:..:-- قصيـدة {ناصر الفراعنـة} ناقتي يا ناقتي ,, كلمات وفيديو للمشاهدة--:..:

[[ابتسم]]

طبعاُ
اللي تابع يوم الثلاثاء الامسية الثالثة
من شاعر المليون

وكيف وقف الجمهور احتراما وتقديرا
للشاعر الكبير - ناصر الفراعنة -

وخاصة بعد القاءهـ لقصيدته
ورائعته - ناقتي يا ناقتي -


المهم حبيت اني انزل كلمات القصيدهـ
مع وجود مقطع فيديو بالاسفل
لمشاهدة القصيدهـ وهو من موقع اليوتيوب



[poem=font="Simplified Arabic,5,black,bold,normal" bkcolor="transparent" bkimage="backgrounds/12.gif" border="double,4,indigo" type=0 line=0 align=center use=ex num="0,black"]
ناقتـي ياناقـتـي لاربــاع ولاسـديـس=وصليني لابتي مـن وراء هـاك الطعـوس
حائلاً رابع سنه من خيـار العيـس عيـس=خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس=تدوخك من شدة البـرد طقطقـة الظـروس
في عيوني يكفخ الطيـر ويطيـح الفريـس=وانتهض جساس من دون خالتـه البسـوس
وفي خفوقي فرخ جنيتاً يضـرس ضريـس=يوم اوردهـا هجـوس واصدرهـا هجـوس
ديرتي دار ابن ضاري وابن غثلـم جريـس=ديرة اللي دوجوا فـي فيافـي نجـد جـوس
ديرتـي يابنـت شيخـاً ومعدنهـا نفيـس=عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس=طينتاً مـن تربـة الخلـد والـدم محمـوس
نقشت خمساً من الخمس في يـوم الخميـس=ليت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس=كان يمكن قد قلـب نصـف إمتنـا مجـوس
كن دماث الصدر منهـا كنيسـه او كنيـس=صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس=قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس=وردفها عن غطرسة بـوش يعطينـا دروس
وبالرغم مـن قصرهـا مايجالسهـا جليـس=تصبح أطول نسوة الارض في وضع الجلوس
العروسه ماتبي غير ابـو تركـي عريـس=العروسه نجـد ماهيـب حـي الله عـروس
نجد بنت المجـد ونسـة مونسـة الونيـس=ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس=في ذراهم بـالتجي عن مجففـة الرسـوس
وعيشتي مابين أسوداً ولـو مانـي رئيـس=(خير من كوني رئيساً على شلقـة تيـوس)
وليس عيباً إن خدعني بمكـره كـل هيـس=لان مايفهـم بمكـر الهيـوس الا الهيـوس
مصطفى فـي مأدبـة عمـه البابـا لويـس=كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس=يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس=دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قـيـس=والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس=درسونـا الالهـه والمـدرس هـنـا روس
ويش لاقوا من قناة السويس اهل السويـس=وويش لاقوا من تلمسان قوماً من سنـوس
كلهم من شـدة الجـوع راحـوا خندريـس=بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس=وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس=والنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـس=ترجع الاذناب إذناب وتبقـى الـروس روس
صدق لاقال العرب مايحـوص الا الخسيـس=ولايوط الروس شئياً مثل ضعـف النفـوس[/poem]


[align=center]
مشاهدة القآهـ للقصيدهـ من موقع اليو تيوب



مشاهدة قصيدة الفراعنة في التصفيات



الله اكبر الله اكبر
شاعر بمعنى كلمة شاعر[/align]

[! .. مـشـعــل .. !]

آفة المرء اثنتان الف كـاس وحـب كيـس .. والنفوس اليا بغيـت اتعرفهـا ارم الفلـوس

صـح لسـاااانه .. :24ar: ..

الفراعنه شاعر متمكن , وان شاء الله ( البيرق ) من نصيبـه ..

الله يعافيك ياديدمـان .. :24ar: ..

[][ T F A S I L K ][]

آفة المرء اثنتان الف كـاس وحـب كيـس .. والنفوس اليا بغيـت اتعرفهـا ارم الفلـوس

صـح لسـان الشاعـر/ ناصر الفراعنــه

شاعـر بـ معنى الكلمـه مشاء الله عليـه

ولاهنت ديدمان على القصيـده كنت اتمنى اشوفه لكن راح علي موعد البرنامج

والان شفتها

لاهنـت مره ثانيـه ويعطيـك الف عافيــه $222

.

,

[فـــزاع]

وعيشتي مابين أسوداً ولـو مانـي رئيـس(خير من كوني رئيساً على شلقـة تيـوس)
وليس عيباً إن خدعني بمكـره كـل هيـسلان مايفهـم بمكـر الهيـوس الا الهيـوس


{

فـعلآ اثـبت لنـآ مُد ثقـآفته ،
شآعرٍ أشعـل المـسرٍح بـ حروفه
وٍألهبـهآ بكلمـآته .. لله درٍك يـآ فـتى الغلبــآ ( :24ar: )


><..KONVICT..>< <~~تسـلم لنـآ ذآئقتـك

[[ابتسم]]

عواافي على مروركم الحلوو

وانا بصراحه اعجبني هالبيتين

[poem= font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
وعيشتي مابين أسوداً ولـو مانـي رئيـس=(خير من كوني رئيساً على شلقـة تيـوس)
وليس عيباً إن خدعني بمكـره كـل هيـس=لان مايفهـم بمكـر الهيـوس الا الهيـوس [/poem]


والله انه شاعر