يا فاطـري للامير راكان بن حثلين
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا فاطـري ذبـي خرايـم طميّـه=والى اشمخرت مثل خشم الحصاني
ذبـي طميـه والفيـاض العذيـه=تنحّـري بـرزان زيـن المبانـي
سلام اخو نـوره لـزوم ٍ عليّـه=قبل القريب وقبل قاصـي ودانـي
والى قضيت الـلازم اللـي عليّـه=اللازم اللي مـا قضـاه الهدانـي
الجدي حطيتـه بـورك المطيّـه=وافرق نحرها عن سهيل اليمانـي
نبغي نـدور الطفلـه العسوجيـه=ريحة نسمهـا كالزبـاد العمانـي
تباشروا بي عقب سابـع ضحيـه=وانا عليّ ابـرك ليالـي زمانـي
خبّي وانا راكـان زبـن الونيّـه=ما ياخذ الفضلات كـود الهدانـي
خبّي خبيب الذبيـب بالجرهديـه=ليا طالع الشيهـان واللـي دانـي
لومي على الطيّب ولومـه عليّـه=وراه ياخذ عشقتـي مـا تنانـي؟
ليته صبـر عاميـن والا ضحيـه=حتى يميّز غربتي ويـش جانـي
إمـا غـدا راكـان بالمهمهـيـه=والا ظهر يصهل صهيل الحصاني
حريبنا اليا اهـدى علينـا هديـة=عندي مجازاته مثل مـا جزانـي
نسهج محله ليـن يخلـف نويّـه=يصبر كما يصبر جديـع الاذانـي
من القطيف الى النفـود محميّـه=الا ان يمشيهـا خـوي ٍ وعانـي
افعالنـا هـذي علينـا وصـيـه=فرض علينا مثل فرض رمضانـي
الصدق يظهر مـن حبالـه رديّـه=والكذب يقطع من حبالـه متانـي [/poem]
الشاعر والامير والفارس راكان بن حثلين امير قبيلة العجمان
مواقع النشر (المفضلة)