـهــر وغــديــر
واليوم قلبي فـي يديـك
مـجـروح بالـصـمـت
مشتـاق لـك بالحـيـل
عقبـك نهـاري لـيـل
اللي على جمـرك وطـاء
يصيـح ويــن أنــت
أسـرفـت بالتـقـديـر
وأخطـيـت بالتقـديـر
أبيـك لهمومـي غطـاء
وأثـــري تـوهـمـت
جـــيتك..
اجيت حبٍ لك ولا نيب راجيـك ماجيت يمك في رجاء مد يمنـاك
جيتك مثل غيري بنفسك أعزيـك مالك وجود اليوم مـت ودفنـاك
شربت منك المر واكتم وأداريـك حتى عدوي ما يسوي سوايـاك
الشاهد الله ما خبر جبت طاريـك وان جاء لك الطاري بخير ذكرناك
عين بكت لك ما تلد النظر فيـك غصبٍ علينا من ســـواياك عفنـاك
عواذلي قامت تبيعـك وتشريـك ارجوك تبعد عيدنا يــــــوم فرقـاك
يعني خلاص ..
يعني خلاص ارخصتنـا مـا تبينـا نقطع رجانا منـك مـره وننســــــاك
قفلـت بـاب المعرفـه وانتـــهيـنـا وش عاد لو نسمع مع الناس طرياك
لو رحت عنا اليـوم باكـر تجينـا لولاك ما عشنا مع الحـب لـــــولاك
أنت الحبيب اللـي بهجـرك بكينـا يا ما تلوعنـا علـى أيـام فرقــــــــــاك
وين الليال اللـي بقربـك قضينـا يوم أنت مرضيني وأنا أقوم برضــاك
الصيف قرب ..
الصيف قرب وا عذابي من الصيف يبي يروح الزين ماعـاد ينشـاف
لا غاب عن عيني حسين التواصيف عز الله إني للشقاء صرت ميـلاف
العام جرحي داخل القلـب ماشيـف واليوم أخاف جروح فرقاه تنشـاف
قلبي معه والدرب يمـه صواديـف ليته بجنبي كان ما عنـدي خـلاف
ياصيف . لا تبعد قلوبٍ مواليـف ارفق ترى قلبي على جال ميهـاف
في بحر حبه مـا تفيـد المجاديـف انشهد ان الـدار لا غـاب تنعـاف
من اروع ما كتب رحمه الله و هي بعنوان خلاص لا ترجع..... والله مهما سمعتها ورددتها لم امل من سمعها اوترديدها لما بها من الاحساس والروعه وقوة الكلمة والوصف والكذب على النفس عندما قال:
في بعدكـم يامـا عليكـم بكينـا واليوم ما تطري على البال طرياك
وخلاص لا ترجع ..
خلاص لاترجـع ترانـا سلينــــــــا ما كنت اصدق يوم انـي ابنســــــــــاك
في بعدكـم يامـا عليكـم بكينـــــــــا واليوم ما تطري على البال طــــــرياك
وانا ادري انك رغم صدك تبينـــــا لاشك ناس ضدنا تقصر اخطـــــــــاك
خل الـذي غيـر حنانـك علينـــــــــا يعطيك من قلبه ربع ما عطينـــــــــاك
وشعاد لا صـار السـلام بيدينــــــــا قلبي وقلبك بينهـا درات افـــــــــــلاك
ودعت ما ضـي حبنـا وانتهينــــــــا وقلب نسيته يـوم لابـد ينســـــــــــــاك
من سكرة الحب الصناعي صحينا حتى المجالس عفتها خوف ذكـــــراك
حـب جديـد غيـر حبـك لقينــــــــــا حديتنـي حديتنـي جعـل الليالـي تحـداك
منك انهتينا ..
