بسم الله الرحمن الرحيم
السلام عليكم ورحمه الله وبركاته..
لكل فتاه تريد التوبه هذه قصتي
أنا بصراحه بديت اصلي واصوم من صغري بس ما واضبت على الصلاه الا وعمري 13 سنه وماكنت اخشع ولا استغفر ولا ذكار ولا قرآن ولا شئ ولبس العباءه بس ماكنت التزم فيها حتى يوم كنت في الجامعه كنت اروح المحاضرات بدون عباءه بس شيله وشعري برع ودرست فيها سنه وشهرين وبعدين طلعت وقعدت في البيت 8 شهور قبل لا أدخل كليات التقنية وفي هالفتره بديت أتغير أول شئ تحجبت وفي يوم حصلت كتاب وفتحه وشفت ادعيه واستغفار اول مره اقراها وبديت اقراها كل يوم وكنت بعدني اسمع اغاني وشوي شوي تغير حالي بديت أصلي الفروض والسنن والنوافل لين ماوصلت الى ما أنا فيه الحمدالله اواضب كل الصلوات مع سننها والنوافل ومداومه على قراءة القران وحفظت بعض الصور والأذكار واشياء اخرى لوجهه الله وقطعت الاغاني كمن كم سنة بدون لا حد يكلمني او ينصحني من نفسي وكانت عندي عزيمه قويه اني اتغير قبل كنت اثأثر بالبنات ولبسهم والموضه وهالخرابيط
بس اللحين ماتهمني كل هالخرابيط والله اهم شي ربي مابقول اني هملت نفسي بالعكس البس واترتب بس قبل كل شئ ربي ونبي وديني لانه حطيت في بالي شيء واحد الدنيا زواله واخر شئ مصيري القبر ولازم احضر اللي ينجيني من عذاب القبر واهواله والله كل ما أشوف قبر يقشعر بدني من الخوف
والانسان اللي ماتأثر بها هالاشياء هذا انسان قلبه مات من الدنيا وملذتها
ولازم تتوجهون لرب العالمين وتوبون والله غفار الذنوب والله يعلم متى بينموت او متى بيكون يوم القيامه وبعض الناس بعضها عيونها مغمضه ولاهيه بالدنيا
والله يهدينا جميعا لصراطه المستقيم ويجعلنا من أهل الجنة
ويغفر للمؤمنين والمؤمنات الاحياء منهم والاموات
منقول للفائده ان شاء الله
مواقع النشر (المفضلة)