السلام عليكم ورحمة الله وبركاته
في احد صباحات الجامعة
حكت احدى صديقاتي أن أختها الصغيره كانت (( مفقشه ))
على صديقاتها بسالفه وان وحده منهم اتصلت وسألت
صديقتي هذي عن السالفه ..
وبنت الحلال أنكرت وقالت الكلام مو صحيح
وراحت قالت لأهلها وصاروا يهاوشون ليش قلتي
بتحرجينها .. حرام عليك .. يعني ماكذبتي يومك صغيره ؟؟
المهم لما قالتلنا .. قلت أشو انك منتيب أختي
وبعدها كل وحده صارت تقول أكبر نصباتها بالطفوله ..
البنت هذي أنا أعرفها من كنا بأولى ابتدائي
والنصابه 15 سنه مفكره انا أمها اسمها (( منى ))
وأثاريها مكذبه علينا والمشكله ليت اسم أمها بشع نقول معذوره
ولها كذبه ثانيه كان الباص لما ينزلها ماتروح تدق باب بيتهم
كان جيرانهم بيتهم أحلى .. وكانت توقف عند ذا الباب
وعلى بالي أرن الجرس واذا حرك الباص دحدرت لبيتهم
اللي قهرني اني كنت أعرف بيتهم بس حسافه ماكنت معها بالباص
والا كان طلعتها على حقيقتها ..
وحده ثانيه تقول كانت تدرسهم بالابتدائي مدرسه حلوووووووه
وكان البنات خاقين عليها
وكانت تملك نفس اسم العائله لصديقتي لكن مايعرفون بعض
ولا يصيرون حق بعض ..
بس ذا الفقاشه قالت للبنات انها بنت عمي ..
طبعا هم انهبلوا .. صدق يا حظك ..
سلمينا عليها
وقالت لهم اللي تبيني أوصل (( لبنت عمي )) شي تعطينيه
وتقول سنتين والهدايا والرسائل تجيني من كل حدب وصوب ..
أنا عاد كنت مكذبه بس والله العظيم مثل مايقولون مكره أخاك لابطل
لما كنت بثاني كان كل فصلي تقريبا من بنات ذا الملتزمين
ومره تكلمنا عن الدشوش وكل وحده قالت اصلا تلفزيون ماعندنا
واللي عندهم تلفزيون ربي بيحطهم في النار وبيتهم بيحترق
أنا قمت اتنافض وشوي تنط بنت جيراننا ..
تدرون بيت السبيعي عندهم دش ..
<<<< حسبي الله عليك
هي قالت والا ماقالت .. كلوني بقشوري كنت بصيح الا شوي
يوووو ياويلها بيحترق بيتهم .. بتموتون
ربي بيحطكم في النار ..
وبكل قوة قلب وقفت وقلت ..
أصلا هذا مو بيتنا احنا مستأجرين واللي كان ساكن قبل
نساه في السطح
<<<< ملعقه مو دش وش كبره عشان ينساه
المهم انها مشت عليهم وكانوا دايم يقولون لي ماجا ذاك ياخذ دشه ؟؟
المهم اخواني أخواتي يمكن صعب الواحد يعترف انه كذب
بس لا تنسون كنا أطفال
واللي أبيه منكم الحين للي متذكر طبعا سوالف طفوليه زي كذا
يكتبها ..
ودمتم بكل خير
مواقع النشر (المفضلة)