جـــــــــــرح ثـــــــاني
[align=center]الهم والحسرة وقسوة تماديك واشواق واحلام وسراب ومواني
لقيتهن مابين دفتر معانيك وامسيت خايف من عذاب المعاني
وشلون تقفي يوم قلبي يناديك وشلون قلبك بعد ود جفاني
وشلون تبغي فاقد الشوق يعطيك وشلون احبك وانت صدك كواني
لاعاش راس ينحني مع تعاليك ولاعشت اذا تيار حبك رماني
لكن بقالي بس فكرة وتعنيك مع ان هجرك بالليالي كفاني
شف كيف حال اللي من الناس يغليك شف حالة اللي من عذابك يعاني
ان كان جرحي من زماني مبكيك والله،،لاجرح لاجل عينك زماني
وان كان جرحي بالزمن منك مرضيك تعال واجرح خافقي جرح ثاني[/align]
رد مع اقتباس
مواقع النشر (المفضلة)