هذا الموضوع كتبته منذ مبطي في احد المنتديات
ولما قريت موضوع بنت الزين حق الكوره والانديه والاعبين تذكرته فقلت خل اسدحه فيذا هدية لبنت الزين



باكتب لكم اليوم معاناتي مع الكورة وليش أنا اكره شي اسمه كوره وصرت من كرهي لها اكره كل شي شكله مثل شكل الكوره واكره كل لعبة يلعبون فيها بالكورة (( قدم ، طائرة ، سلة ، يد ، تنس أي شي وكل شي )) :17ar: :smile:


بدأت معاناتي منذ نعومة أظفاري " متعوب عليها ذي " :131[1]:


أنا الله يسمنكم عندي اخوين اكبر مني الله يخليهم لي ويخليني لهم !!! :7ar:
وإخواني هذولي بينهم سنة وحدة " يعني للي ما يفهم واحد اكبر من واحد بسنة ":14ar:
يحبون الكوره موووووت حياتهم كلها كوره دائما يلعبون كوره في الشارع ،، في سور البيت ،، في الصالة ،، في السطح ،، حتى وهم نايمين يلعبون كوره ؟؟!!!! :173[1]:
ومثل ما قلت لكم انه معاناتي بدأت منذ الطفولة وفي كل مرحلة من مراحل عمري لي ذكرى مؤلمة مع هذي اللي ما تنتسمى !!!! :186[1]:

يوم انولدت فرحوا إخواني كثيييير وبما إني البنت الوحيدة كانوا إخواني يحبوني ودائما يجيبون لي هدايا والعاب وهي عبارة عن كور بجميع الاحجام والاشكال ؟؟!!! " كرهت شكل الدائرة من الكور!!!! ":184[1]:



وكرهتها اكثر لما صار عمري كم شهر من كثر الضربات اللي تجيني منها (( الحمد لله ما جاني ارتجاج في المخيخ من كثر الضربات على راسي بالكوره )):34ar:



عندها منع والدي :28ar: اطال الله في عمره " قولوا امين " اللعب داخل البيت علشاني وعلشان اغراض البيت اللي تكسرت كلها ما بقى ولا لمبه ولا تحفة ولا منظر الا وفيه اثر من الكورة المشئومة ؟؟!!


كبرت شوي واول ما تعلمت المشي اشتروا لي كورة كبيرة ( جلد ) وخلوني اشوتها وصوروني بعد :girl_01: على بالهم بصير لاعبة مشهورة ؟؟!!

عاد انا في ذيك المرحلة احب اللعب وودي العب لكن ما فيه الا كورة فقط وما انسى يوم اشترى لي ابوي سيكل يا اني فرحت بغيت اطير من الفرحة :185[1]: اول مرة اشوف لعبة شكل ثاني ؟؟!!
وتوني راكبة بألعب فيه الا وذيك الكورة على راسي بعدها انواع الصياح :girl02_5: قاموا اخواني الله يسمنهم شالوني انا وسيكلي ودخلوني داخل البيت وعطوني حلاو علشان اسكت وانحرمت من اللعب في السور بالسيكل الجديد بسبب الكورة " على فكرة الحلاو اللي عطوني اياه اخواني هذاك اللي على شكل كورة "
ومرة الخدامة جت تنظف البيت وطلعت سيكلي اللي انا فرحانه فيه برا في السور ويوم جيت بالعب فيه لقيته مكسور المسكين راح ضحية من ضحايا الكورة


وفيه مشكلة كبــــيــــــرة مــــــــرة،،،،،،،،، ولانه ابوي مو متعصب للكورة انقسم اخواني قسمين واحد يشجع النصر مع اعمامي وواحد يشجع الهلال مع اخوالي عاد تعالوا شوفوا انواع الطقاق :148[1]: ترجيم بالمراكي والنعال والالعاب وكل شي والضحية دائما انا في كل جهة من جسمي ضربة من طقاقهم ،، هذا اذا كانوا داخل البيت اما اذا كانوا في السور فهم يلعبون كورة طبعا واحد فريق الهلال وواحد فريق النصر واذا جيت العب معهم طردوني وعطوني كورة صغيره وقالوا روحي العبي لحالك مو لاني ما اعرف العب اصلا حتى هم ما يعرفون يلعبون لكن لانهم راح يتهاوشون يحطوني مع مين ؟؟؟!!!



لما بديت اتكلم صاروا اخواني يعلموني اسماء الفرق والنوادي واسماء الاعبين وبدل ما اقول ماما _ بابا_ واسماء اخواني صرت اقول نصر _ هلال _ كورة _ هدف _ ماردونا _ يوسف الثنيان _ ماجد عبد الله !!!!!!!!!
وكل واحد فيهم يحاول يخليني اشجع فريقه ويغريني بالحلاو طبعا اللي على شكل كورة والهدايا واللي هي كور بجميع الاحجام والاشكال وصرت دائما محتارة ارضي مين ؟؟؟ :188[1]:


بعد ما كبرت شوي ،،عرفت لهم صرت كل ما جيت مع واحد قلت انا اشجع فريقك واحب اللاعبين اللي تحبهم الى ان اخذ اللي ابي منه وبعدين اروح العب على الثاني !!!! :5ar:

المشكلة اني بعض الاحيان اغلط اروح للي يشجع النصر واقوله انا اشجع النصر واحب يوسف الثنيان !!!
عاد يجيني ذاك الكف على كيف كيفك :smile: " كله من الكورة " اكرهها ؟؟؟ im1


بعد ما كبرت وصرت اروح للمدرسة صرت اسمع سوالف البنات عن العابهم وعرايسهم وباربي واغراض المطبخ وانا ما عندي الا كور واذا جو يلعبون أي لعبة ما اعرف الا كورة بس حتى صاروا يسموني الولد تعقدت وكرهت الكورة اكثر واكثر ؟؟!!!!:wink:




والى الان وانا في معاناتي مع الكورة ،،،،، gif88 مع انه ابوي مدلعني ومو مخليني محتاجة شي ابد ولا يرفض لي طلب الا انه سبحان الله كل ما ابغى اطلع اتمشى او اروح لاحد من صديقاتي يكون فيه مباراة للهلال او النصر او المنتخب واكيد الشوارع بتكون مليانه ويرفض الوالد ويقول الحين الطرق كلها مسكرة وزحمة وما فيه طلعه خليها يوم ثاني im5




اكرررررررررره الكوووووره شوفوا لي حل ارجوووووكم :girl02_4: