القصة الاولى(1) من الاسبوع الثاني
( عمشه ام كشــه )
هذا الله يسلمكم بنت اسمها عمشــه..
ويدلعونها ام كشـــه < قصدتس يعايرونها.
هالبنت تتغذى على الفصفص,وما تمخ مخ إلا إذا صار معه مرندا <<عليها مزاج لوووول
رومنصيه اسم على قليبها,إن جاء الضحى تبطحت بالسطح, ومسكت القلم والورقه وقامت تنقش من المجلات قصايد , وتسذب على الناس تقول انا كاتبته <<رحمتها قصم
اما طفولتها..الأخت ماعندها طفوله
شهبــتن لهبـــه من يوم وهي صغيره..
قشرتــن مكفخه عيال الحاره..
إن شمو ريحتها تصاقعو من الخوف..لأنها ما تمشي إلا بمغرافة جريش < لووول
ماعلينا من الطفوله لأن ذكرها يجب العيــد,
المهم كان يا ما متسان..في قديم الزمان<<عسى ماشر
كانت عمشــه متبطحه على سريرها وتفكر وتهوجس.وكانت بنفس اليوم معزومتن على ملكة رفيقتها
وتفكر الأخت وتطور التفكير عندها .إلى ان وصـل قمم عاليه كما جبال الهملايا << قاريتن لأرسطو قبل امس
قالت في نفسها وبكل هدوء واطمئنان وسكينه <لووول
وراه ما اصير رقيقـه وأدهن وجهي من هالمكياج ,
هالمسكينه تقول ادهن, متعوده على دهن كشتها بالزيت كل دقيزه’’ وماش ما هجد ولا نعم
نقزت من السرير وراحت لأختها وهي تنحنح..عاد اختها حصيصــه عكسها تماماً
قالت عمشــه :ماعندتس حناء!؟
حصيصه : لا يا وخيتي ماعندي..ليش بتحنين كشتس إلــي عيت تهبط!؟
عمشه : لا وانا اختس,,ابي احني رجليني..غديهن يصيرن ناعمات وجذابات بالعزيمه << قصم سودانيه مقعده
حصيصــه : ويييييييه وع..وش ناعمات,لا يكون تبين تحنيهن زي عثمانه آدم <<هذي مدرسه خصوصيه تدرس حصيصه رياضيات
عمشــه : اقول لا يطق بتس عرق.. وبلا خكرنه ياي يمه صارت كتشب, تراي طلبت حناء مب قنبله نوويه
حصيصه : طيب انا شاريتن من ابو ريالين درزن مناكير..تنقي إلي تبين ومنكري اظافر رجولتس إلي كنهن ولاعات,
عمشه: جيبيهن اشوف.
(وتسقط عين عمشــه على ذاك المناكير إلي لونه احمر ويلق)
قالت ابي ذا.
وتاخذه وتجلست تمنكر,وتمكيج,وتلبس
المشكله العُـظمى ان براطم عمشــه تنفخو وصارو كبر قريـح
v
v
v
v
v
http://msa6el.com/vb/avatars/36617.g...ine=1192321288
مير تنهبل عمشـه..طلعت حاطه بدل الروج مزيل مناكير <لووول
ويدق جوالها( طمبق طمبق. حمام جانا مسيـّــر ولا سيـّـر عليا )<<هذي نغمتها لووول
وتناظر الرقم إلا هو رقم صديقتها ساره..
عمشــه :الو
ساره :هاه متى تبيني امرك نروح العزيمه!؟
عمشـه : العصر
ساره : (فيس متنح) وش عصره,, مالت عليتس وعلى إلي يعزمتس, ما تعرفين للعزايم..كفوتس قهوة الضحى وتخب
خلاص بمرك بعد العشاء
عمشـه : لا تنفخين (فيس معه مغرافة الجريش)
ساره : (فيس خايف), طيب
....
ويأذن العشاء..
طااااط طااااااط << جت ساره
ساره : يالله اطلعي
عمشــه: طيب
وعمشـه تدور عبايتها يمين يسار.مالقتها,
وتذكرت انها قبل اسبوعين غاسلتها ومعلقتها على الدريشه(شباك – نافذه _ wendo ) <للتوضيح
عا جونا باريسي مايحتاج, ساعتن مطر, ساعتن غبار, ساعتن برد, ساعتن حر, والعبايه ياهملالــي ..صارت تووووووووحفه
والأخت ما شافت العبايه على طول لبستها وركبت,
ويقالها تبي تسوي حركه., قامت جعدت الشعر بسفن آب. والذبان موكب وراها..
ما ألومه سكر وحلا فوق كشتها خخخ..
ساره عيونها طارن يوم شافت شكل العباية إلي صارت كأنه جلد نمرمن تأثيرات المناخ,
دويرات بنيه ودويرات بيج ودويرات سود وريش حمام < الله لا يعمينا بس
قالت عمشه بمر باتشي, باخذ علبة شوكلاطه لعزيمه,
قالت ساره اقول حدتس اقرب محل حلويات, أل باتشي أل (فيس متحطم)
ويمرون اقرب محل,
وتدخل هالعمشـه.. وتحط الشنطه على الطاوله, وتجلس تنقى من هالشوكلاطات.
وفجأه..
