قصه واقعيه وحزينه
السلام عليكم ورحمتو الله وبركاتو
عندي قصه وقعيه وحزينه سمعتها من وحده من الأصدقاء
قصت حب مؤالمه
فتاة تبلغ من العمر 19 سنه.. وشاب21 سنه تعرفو على بعض عن طريق الكبيوتر.. الشاب خلوق وحنون وجميل الشكل ابيض البشره ومن عايله غنيه ومعروفه..والفتاة من عايله ميسرة الحال خلوقه حنونة القلب مملوحه الشكل سمراء البشره ..تعارفو علي بعض واسمها المستعار كان اصايل .. واسم الشاب الحقيقي فواز..كان فواز يدرس في الجامعه عندما تعرفت عليه اصايل فواز طيب وكان ميقصر مع اصايل في شي يحقق لها كل الى تبي حتي انه حبها من كل قلبه ويبغ يتزوجها .. وكل الي تطلبه منه يحقق لهااشترالها جوال جديد احسن الجوالات حتي انها كانت ماعندها غرفه تنام فيها اشترالها احسن غرفه وقيمتها 6 الاف ويصرف عليه كل شهر استمرت عالقتهم 6 سنوات وتخرج وصار مدرس وكون نفسه وحب انه يتقدم لخطبتها ووافقت وقالت لزم تجيب امك وخواتك عشان يشفوني . بعدين انت وهي ماعمرها خلته يشوفها حتى ولا في العبايه ..تقدمو الخطبتها اهل فواز ويوم شوفوها قالو هاذي عبده ومانقبل بل عبيد وحن مو موفقين عليها..مع انهم مو قبائل كان اهون .فواز عصب وقال انا ابي البيت وشاريها وميهمني الشكل انا يايمه احب البنت وماني متزوج غيرها لو مازوجتوني اياها قالت امه ان تزوجتها انا غضبانه عليك لين يوم الدين وحن مانقبل بالعبيد عندنا ونبي نحسن النسل..قال فواز يمه احنا بشر وكلنا عبيد الله والبنت ايش ذنبها بعدين هي مو سودا حنطيه ..الأم رافضه بل مره وقالت اذا تزوجتها لاانت ولدي ولا اعرفك ..كلم فواز اصايل يبكي وحزين اهلي ماوافقو عشانك سمراء خايفين من الفشيله ..اصايل قالت الى يشوفو اهلك واهم شي رضاء الوالدين ..قال بتزوجك غصب عنهم اذ مارضو ولي يصير يصير قالت اصايل اذا اهلك مو راضين انا ماني راضيه انا مابي اغصب اهلك علي وبي اسوى لكم مشاكل عشاني ولاكل بياخذ نصيبه بدنياء .كلم فواز ابوه وقال يايبه ابي البنت قال اذا تبيه تزوجها وانا راضي بس امك مو راضيه قال فواز اقنعه راح ابو فواز يقنعها بس مافي فايده,,فواز حاول يقنع اصايل يتزواجها بس اصايل رافضه عشان امه مو راضيه ..مرت الأيام ونسو موضوع الزواج كلم فواز اصايل وقال تدرين ابوى تزوج على امي وحده سمراء احسن هاذي عقوبت ربي ..راح فواز لمه يقول شفتي كيف حرمتين من البنت وربي عاقبك ..قالت وخر عن وجهى جعل ربي ياخذ عمرك .المهم وحده من خوات فواز تعرف اصايل وهى طيبه وتحب اصايل قالت تعالى منتزة الثمامه نبي نتعرف علي بعض اكثر ركان الى جايبهم فواز جلست اصايل مع اخت فواز الى وجاء فواز يطالع اصايل بعيون حزينه وقلب مقهور ويقول لها احبك .. مرت ايام وكلم فواز اصايل بصوت غريب وحزين قال لزم اشوفك الحين ضروري قالت مااقدر انت تعرف ضروفي قال لزم اشوفك اول مره اطلبك ..قالت اصايل احاول..اصايل ماعمرها طلعت معه .واول مره تطلع معه بعد ست سنوات ركبت السياره وراحو يتمشو وهو يشكي لها ويقول كل البيبان تقفلت في وجهي مدري من ارضي امي او نفسي ..ثم يضحك شوي ويقول اتخيل انك زوجتي الحين ونتى معي .. مر من عند مسجد قال شفتى المسجد هاذا الى اصلي فيه .اصايل قالت خلاص رجعنى البيت قال طيب وصلها البيت وهو يطالع فيها ودمعته على خده وقال يهنى الى بيكون نصيبك وعطاها ضرف ..دخلت اصايل البيت مستغربه من شكله كيف صاير ووجه الي زي البدر.فتحت الضرف ولقت 9 الأف وكاتب في الرساله هاذا راتبي كله لك احبك ..اصايل دخلت الغرفه دقت عليه وقالت فواز رجاء تعال خذا الضرف قال فواز اسف انا مااحتاج لراتبي انتى تحتاجي اكثر مني انا عندي الى يكفينى ..اصايل طيب انا ايش اسوي فى الفلوس ..فواز افتحي فيه حساب ويالله باي عن اذنك عندي سفره بكره عشان الدوام .بعد يوم دقت اصايل على فواز مقفل الجوال وكل يوم تدق مقفل الجوال قالت لزم ادق على اخته وشوف ايش فيه كلمت اخته وقالت وين فواز .قالت اخت فواز ليش انتى ماتدرين ان فواز فى العنايه المركزه ..اصايل ليش ايش صار قالت اخت فوز سوى حادث خطير ادعي له انا الله يشافيه ويقومه من الغيبوبه ..اصايل فى البديه مو مصدقه ..قالت لزم اشوفه فى المستشفه راحت مستشفى الشمسي قسم الحوادث وشافت فواز بغيبوبه والعمليات الى في وجه شافته وبينها وبين حاجز عشان ماحد يقدر يدخل عنده اصايل اصرت انها تدخل عنده وتحط تحت راسه قران ..دخلت وحطت عند راسه القران ..رجعت اصايل البيت وهي مو مصدقه عيونها وصارت كل يوم تدق وتطمن عليه وحالته كل يوم مستقره ..بعد عشر ايام دقت على مستشفى وقالت ابي اسائل عن فوز يبحث الموضف في الكبيوتر قال فواز طلع من المستشي ..اصايل انجنت من الفرحه ..قال الموضف عمره 27 قالت اصايل ايه ..قال الموضف هاذا توفاء البارحه ..اصايل انهارت من الحزن ..ودقت على اهله تعزيهم ...... ...................................
الناس تفكر دايم بقييلتهم القبيلي ياخذ قبيلي والحضري ياخذا حضري والأبيض للأبيض الأسمر للأسمر كل هاذ خايفين ع النسل والفقير للفقير والغني للاغني ليش الناس اكثرهم كذا كلنا بشر وكلنا تراب مردنا للتراب ليش الناس يفرقون عن بعض ....
مواقع النشر (المفضلة)