بنت عمي خاطرتها ( طلبتك يمه لاتتركيني الله يخليك )
[align=center]
توفت زوجة عمي قبل شهرين اللهم ارحمها
واسكنها الجنة
وكتبت بنت عمي ( تدرس اول سنة طب في جامعه الملك سعود) هذة الخاطرة في منتدي اخر
واستاذنتها وطلبت نقلها لكم
لمشاهدة معاناتها مع فقدان امها
يـــمـــه ..توسخ مريولي
يمه........
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
وإذا حاكيتك هاوشوني ..
قالوا انسي ..
روحي بالله العبي .... !!
يمه تعالي ارجعي ...
والله خلاص بسمع كلامك ..
ما أخرب ألعابي ..
وان قلتي بالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينة هال بنت صارت يتيمه ..
قالت لها أبله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريولي توسخ ..
ماكان قصدي أوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت أنا أضحكها
راحت تدور غيري
عشان تلقى احد يونسهـا
يــمــه يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه أنا وأخواني ..
ليه وين أقاربنا ..؟؟
وين خالتي ..
اللي كانت تجينا ...
يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
أنا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي [/align]ِ
مواقع النشر (المفضلة)