خلاص مالى ومال الحب وازعاجه
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصغير السن قدرك طاحت ابراجه=الجرح خلا الصخر ينطق ونطقني
خلاص ماعاد تعنيلي ولا حاجه=رح جعل ربي يوفقك ويوفقني
من بعد ماكنت نور العمر وسراجه=اليوم صرت الظلام اللي يطوقني
عطيتك اكثر من اللي كنت تحتاجه=اسرفت بالحب لين الحب وهقني
خلاص مالى ومال الحب وازعاجه=مالى ومال الدروب اللي تضايقني
تعبت اضم البحر واهدي امواجه=تعبت اجامل واشوف الوقت يسرقني
شكواي للي عليه الضيق وفراجه=اللي اذا شاء يرحمني ويرزقني
اما انت يابو جبين معقد احجاجه=لاعاد تسال علامك منت طايقني
الناس كلن على دربه ومنهاجه=وانا على الناس مابه شي يفرقني
الا اني دايم احب الصدق وواجه=مخلوق والله على هالوضع خالقني
حتي رفيقي ضماد القلب وعلاجه=على كثر ماتمسكت فيه صدقني
لو ادري انه مرافقني على حاجه=لاامسكه حاجته واقول فارقني [/poem]
رد مع اقتباس
مواقع النشر (المفضلة)