[align=center][السلام عليكم ورحمة الله وبركاته

ترى العنوان ماله دخل بالموضوع

ها انا ذا اعود بعد فتره نقاهه واستجمام في الدخل المحدود ---> احسن حي في الرياض فاهمين ؟؟im5

وأحببت ان اكتب حادثة حصلت لي في هذا اليوم ..!:redface:

كان يامكان في قديم العصر والاوان ..! >> يبي ينطرد هههه

في صباح هذا اليوم المشمس --> بالله هالايام غيم يعني ؟؟
وعلى شقشة العصافير --> ركزوا لي على شقشقة العصافير ههههه
افقت من نومي العميق وكلي امل وتفاؤل وسرور وعنبر ههههه --.> ياشينك لاستخفيت دمكـ
صليت الفجر وعدت الى المنزل لأتناول وجبة الفطور
المكونه من

1- جبن كرافت --> في التشكيلة الاساسيه هههه
2- زيتون>> طلع فلسطيني هههههه
3-مربى جح وفي رواية اخرى (مربى بطيخ)
4- تميسه

وشاهي وحليب وببسي __.> وش ذا البطن هههه ماشاءا لله علي

المهم افطرت وشربت الشاهي ومن ثم ذهبت الى مملكتي التي هي غرفتي ياحبني لها :f884:

ولبست الزي الرسمي بتاع الكليه > من شافك طلب 2 شاورما وواحد ببسي ههههه

ودلفت الى المركبه وشغلتها حتى (تحتر) تدفى عشان الجو برد هالايام

ومن هذاالمنطلق ندعو اخواننا اصحاب السيارات ان يحموا سياراتهم قبل الذهاب بها صباحا ( خلوا عندكم شويه دم:angryfire) ---> وش حرق رزك طيب هههههههه
وذهبت الى الكلية وحضرت المحاضره الاولى وانهيتها ولله الحمد

وبين ما انا ذاهب الى السيارة لكي اخذ كتب المحاضرة الاخرى خطرت لي فكره

واسررتها في نفسي !! فقلت لنفسي مارايك لو ذهبنا الى شارع العروبه ( يذكرون لنا العيال ان فيه بوفيه طيبه) فلمااذا لا نأخذ تصبيره حتى وقت الغداء :zahn:

فأومأت نفسي بالايجاب هههه

ويالليتها لم توافقني الراي !!

فلابارك الله فيك من شارع ولا بارك الله فيكي من تصبيره ههههههه

وذهبت الى البوفيه المذكور وكلي امل ان احظى بساندوتش فلافل بشطه زياده ههههه

ودخلت البوفيه وطلبت 2 فلافل _ 1 ساندوتش مخ وواحد سبرايت حار هههههه>> شايب مايشرب بارد

وبينما انا انقض على الفلافل وسعابيلي تقوطر من الشهوه ( الشهوه للفلافل ) فلا يروح تفكيركم بعيد ههههههههههههه:tongue:

وفي نفس لحظه ادخالي للساندوتش في فمي ( فلغتي) للناطقين بالانقليزي مثلي ههههه
واذا بكروان فيكتوريا ولومينا يقفون بصورة ملفته للنظر ..

وغصيت بالفلافل وانا اقحن كل السبرايت هههه اقحن = اشرب للناطقين بالفارسيه ههههههههه

ونزل شرطي من اللومينا وبدا ( يبحلق) ويطيل النظر الى موتري !!

وزادت شكوكي حينما اخذ ورقه صفراء وسجل عليها رقم اللوحه .. فبدأ قلبي يخفق رهبة من هول الموقف --> والله لو انهم شايلينك في اللومينا ومودينك حجز الناصريه ههههههه:ikarn2:

وبعدما انهيت التصبيره لابارك الله فيها هههههه

هممت بالخروج ناسيا غسل يدي من بقايا ساندوتش المخ ههههههههه:raknabow:
وحينما اخرجت المفتاح لأفتح الموتر

