كون المحبه ..
قومي معي .. نرحل من الكون الأدنـى
ونحّـل فـي كـونً يدينـا تسـويـه
نطّـق مـن بيـن السحايـب وتدنـا
وعلـى هوانـا نشتغـل بـه ونبنيـه
ونعيش فـي كـون المحبـه وحّدنـا
ونزخرفه .. ونشجّر أرضه .. ونضويه
ونزرع لو انّـا قبـل نـزرع حصدنـا
من مثمراً جـاب الثمـر دون نسقيـه
نقطـف وناخـذ فـي يدينـا عددنـا
وناكل ونشبـع لوّنـا " مالنـا فيـه "
والغيـم يسكـب مـاه ونقـول زدنـا
كلـن يعـارض صبـة الغيـم بيديـه
واليا بغينا الشي يجـي مـا اجتهدنـا
واللـي نفكـر فيـه دايـم نلاقـيـه
ويبقـى لنـا حضـن الدفـا لا بردنـا
لأنـا علـى دفـي المواصـل ندفّيـه
ونحمي حـدوده دامـه أصبـح بلدنـا
ومحـدن يطـب بساحتـه دام نحميـه
نكـف ضيـق الوقـت لامـن وردنـا
وأطيـب زمـانٍ مـر فينـا نبّـديـه
والكون الأدنـى داخلـه وش وجدنـا
وهو على أسمه ماكذب مـن مسميـه
حزنـه حـدر فينـا وهمـه صعدنـا
وعنـاه ضّـج بنـا عجزنـا نخبيـه
وحنا صمدنـا وأشهـد انـا صمدنـا
والا عـذابٍ مرنـا ..مـن يقاسـيـه
مـن يشهـد بدنيـاه شـيٍ شهـدنـا
بيمـوت والعلـه تخـمـه وتخطـيـه
مـن وقتنـا خذنـا العبـر واستفدنـا
وعزي لقلـبٍ صـار وقتـه مربيـه
صرنـا نّوجـه فالزمـن مـن نشدنـا
ومن مايطيـع يضيـع محـدن يقديـه
دنياً دنيـه .. داخـل الكـون الأدنـى
ومابين اياديها .. على الـذل تحييـه
وحنا بنرحـل لأجـل ننسـى جهّدنـا
ونحل في كونً علـى الكيـف نبنيـه
وخليك جنبي .. جعـل يقبـل سعدنـا
واللي نبي نسويـه .. نقـدر نسويـه
...........................................
م ر زو ق ا ل ع ت ي ب ي
رد مع اقتباس
مواقع النشر (المفضلة)