حطبت الحُب ... وإنكسر لي فاس !

[حـزن]

السلام عليكم ورحمة الله وبركاته
\\




:

تعال الشوق دمَّرني حبيبي والصبر ذايب ..
حطبت الحُب من قوّة غيابك و إنكِسَر لي فاس !

تعال وقول يا ماخذ جميع أشيائي وش جايب ؟!
ترى ملّيييت من حبر القلم و معاند القرطاس !!

عيونك نامت بـ عيني وظنِّي للأسف / خايب !!
أظن ترجع وما ترجع أظن وما يجيني نعاس !

أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس !!

مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !

أنا عقلي على درب الجروح فـ غيبتك سايب ..!
أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!


:


للشـــاعر: أحمـــد الصـــانـــع

دمــتـــمـ بخيــــر ...

[بنت ابوووها]

قوي قلبي ,, ولكني أحس / بـ غيبتك هايب !
تخيَّل كل ما أصبر على غيابك , تضيق أنفاس !!!


حزن العيون

آبيات في قمة الرووعه

لشاعر / عذب وممتع

آشكرك يالغلا

جمال ذائقتك وتميز إختيارك

لكي الود

[وفيت وخانتني]

حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!
....

حزن العيون

والله مادري وش اقول

جد جد قصيده روعه روعه جدا

قصيدة قراتها اكثر من مره من جالمها وروعتها

كلمات وحروف من ذهب .. واختيارك وذوقك من ألماس ..

اختي صح لسانك ولسان من قالها

وتسلم يمناك على مانقلته من جمال وروعه

وتقبلي مروري وتحياتي

[.. وٍسَــن ..]

\

صـح لسـآن شـآعرهـآ ..

وتسلم كفوفك على النقل


\

[شموخ أنثى]

[poem= font="Simplified Arabic,4,white,normal,italic" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
قوي قلبي ,, ولكني أحس / بـ غيبتك هايب !=تخيَّل كل ما أصبر على غيابك , تضيق أنفاس !!![/poem]


بيت عن ديوان بأكمله ...



مشكوره حزن ... اختيار راق لي كثيرا ً سلمت يمناك