تختفي شنطتها وعيونها تلعمط
وتنهبل هالعمشــه عاد من زينها مهبولتن من غير شي..وحواجبها وصلت فمها من الانكماش < مير لو انا سارقه شنطتها كان خفت ورجعتها من الخوف
ساره: الشنطه فيها شي مهم يوم انتس تختبصين؟
عمشـه : فيها خمسين ريال , وعلتس مستكه ,وديرم ,وفازلين لزوم تهبيط الكشه إذا انتفشت ,وجوالي العنيد) <قصم لو إنه قش عجوز,
ساره : طيب اركدي فشلتينا وبعدين شوفي خشمتس طالع مع الشسمه,
عمشـه : اقول اتصلي على شنطتي
ساره: ليس طلع جوال مبروك لولولوش
عمشـه: لا يكثر وبلا مصاله.
ساره: يكثر ولا يقل هع هع هع
عمشـه انكتمي لا اصفقتس الحين بكف اخلي عيونتس تصير مصاقيل تكارنه
ساره : انكتمي ولا تنفسي هع هع هع
عمشـه : يالله عاد انطمي
ساره : عاد ولا ثمود هع هع هع
عمشـه : يابردتس أنتي وبرقعتس إلي كأنه فنيلة هالكاشيه إلي واقف قدامتس
((الكاشيه يناظر بإستغراب. ويقول بقلبه وش دخلني (فيس تملأه معالم الإستفهامات) مير يخاف يقول شي وتصقعه بصحن الشوكلاطه إلي معها)ساره : يابردس ولا ياحرتس هع هع هع
عمشـه : الشرهه مب عليتس على إلي معطيتس وجه
ساره : وجه ولا قفا هع هع هع
عمشـه : جعلتس للكنديشن إلي يطيح على راستس إلي كأنه برج بيزا..ترى تسريحتس مايله روحي عدليها بدل مانتي تسخفين دمتس عندي.
ساره : مايل ولا مستقيم هع هع هع
عمشـه : gif22
ساره : :8ar:
عمشه : gif22
ساره : :8ar:
(وبينما جالسات يتبادلن هالنظرات. جاء واحد من إلـي يشتغلون بالمحل,,
لبناني مزيون..وعريض المنكبين .وسيع الشوارب <<<تسمع بوسيع الصدر لووول
البناني : بردوووون بردوووون شو بكون!
ساره تقول بقلبها لا حرووون حرووون < ماش ما تترك المصاله حتى بينها وبين نفسها
عمشـه : (فيس خاق) اقول لا مابوه شي بس مضيعه شنطتي هقوتك مين سارقها !
ماشفتو احدن منـّـا ولا منـّــا لطشها من يديني إلأي يهبلن! (عمشه تحرك يدينها غديه يشوف المناكير قصم حالتها يُـرثى لها )
البناني : شو هئوتك ما هئوتك! إحنا دخيلك ماعنّـا حراميه, اصلاً ما بنرجي ندخلون,,(قام يهايط لو تصفقه كف مير احسن)
قالت ساره لعمشــه امشي بس تأخرنا.. شنطتك خرجت ولم تعد, عاد إلي يسمعك يقول ماركه..وهي من ابو عشره ومع التــخفيض والطقاق عطوك اياها بمثنيــه ريال
مير ويطلعون
ويلقون تكرونيه متبطحه ومعها شنطه وتحرج عليها..
v
v
v
ويقربون إلى ذي شنيطة عمشــه
عمشـه نزلت عليها ام العبيد, وشرمت من ساعديها واستعدت للقتال <<تراه قصه هزليه مب كتاب تاريخ.
وتقبضها ساره وتقول لها تعوذي من إبليس لا تجيب هالتكرونيه العائله الكريمه ويسدحونك فيذا,همن ماعاد تشوفين الدرب
قامت التكرونيه ترززت .قالت تبين الشنطه.. اشتريها..
قالت ساره وهي ما زالت قابضه عمشــه..
هاه بكم تبيعينها..
قالت التكرونيه وقناعيز شعرها ناقزات.. بـأربعين <----هع مو هينيه هالتكرونيه لووول
قالت ساره تم
ويشترون الشنطه
يوم ركبو السياره ويفشتونها ما لقو بالشنطه شي..
الأخت لطشت الجوال وكل إلي فيها <<< كنوز ومجوهرات داخل الشنطه. أبد مابوه فازلين وديرم
وعمشــه حاطه راسها على الدريشه والحزن يتمحور بين عيناها << حشى نزار القباني
إلا ذاك الددسن إلي فيها واحد يطنب ويأشــر على عمشــه
وهي تلتفت.. وتقول وش يبي ذا !
ساره : شين وقوي عين. شكله معجب < امحق
عمشه : هقوتك اعجبه لون المناكير! <<كلن على همه سرى
(وراعي الددسن ما زال يطنب ويأشر ) <<-- ياخي طس ما معهن جوال بلوتوث لووول
قفلت معها عمشه.. و قامت فتحت الدريشه وتطلع ذاك الشاني وترميه على سيارته..
مير هو يفتح دريشته ويقول مالت عليتس يالشهبهimages9
انا كنت بقولك عبايتك طالعه برى .. يعني هذا جزاتي بسوي خير..!
ويطلع قارورة بيبسي حجم عائلي ويصقعهاعلى راس عمشــه..
وتفقد الوعي < تنرحم صووووح ! ؟
وفجأه..
تلقى عمشه نفسها طايحه مع السرير <<تحلم ياجعله نوم العوافي العارم بالمسرات
وتناظر الساعه إلا هو الظهر, قالت اشوى إن ذا حلم وه بس , مابغينا هع
//
وانتهت القوصه.. ويالله نامو لوول
:43ar:
مواقع النشر (المفضلة)