منك انهتينا يا مخيـب رجانـا
الصبر طال وعذبتنا المشاويـر
في موت حبك يجبر الله عزانـا
بيدك رميته لا تقول المقاديـر
لـولاك حنـا ماتبـدل غلانـا
كل الوفا منا ولا منـك تقديـر
قلنا سحابه صيف تعبر سمانـا
وتزول ماله في سما الحب تأثير
غدرك على نسيان حبك حدانـا
هذي سواتك ما تفيد المعاذيـر
عفناك واللي عالم فـي خفانـا
البعد عنك ارحم وقلبك مع الغير
تبيعنـا واليـوم تبكـي هوانـا
لايا عديم القلب فرقاك لي خير
حسب ما ذكر الاستاذ فهد الفاضل في جريدة الجزيرة العدد 12339
ان هذة القصيدة هي اخر ما كتب...رحمه الله
ماجيت دربك راضي باختيـاري لك خطوتي تنقاد لا عني ابطيـت
ابعد عن الي لك يجيبون طـاري وان زارني طيفك لزولك تمنيـت
لانت بعيد ولا طفت منك نـاري فيك الامل لاهوب حي ولا ميـت
تخطي واقدم عن خطاك اعتذاري حتى خطاك انساه ما كنك اخطيت
بين الرجا والياس طال انتظاري والياس رحمه ياشقى من توليـت
اعلنت بالفرقى عليك انتصـاري بالقلب اشوفك مثل غيرك تساويت
ذكرتني ..
ذكرتني حبه وانا اقول ناسيه
جرحت جرحك يـوم قـرب يطيـبي
ياللي تلوم القلب بفراق غاليه
ليتك بدنيا الحب تاخذ نصيبي
خايف ..
خايف عليك ومنك بالحيـل خايـف عزي لقلبي يجمع الحب والخـوف
خليت قلبي والشقـاء بـك ولايـف قلبي عمى وش عاد لو عيني تشوف
عمري قضى ماقلت لك واحسايـف عندي نهايه درب الاشواق معروف
جرحت قلبـي يا عديـم الوصايـف ماظن تشرح ما بقلبي لـك حـروف
قلبي لغيـرك لـو تغليـت عايــــــف حبك ملك قلبي ونسانـي الخـوف
البــارحه ..
البــارحه مــا ذاقــت الـنـوم عـيـنـي فــكــرت بــاللـي بين ربـعـي وبينـــي
واحــتـرت واحتــار القــلم في يديني الى متى اصبر وارتجي راحت البــال
عــجــزت اميز صــاحبي من عدوي يا رب ضاقت حيــلــتي ويش اســوي
وانــا عــلـى درب الغــرابيــل تــوي اخــاف زود الهــم يقضي عــلى الحال
على الوفا والصدق هــــلت دموعي مجبور اطيع الوقت واعلن خضوعي
ملزوم اطيعه غصب ما هو بطوعي احلامي الــسـودا رمتني على الجــال
يا ناس وين اهل الوفـــــا والصداقه الظـــلــم لـــو تــدرون مــر مــذاقــــه
قلبي غدا يــا نــاس منكــم حــراقـــه مـــلــيــت فــكــونــي من القيل والقال
يـا نــاس مــا فيني من الهم كـــافين قلبي واعـــــرفه ما يبي من يواسين
اشــوف حــظي عـــاثر شوفة العين والحـــل بين ايديـــك يا طيب الفـــــال
يـا نـاس انـا بـالحيـل صعبه ظروفي ابــي الامـــان الــلــي ينســيــن خوفي
ودي تـبـيــن مــا بقــــلــبي حــروفي والمشكلــه قالــوا لهـــا الـف حـــلال
ابــكـي عـلــى ربـع نسـوني وراحوا والـحــق معهم من شقاي استراحوا
مـا قصـروا يا ما الا اخطيت صاحوا وانــا عــنـيـد وكـلـمــة الـحــق تنقال
ماظـن حبـيـت ..
شفتك مع اللي صار عقبي حبيبك واحتارت العبره بعيني وصديت
مدري هي الصدفه لدربي تجيـبك مدري انا اللي في دروبك تحريت
ملكتـني واقفـيــت ربـي حسـيــبـك ما تعرف الرحمــه بقلب توليـــت
يا قلب جـرحـك سـبته من طبيبـك يا قلب لـيـتـك بالوفـــاء ما تماديـت
من حبـنا كـل السـعــاده نصـيبـك يا فاقد الاحســاس عــــنـي تخلـيــت
وش فايــده لا قـلـت عـنـي حبيبـك وانت بحياتــك يـــوم ماظـن حبـيـت
وهذي بعض البطاقات لبعض قصائده :
قصيدة أبكي هوان :
http://www.donjwan.com/create.php?card_id=103
و قصيدة امسح دموع الندم :
http://www.geocities.com/m252783/ams7.swf
ولعلّه رحمه الله من أولئك الذين لايتذكرهم الإعلام إلا عندما يرحلون
رحل " عبدالله العليوي " وبقيت بصماته في عالم الشعر
رحمه الله وغفر له وجعل مثواه الفردوس الأعلى من الجنّة
منقول من بريدي
رد مع اقتباس
مواقع النشر (المفضلة)