[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه والهاجس وطرس الورق ساعي بريد=وافكاري رسالة اديب وحبرها عل ويـا ليـت
يعني تحدي من بنات الفكر والحـس الفريـد=للشاعر اللي غاب مده ماذكر لـه اي صيـت
ودايم سؤال الغايب اليا عاد وش حصلت فيـد=وانا على طول الغيـاب المـر والله ماجنيـت
الا اجمع الشرّد واصخر سادة حروفـي عبيـد=واسوق هقواتي على درب الطموح وماثنيـت
اقدام عزمي لا خذلني الدرب والحـظ البليـد=اللي فهمني عكس تفكيـري وحطـم مابنيـت
احاول ولامن خسـرت اقـول لا لا مستفيـد=الحاجه ام الاختـراع وتجربـه منهـا دريـت
ان الفشل مرشد نجاح لصاحب الفكـر العنيـد=وان العصاميه خوي يرفعـك لامـن هويـت
ولا كشّر الوقت وحداني جبتها احساس وقصيد=وابداء حكايه او روايه او قصيده بيـت بيـت
وابني لذاتي من معاني العز والمجـد التليـد=فكر يجمـل وقفتـي لامـن تعليـت وحكيـت
اشتت الحيره وارتب مجمل افكـاري واعيـد=تركيبة ابداعي بحرف الشعـر لامنـي بديـت
يعني القصايد كنها يوم احتمى الميقاف صيـد=وفكري كما نادر حـرار دام حـي ماشكيـت
ما اهده الا تهادى الخرب في ساعـة وعيـد=ماعاد ينجيه الحـذر والا الدفـاع المستميـت
واسوقها للي سكـن مابيـن دمـي والوريـد=واستوطن العوج المحاني في مقام وفي مبيت
اعتبره اغلى ماملكت الا اكبر ارقـام الرصيـد=واعتبره النور لظلام الـدرب لامنـي سريـت
لاضاقبي همي وصرت بسكة اشواقـي وحيـد=اسريبها مسرى معزي يوم ضاق به الكويـت
وارفع بيارق نور حرف حرك اوراق الجريـد=واهدم تماثيل الضلال اللي تهاوت يوم جيـت
واكسّر اصنام الظلام اللي حكت قصـة فقيـد=غاب ويتاماه الحيارى تنتخـي تكفـون بيـت
إلهم وقفت وسقت ذات الروح وحروفي شهيد=دمه نهار الموت مسك يفوح لو هو طاح ميت
وأعطي الحياة لمنبـر الايتـام واردد نشيـد=عاش النصير اللي وقف للمعضله مقال ويـت
يمكن غموضي شتـت الافكـار لاكنـي اريـد=اوصل المعنـى لمـن يعنيـه والا لا رأيـت
انه عرف قدر اليتيم اللي بعث ساعي البريـد=اتركله الرايه تحدي واكتفـي باللـي خذيـت[/poem]


[align=center]حسين الحبابي[/align]