ابيات نقلت لجمال حرفها وابداع نسجها ,,,
أعاف اللّيل وِنجومـه أعـاف البـدر وطلوعـه
وليل اليوم ما يعني مِثِل ما كـان يعنـي أمـس
.
وصارت ذكريات الأمس يسدِّ بها الحِزِن جوعـه
ويقتاتِ الفرحْ منّي ويطمسهـا بغـدره طمـس
.
عقارب ساعتي حـارت وكـلٍّ يبغـيِ ارجوعـه
إلى ذاك الزّمان اللي قضيته طفلة قبـل الخمـس
.
أبهرب منك واتفاجـأ بطيفـك فـارد اضلوعـه
واغُضّ الطّرف واتجاهل حقيقه واضحه كالشّمس
.
تبي تدخلني في سجنك ومنه الرّحمـه منزوعـه
تبي تكتم بقايا الصّوت كفايه مابقي من همـس
.
وتغمسني فِ بَحْر الهمّ وتسقيني الزّبَـد لوعـه
قتلْكَ الله ياحزنٍ تفنّـنت فـيني السِّقـا والغمـس
(لكم الاحتــــــــــــــــــرام )
مواقع النشر (المفضلة)