الـهنـدي- و-القصيعه

[عسووولة]

السلاام عليكم..

شخباركم يا جماعه وش مسوين

المهم هذا امس يا طويلين العمر طالعه انا واخوي نتمشى

بشوارع بوريده الحبيبه مع انها كلها شارعين ونص بس هذا لا يمنع اننا نتمشى فيها

المهم وحنى نتمشى خلص البانزين ومرينا المحطه نعبي

ولا فيه اثنين هنود واقفين واحد جلس يعبي والثاني فاضي ما عنده شي

المهم وجا يسولف مع اخوي اسمعو سالفتهم

الهندي : صايم اليوم

اخوي:لا << بكل برائه قالها

الهندي :وراه ما صمت وراه وش بك علمن وراه ما صمت << ويمد كلمه ورااه

يعني تقولون ذا من حكاكت القصيم

انا كذا وجهي صارر:rolleyes: << حسيت ان الهندي ابوي

اخوي:ما صمت عاد وش اسوي لك

الهندي :انا صايم اليوم

اخوي: طيب محد سالك << طفش منه

المهم الهندي احترم نفسه وسكت

المهم يوم رحنا قلت لاخوي وش فيه ذا يتكلم كذا سعودي هو << شكيت انا

قال اجل ما شفتي حق الحلاق لو تسمعينه ان تقولين جاي من القصيعه

((لقصيعه )) هاذي اضن انها حي من احياء بريده

المهم صار شي ثاني وحنا عند المحطه

طبعا بوريده لا تخلو من شبابها المطافيق << مع احترامي لهم ولا ما تصير بوريده

المهم وحنا واقفين نعبي << ما تلاحظون انه طوول وهو يعبي

ولا جاي واحد طااير يمكن ماشي مليون

ومعاه ددسن مدري وش اسمها ذيك المهم تشبه لها

وسوا زي كذا

عاد هنا صدق عيوني صارت ي كذا :rolleyes:

بس هذاك كان طاير مره هذا يمشي حركه بطيئه

المهم قلت انا لازم اشوف هالي سوى كذا

عاد يوم نزل من السياره وانا متحمسه ودي اشوفه

يوم نزل علطول غمضت عيوني انصدمت صراحتن من المنظر

لو تشوفونه ما يتعدى الثانوي او يمكن المتوسط بقطه صغير

المهم عاد يوم مشينا ووقفنا عند اشاره

والتفت انا على جهت الشبااك

واشوف واحد راكب جيب لا هذاك موب واحد ذاك بزر

حتى باليالله يطوول الطاره وما يشوف بعد حتى محد معه

انا قلت اكيد ذا سارق السياره

يمكن صدق عاد ذاك ما يتعدى رابع ابتدائي

بالقصيم عاادي تلقون بزر يسوق وشايب عمره ميه يسووق عادي جدا


8
8
8
الطلعه ذي كلها احداث

وخلاص عااد قضيناا

يالله مع السلامه بيباي

[بنـــــ الزين ــــــت]

عسوله وانتِ صادقه

مره كنآ رايحين لمزرعتنآ بالقصيم

يوم وصلنا عقله الصقور وقف ابوي يعبي بنزين
ألا يجيك واحد مطيّر بالددسن ويصقع جيبنا من ورا
ويجي ويهاوش ويصارخ وهو غلطان عاد الظاهر عمره 80 سنه ويسوق ومعه عجوز ههههههه

/
وهـ بس ياحبي لكم
ويحبيلتس عسووله لاهنت على القوصه

[عسووولة]

ههههههههههههههههههههههههههه بعد يا حبي له هالشايب غلطان ويهاوش
المشكله شايب ما يمديه يطير

يسلموو بنت الزين

[ROMANCYA]

أووما الهندي وهـ فديته أثااريه مؤمن يصوووم
،،
جد تراا اكيد سارقها السياارة واللهي بزران آآخر زمن
،،
طلعتكم تحمس قسم فلللللله أحسها

يعطيكي العافية عسووله وتعيشي وتطلعي زيها

[عسووولة]

ايه مشالله عليه يصووم احسن من اخوي حتى انا صايمه امس<< طيب محد سالك
بس صدق انا انصدمت يوم شفت البزر لا مو شرط يكون
سارقه والله فيه ناس يعطون سييارات لعيالهم ولا يهتمون بالعمر

الله يعافيك
يسلموو