مسيتو وصبحتو بالخير ( كل واحد ياخذ وحده بس )
والله اني صاير اقط خيط وخيط وضيعت تخصص المنتديات ..
مير يالمشرفين تروكم بكيفكم ودو الموضوع لاي مكان الا سلة المحذوفات
قبل لا أجي كلي وقبل لا احوس الدعوى خلو اقولكم لي سالفه مهي طويله << يعنني إغراءات
رغم انك ( ووعهـ ) ورغم ( شينك )
الا ان كتاباتك تجمل حالك وترسم لك في أذهان العامة صورة جميله لم يكن عليها ( روبن هود بعزه )
بالنسبة لك فلا جديد بأن امتدح اسلوبك بالكتابة وتميزك ( بالذرابه )
فأنت ( MR.BLACK.TNT )
الذي يدق له الطبل ويلعب له ( ارنب نط )
فلا كل ما يقال يكتب ولا كل ما يصلك يصاغ
8
8
كلام قاله لي احد ( المهوين ) في سنة من السنون
ورغم ما فيه من تجريح إلا أني افتخر فيه دايمن وابدن
وبما اني أشوف هاليومين فيه نفحه ( رومانسيه ) هابتن علينا
قلت كود اني اجاريهم << لا والله الا بتعمسهم
شبيه الريح وش باقي من الألآم والتجريح && وش باقي من الاحلام ايش باقي من الاوهام
بكل صراحه انا اعترف
اني اذا سمعت هالأغنيه يصيبنى هيجان تنسيمي
وتزود عندي نسبة الهبال وتضرب الاسلاك عندي
ويختلط هرمون المخيخ الاصغر مع الاكبر
وتصير الاشارات العقليه عندي ملخبطه
والجنود اللي براسي يرتبشون وتصير حركة المرور بعقلي أنواع اللخبطه
من المشاكل اللي تواجهني انه ما تجيني النفحات الغراميه والرومانسيه الا اذا صرت عند الحلاق
<< ما يقرا سيدتي الا بالحلاق
لكن هالاغنيه هبلت فيني
كل ما اسمعها ودي فعلاً اني اصير ( مزيون ) واقلب اسمي من ( MR.BLACK.TNT) الى ( طوني )
وابيع بنطلونات للبنات في سوق غرناطه ..
على طاري ( طوني )
مره عرضت الامر على ابوي وقلت له بغير اسمي
قال طيب لا غيرت اسمك تصير تعرف ( تقص الشجر ) ولا تتغير ؟
طبعاً انا فكيت الكشره ودريت انه يبي يمسح بي البلاط
قلت لا يا بيي اشري كمبيوتر واقص لك الشجر بالانترنت وبدل الحلوه اجيب لك بيض مسلوق ( ابوك يالطموح )
المهم اني قررت اصير ( طوني ) اللبناني
وابي اروح اسوي عملية تقشير
واصير ابيض ويصير فيني لصفه
وابيض ( ركبي ) وموتو قهر يا راعين الركب السود
واجي هنا واصير مدير اعمال ويشرون لي فياجرا ( مرسيدس ) عشان ما تفهمون غلط
بما اني صرت طوني اللبناني المزيون مطيح البنات ومطفي اللنبات
وهاجرت جلسة الاستراحات
ولعبة ( السوني )
والخربطه على الجدران
وتشفيط ( البتكس )
ونسيت الترزز بالصرافات بالمخبى القدامي
والتفحيط ( بالطعس )
وسحبت على صديقي ( ذو الجبهة الخرشاء )
انا كني قلت بالبداية للمشرفين بكيفكم انقلوا الموضوع
وشكلي بقولهم بكيفكم اذا بتودونه لسلة المحذوفات
وبالله ابي واحد يجي يرفع راسي عن الكيبورد
لان زيت الفرامل عامل عمايله معي الليه
وجايب لي النوم << كان هي على النوم سهله البلا والله من شين اكبر
قبل تسقط عيوني بقولكم شي
ان الموقع بكرا يمكن يقفل عشان يبون يجيبون الونش وينقلونه ومالنا علاقه باي اصابات تنتج عن النقل
وتقبلوا فائق تحياتي واشواقي ورومنسياتي المعطرة بزيت الدركسون ( المعتق )
ودقـيه لاني شفت اكثر مواضيعي مايرد عليها الى بحر الزين وسحر الانوثه وغلا الرياض واحد مادري وش اسمه وبعد ماتقرون الموضوع ردو لاني انزل مواضيع من عرق جبيني ولا بعدها ماني منزل اي موضوع وسلامتكمـ طيبين
مواقع النشر (المفضلة)