فإذا بصوت أجش يأتي من الوراء المتناهي من السرعه ---> الخلااااا




_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

فاصل اعلاني



وبكل مناسبة يافنتو حبوك االوراعين .. تشاركنا فكل لقاء على ذكرى مجتمعين هههه

حيخلصوووووووووووووووووووووووه

_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

نكمل مابدئنا به ههه

فلتفت لأرى من هو صاحب هذا الصوت البغيض!!
فإذاني اصدم بما رأيت !! ياللهول رجل كأنه ( اندر تيكر) لعشاق المصارعه ههه:022:
ويقول: انت صاحب الهايلكس

قلت : ايه ( وجه قامط من الخوف)

هو: إثباتكـ لو سمحت --> اول مره شرطي يقول لو سمحت هههههه:eyebrow:

انا: امسك >> نفس خايسه :schmoll:

هو يوم انه شافني صمله خاف مني هههههه >> ايه هين [

هو: وش علوم رفحاء

انا : وش رفحاه انت بعد ؟:::crazy:

هو: جاينا بلاغ اليوم الساعه 7:40دقيقه على موترك في رفحاء -->مسوي دقيق ويا التوقيت حقه

انا: وش يسوي موتري في رفحاء

هو: يقولون انك صادم لك شرطي على نقطة تفتيش والشرطي انكسرت رجله .

انا: دقيقه بس اربط جزمتي عشان ما اتهور واشلخ وجهك >> طبعا في نفسي قلتها هههه
قلت يابو وش شرطي وش منكسره رجله موتري ذا ماطلع من الرياض من يوم طلعته وانت جاي تقول رفحاء وصادم بعد!!

هو: ايه

انا: والله لو موتري مايباخ ماجيت من رفحاء في 40 دقيقه !!
هو: الا انت صادم الرجال ومنحاش

انا : يالله دام اني صادم ورى الموتر مافيه عفطات ولا شي ؟
وانت تقول اني صادم اليوم الساعه 7 واربعين ..... وانا الساعه 7 نايم في غرفتي ؟؟

هو: والله ماعلي منك البلاغ يقول انك صادم لك شرطي

انا : سلامااااااااااااااااااااااااااااااات يابوووووو:qmbsqm: تأكد ياعمي من رقم اللوحه
بتودينا في خرايطها وانا توني في مقتبل العمر ومنذ نعومة اضافري >> خربط من الخوف

هو:هات الاستمارة والاثبات والرخصه

انا: خذ جعلك الاخذه ههههههههه :angryfire

وبعد مرور ربع ساعه وساندوتش الفلافل يرقى ويحول في بطني جاء الفرج !!

وقال لي بكل برود معليش كنا غلطانين في رقم اللوحه

قلت وهالروعه اللي روعتوني وين اصرفها >> يوم ان الحق صار معه قام يهايط ههههه

جب الاثبات والرخصه خلني امشي وراي محاضرات وانت تقول صادم لي شرطي في رفحاء جعلك الزكمه اللي تقطع خشمك بلا هههههههه

وبعد ما اطمأنتيت على خلو سجلي من السوابق ذهبت الى الكلية وانا في حالة من الزهو والابتهاج بأني لازلت بلا سوابق هههههه:raknabow:

وتوته توته خلصت الحدوته


مايستفاد من الروايه :tongue:

1- مخوخ (جمع مخ ) افراد الدوريات كله مسامير مافيه شرطي مرور تقول والله هالشرطي يتفاهم معك ولا يسمع وجهة نظرك

2- افطنوا لعماركم ولا تاكلون ساندوتش مخ على الصبح تراه يأثر على الخلايا العصبيه ههه

3- القصه حقيقيه وحصلت معي هع

4- لحد يحارش حقين المرور لانه ماعند امهم سالفه ومسوين لي فيها لفه ونص

5- لو يقولون انك صادم في اليابان قبل دقيقه قله لهم صادقين

6- المرور معطينه اكبر من حجمه حدهم الرخصه والاستمارة ومخالفه سرعه ههههه واذا جاء تفحيط ماعننننننننننننننننندك احد
7- الموضوع كاتبه في منتدى ثاني بس نقلته هنيا لعويناتكم
اخوكم مجرد إنسان[/align]