رحلتي الروحانيه .. أقلطوآآ حياكمـ
بسـم الله الرحمـن آلرحيـم ..
السـلآم عليـكم ورحمـة آلله وبركـآته ..
اسعـد الله صبـآحكم / مسـآءكم ..
قبـل آيــام كـنت هنـآك في المشاعر المقدسة .. <<شنسويلك طيبim24
قررت اقولكم قصتي بالتفصيل الملل لكل خطوه لي هنآك وكل موقف صارلي
،،،،،،،،،،
قرر ابوي الله مير يطول عمره ويخليه لنا انني أروح معه للحج
دآم ماعندي لا مدرسه ولا شغله ماغير هالشهاده اللي معلقتها على الجدار مدري متى يجي الفرج <<تسني شطحت بعيد <<عادتك im22
المهم قلت لابوي انا ابي حمله Vip
قآل ابشري
قلت طيب ابي امي تروح معي
قآل تلايطي ولايكثر هرجك امك حجت قبل كذا وأخاف تشوف الحمله الايرانيه ثمن نبلش فيها ولا نقدر نرجعها للبيت im22
قلت طيب يعني اروح لحآلي gif22
قال احسن عشان ماتسولفين مع احد وتلتهين بالسوالف
قلت واتسيه هيا بنا بابي << أوخس يالدمقراطيه ..
المهم هالحمله على مايقولون انها Vip
وخدماتها زينه وموزعين نشرات انها بوفيه مفتوح 24 ساعه
وسراير نظيفه ودورات مياه و..,,,ووو..
يعني رحت انا مبسوطه اني ابرتاح..هنآآآآك
وجآ يوم 7 اللي بنمشي فيه << احلفي
تغدينا بالبيت وقال ابوي يالله مشينا ياحاقه
ونا اخذا لي بتسوتين على الطاير لزوووم الآكشن واسلم على امي واخوتي والشغالات واقولهن سامحني كل ابو دايم وانآ اعصب عليتسن :*
قآلت روكاريا: آنا مافيه زعل قلت جزاتس الله خير
وقآلت مليكا : ماقالت شي بس هزت راسها قلت الله يستر منك كل ابو دايم احس انك تخططين لشي im1
المهم ::
ركبنا سيارتنا ومعي مخده لي لزوم التسدح
وشاهي وقهوه
وانطلقنا وحنا محرمين لان اهل المدينه يحرمون من البيت أاوب مشكله
ومشينا ...... وكل خطوتين نقطه تفتيش
وعل طول الطريق سيارات اسعاف جاهزه للانطلاق >< الله يجزاهم خير
ووقفنا عند محطه لنتزود بالوقود والمآء
قلت لابوي ابي انزل معك للبقاله im3
قال انثبري وش تبين اجيبلك ..
قلت خلاص مآبي شي <<يقالها زعلت
عاد انا تواسيت على المرتبة وحطيت راسي على المخدة وانا اقول في نفسي ( باحج ) . حج !
اي والله بتحجين يابنت ..
و اردد في نفسي اللهم آرزقني الاخلاص ووفقني لاداءها كامله واعصمني عن الخطا
ركب ابوي السيارة ومشى واناتوني ماخلصت من التفكير هع ..
وقطع علي ابوي حبل افكآري
( اسمعي يا... بقول لك كلام بس افهميه زين ولايدخل من اذن ويطلع من الثانية
عاد انا حسيت شعر وجهي عاد زينت جلستي وقلت ( سم يبه )
قال ( اسمعي وانا ابوك هذا حج مو ضربة حظ تمشينها اي كلام
وتقولين بعدين مافرضت زين لحجي بعيدها لا اتقنيها من اولها
واخلصي النية وعيشي ايام الحج مع الله واتركي المكالمات والسوالف والضحك لاحقه عليها )
قلت ابشر
قال صبي قهوه ..:wink:
ثمن توسدت على مخدتي و حسيت سرعة السيارة بدأت تهدا شوي شوي وقعدت على مهلي واشوف السيارت اللي لاعدد لها من بين باصات وسيارت بانواعها واقعد اناظر باللوحات حقتها الا (قطر_الكويت_البحرين _ الاردن _ سوريا _......)
