جديد 1429 هـ((( ياماحلى همسات خل ٍ لخله // في غرفة ٍ ريح الخزامى يطوفي )))

**النغم المهاجر** · 17-01-2008, 03:55 PM

يامحــلى همـــــــسات خل ٍ لخله
في غرفة ٍ ريح الخزامى يطوفي

عشر دقايـــق ساوت الكون كله
تعانقت فــــــــيها كفـوفه بكفوفي

له شعر أســود فوق خشمه يهله
وله مبسم ٍ خلفه الثــــنايا وقوفي

رمش ٍ لاسلهــم به كسيف ٍ يسله
ونهود تنــشد حان وقت القطوفي

في ديــــــــــرته الليل ماله محله
بدر ٍ تجلى مايـــــــجيله خسوفي

يابوفهد له مسكن ٍ وســـــــط فله
حوله من الحراس خمسه وقوفي

لاجيت بأمشي صاح بالصوت لله
وان جيت باقعد نار تشعل بجوفي

حبه معزه وحب غــيره مــــــــذله
لاجله يهون الراس قطع السيوفي

***********

لاجديد ...
إبن القرية // النغم المهاجر
السعودية // أبها
08/01/1429 هـ

**الحوراء بنت نجد** · 17-01-2008, 07:59 PM

النغم المهاجر

كل عام وشاعرنا بخير--

وقفة على أعتاب الزمن وشاعر تتجلا معانيه

بعذب العطاء وتألق الحضور0

ابن القريه وهطول مدرار من غيوم الأبداع مرحبآ

بشاعرنا بعد غياب--

النغم المهاجر مبدع كعادتك--

تقبل مروري--

**مهــاجره** · 17-01-2008, 08:44 PM

ابن القريه

صح لســــانك ولاهنت

قصيده تحكي الأبداع

والتميز وسلاسة الأسلوب

ولاتخفي جمال الحرف

عسآك ع القوهـ

لك أكبر تحية ود

مهاجرهـ

**شموخ أنثى** · 18-01-2008, 05:36 PM

[poem= font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبه معزه وحب غــيره مــــــــذله =لاجله يهون الراس قطع السيوفي [/poem]

دام عزك اخوي .. وصح لسانك