[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عليك اسمي من عيون الورى لك=ياجعلهم فـدوه لغالـي سنينـك
متعليه بالزيـن محـد ٍ رقالـك=الزين في غيرك يساويه شينـك
الزين كنه منحصر بـك لحالـك=والكون نوره شارق ٍ من جبينك
يابنت جاك القلب يبغى وصالـك=كله طموح انـه يفـوز بحنينـك
لو تطلبين العمر يرخص فدى لك=العمر كله أرهنـه فـي يدينـك
قلبي بدقـات المحبـه حكالـك=همه يضل العمر كلـه سجينـك
لو الأناقه شخص كان انحنى لك=عله يقبل من شـرف راحتينـك
الورد ياخذ رقتـه مـن دلالـك=والمسك ريحك واللباقـه كنينـك
والليل في لون الجديـل انثنالـك=التوت ياخذ لون مـن شفتينـك
والبدر تدويره ولونـه صفالـك=والحور تتشبه بتحويـر عينـك
اذا وقفتـي مهـرة ٍ بإعتدالـك=وان انثنيتـي خيزرانـه بلينـك
واذا مشيتي في طريق استوالـك=واذا رقيتي قالت الأرض وينـك
الطير من تغريد ضحكك عنالـك=تغريد ضحكك متعب ٍ معجبينـك
يأم الجفون اللي كسلهن زهالـك=والرمش لا سلهم حسبته يهينـك
تغنجـي ياحلـوه الزيـن فالـك=الغنج تاجك والنعومـه خزينـك
الماسة ٍ من شاهدك صار هالـك=محد ٍ يلومه لو يسمـى دفينـك
لو تعرفين بجد روعـة جمالـك=يمكن تكبرتـي علـى والدينـك [/poem]
[align=center]عاطف الخالدي[/align]
مواقع النشر (المفضلة)