تركي بن حميد امير عتيبه بوقته وقصة القصيده المشهوره
تركي بن حميد
( علم وقامة شاهقة في التاريخ والادب )
هو الشيخ تركي بن صنهات بن حمد بن حميد فارس عتيبة وشاعرها وقائدها في المعارك.
وال حميد اسرة مشيخة يرجعون الى الكرزان من المقطة من برقا احد جذمي قبيلة عتيبة
،،،،،،،،،،،،،،،،،،،،،،،،،،،
وأشهر قصيدة له على الاطلاق والتي يعرفها ويردد ابياتها الناس حتى اليوم ، لما فيها من حكم وشجاعه وكرم وحماسه وقوة وعزة وفخر وفروسية ويذكر الرواة ان الامير تركي قالها بعد عودته من محمد بن هادي وفشلهما في الاتفاق على نزول عتيبه صلحا لكن ابن هادي رفض ، وبعد عودته جمع قومه وقادة الفرسان وتباحث معهم في الامر فمر بهم راعي يتغنى بالشعر عائدا من المرعى فجاء مطلع قصيدته
"تلعب طرب وانا بنومي هواجيس"
وقد قيل انه عندما اتى ابن هادي كان لابسا جوخه تسحب من تحت رجليه واستقبله ابن هادي وطلب من ابن هادي فض المنازعات وان يحترم الاتفاق بينهم خاصه انه ادى ماعليه من تعويض بما فقدته قحطان من خيل ولم يعاد قعود زبن المسروق ، ولكن ابن هادي رفض الا المزيد لان اعداد عتيبه زادت واكتسحت المراعي وضاق المرعى لحلال قومه وهذا ليس= بالاتفاق وقال كلمه المشهورة " من جاء بدون دعوه يجلس بليا فراش " ، لكن كان في بداية الأمر جوار ولم يمانع محمد بن هادي بمجاورة عتيبه ، الا ان ممن حوله غيروه لانهم خافوا من ان تضيع مراعيهم ويكتسحها هذه الاعداد الكثيرة ، وبعد ذلك قام الامير تركي وخرج من البيت فأرتفعت الجوخه من تحته بسبب زعله وتضايقه ، فنظرت زوجة ابن هادي اليه ثم اسرعت للشيخ محمد ابن هادي وقالت ألم ترى وشلون جاء وشلون طلع من البيت شف الجوخه كيف ارتفعت من فوق من زعله والله لتشوف منه امر مايسرك ، فقال ابن هادي اسكتي يامره والله انك ملتي يمه فقالت : لا والله لكن ذا موهوب مثل اللي شفتهم وتبى تشوف وفعلا انتصر ابن حميد على خصمه ابن هادي ...
القصيده
[poem=font="Simplified Arabic,6,black,normal,normal" bkcolor="transparent" bkimage="" border="solid,4,gray" type=2 line=1 align=center use=ex num="0,black"]
تلعب طرب وانا بنومي هواجيس =ماسامرك بالليل كثر الهمومي
أسهر اليا نامت عيون الهداريس =بالليل أساهر ساهرات النجومي
أونس بقلبي مثل صلو المحاميس =الله يلوم اللي لحالي يلومي
أشوف عدلات الليلي معابيس =ولاحد من الدنيا عظامه سلومي
تضحك وتخفي لك خفي الهناديس =تفطر لنا يوم ويوم تصومي
اعمل وتلقى وافهم العلم بالقيس =دنياك لو زانت تراها نقومي
قالوا جهلت وقلت جهل بلا قيس =الجاهل اللي مايعرف اليمومي
من لايدوس الراي من قبل ماديس =عليه داسوه العيال القرومي
ومن لايقلط شذرة السيف والكيس =تبدي عليه من الليالي ثلومي
ومن لاخذ الدنيا بميز وتقييس =مثل الذي يسبح بحر يعومي
البني مايصلح على غير تاسيس =ومن لاتعلم ماتسر العلومي
كل القلم من كتبنا بالقراطيس =وركابنا من كثر الادلاج تومي
ولاخير في كثر الحكي والتماليس =وقول بلا فعل يجي به وهومي
والعز فوق معسكرات السواديس =اليا قصدت اللي بالاشيا رحومي
بالليل أصالي حاميات المحاميس =والصبح أصالي كل قبا قحومي
وصلاة ربي عد رمل الطعاميس =وعلى شفيع الخلق يوم اللمومي
عد النبات وعد ذار الطعاميس =واعداد مايمطر سحاب الغيومي [/poem]
رحم الله الأمير الفارس ( تركي بن حميد العتيبي ) واسكنه فسيح جناته
مواقع النشر (المفضلة)