يالله بس كلهم جايين للحج <<< بالله images11
ثم جاء المغرب ووقفنا في مسجد زحمه مره
قآل ابوي انزلي صلي
قلت لا اخاف انزل واضيع <<<لهالحين بزر
قآل طيب خليك هنآ بالسياره ابصلي وارجعلك
يوم رجع حطيت سجآدتي وصليت عند السياره <<كل هذا خرش
:11ar:
وركبنا السياره ومشينا
وكل شوي تفتيش وصار الخط زحمه والسياره ماعاد تمشي
اطالع يااالله زحااام شئ مو طبيعي اربع مسارات كلها متوقفة ..
وتمشي حبة حبة .. مرت الدقايق وانا اقول بينفتح الطريق ماراح يطول مرت ساعة
وبعدها ساعة وانا اطالع باحباط في السيارات ياربية عددهم كبير ..
والمسارات اربع وش ذا مرت ساعتين واللي مشيناها قليل ..
وانا مازال عندي امل واقول ان شاء الله بينفتح الطريق ومرت الساعة الثالثة ..
واقعد اناظر في ابوي حسيته تعبااان مررره قلت يبه ليتني اسوق كان سقت عنك ..:5ar:
سكت ابوي مو رايق لي وانا هرجي مالي داعي بس جد والله اننا اميرات يالسعوديات بالذات ..
راكبات مغير ننام ونقوم وهم الرجال شدة اعصاب طول الطريق الحمد الله بس,,
واحط راسي وآآنام حبتين وصحيت على صراخ ابوي
يقول بنت هاتي التصاريح
وانا اقوم مفجوعه واطلعها من الشنطه واعطيها ابوي ألآ المرور يقول حركو خلآص
::
وش نحرك يامال االعمى والله اربع ساعات وانتم موقفين السير وبالنهاية تقولون حركوا .. آوف اخيرا ..
ويآشر لنا المرور على طريق المواقف بالجموم عشان نوقف سيارتنا هناك
وكانو العسكر مشغولين بواحد راعي جيب مليان رجال و مامعهم تصاريح الا بيحجوون غصب رجعوهم
مع مخرج..
ورجع مره ثانيه راعي الجيب
ومغير اطردي الشرطه مع راعي الجيب تقل يرقوون بعير ..
المهم ينزلني ابوي عند حريم
وهو راح يوقف السياره بموقف مناسب لان مافي شده امشي << من هالحين
ورجع لي ابوي بعد ساعه الا ربع ويوم وصل لي وقال يالله وهو يدور مفاتيح السياره بالحزام
آآوب فيه :9ar:
ويرجع للمكان يدورها هنآك وهو معصب ولا قدرت اكلمه <<عاد وش بتقولين له يمال شسمه ذاك
وبعد جهد جهيد لقاه
ونلقى باص نقل جماعي ونركبه ..,,
وطلع هالباص كله اردنيين
دخلنا وانا عيوني كذا :9ar:
من الصووت العالي يلبووون بآصوات عآآآليه تفجرت اذوني
وواحد يقول لاخويه طول بالك يآزلمه ..
(يعني اللي فهمته تسنه يقوله بشويش على الصووت )
ونمشي بالباص وزحام داخل مكه
واثناء محنآ بالباص
فيه وحده أردنيه تقول ابو مآزن تعآل كووول لك آشي
هو مغير واقف فوق روسنا ويلبي الله يهديه ليه مايقعد
قالها: مبديش أووكل
ووصلنا للحرم
وآنا ركبي تتصافق من الخووف وهالاعداد الهائله
والصق ببوي تقل جراده
آخاف اضيع وقآ im24
ثمن بدينا بالطواف تحت وتعبت مع اول شوط زحآم وريحه ..
الحمد لله خلصنا من الطواف وصلينا ركعين
بس شفت العجب بالطوواف$777
فيه رجال لابسين فنيله وسروال سنه وفوقها الاحرام
واللي مخيط الاحرام كنه تنوره
طيب مايدروون انه حرام ..
المهم دخلنا المسعى
ألا فيه واحد جديد فاضي شوي مافيه زحمه
قال ابوي هاهـ وش رايك
قلت لا خلنا بالقديم ..
وكانت مشوره مني زينه بتعرفوون ليه بعدين ..
وخلصنا السعى وطلعنا من الحرم
حنآطبعاً مفردين
وقال ابوي الحين بندور لنا سياره عشان نروح منى ..وترتاحين هناك وتنامين
:
:
:
:
يتبع ان شـــــــــآء الله
مواقع النشر (المفضلة)