من عز نومي صحيت وشفت فـي عيني ..
الـسـلام عـلـيـكـم ورحـمـة الـلـه وبـركـاتـه
أبيات جميله أعجبتني كثيرا ً أتمنى تنال أستحسان ذائقتكم الشعريه
للشاعر / فهد المساعد
من عز نومي صحيت وشفت فـي عينـــــــــي
دمـع تـهـادى عـلـى جفني وانـا غـافـــــــي
سـتـرت دمـعي بكـمي قـبـل يغرينتــــــــــي
واخـذت هـذا الـجـسـد مـن بـاقـي لحافـــــي
وسـريـت تـايـه ورى خـطوات رجلينــــــــــي
لاالوجه وجهي ولاأوصافي هي أوصافــــي
أمشي واقـول لـطـريقـي لاتوديـنـــــــــــي
لـعـيـون نـاس تـبـي تـدري عـن الـخافـــــي
أمـانـتـك...خـلـهـا مـابـيـنـك وبينــــــــــــي
خـابـرك يـالـدرب خـوة عـمـر واسـنـافـــــي
مـاودي الـنـاس تـدري وش يـبـكـينــــــــــي
كـرامـة الـنـفـس ورث ابـــوي واسـلافــــــي
أمـشـي واحس الخناجر في شرايينـــــــــي
والـبـرد يـمـشـي وراي ويـنـهـش اطرافـــي
وحـيـد واللـيـل بـردونـه يغـطـيـنـــــــــــــي
تـقـول كـن الـبـلـد روح بـهـا الـســافـــــي
إلـيـن مـاأوحـيـت صـوت يـنـاديـنـــــــــــي
صـوت أعـرفـه مـثـل مـاأجهل وش خـلافي
قـمت أتـلـفـت وانـادي لاتـخـلـيـنـــــــــــي
مـاغـيـره...الـصـوت هـذا صـوته الـدافــــي
ولمحت زوله من أقصى الدرب لافينــــــــي
مـدري وش اقـول لـكـن حـي هـاالـلافـــي
تعال...شف غيبتك كيف أثرت فينــــــــــي
تـعـال...شـفـنـي وانا أغرق عقب مجدافي
تـعـال...خذني ورحبي من عناوينــــــــــي
تـعـبـت أعـدي عـلـى جـمـرك وانـا حـافي
تـعال واقطف بصوتك زهرة سنينــــــــــــي
كـل الـمـواعـيـد عـقـبـك شـمـعـهـا طـافــي
تعال وشفيك خايف؟ أنت ناسينــــــــــــــي؟
قـطـعـت صـوتـي عـليـك وطـال مـيقـافــــي
حتى بديت أشعر ان الحب معمينــــــــــــــي
وأن أنـت حـلـم عـثـى فـيـنـي وانـا غـافـي
لكن أمانه ترى اللي فيني كافينـــــــــــــي
إن رحـت مـنـك كــــذا مـارحـت مـتـعـافــــي
بـصـدق الـحـلم واحـذر لاتصـحيـنــــــــــــــي
فـي خـاطـري كـلـمـتـيـن إن قـلتـهـا كافي
أمانة الله عليك ان غبت عــــــــــــن عينــــي
لايـكـون قـلـبـك مـثـل قـلـب الـزمـن جـافــي
مـع كـل دمـعه تذكر رعشــــــــة يدينــــــــي
ومـع كـل ضـحـكـه تـذكـر قـلـبـي الوااااافي
وسلامتكم
رد مع اقتباس
مواقع النشر (المفضلة)