--}{ بنـــت النشـــاما }{--
[align=center]
السلام عليكم ورحمة الله وبركاته
حروف متواضعه واتمنى ان تصل لـ ذائقتكم الجميله
[media]http://www.naseemalrooh.net/old/music/domoea/Track02.wma[/media][/align]
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وش حيلة اللي حب بنت النشاما=وعن الهوى من قبلها كان صايم
من قبل عرفـه ماعرفت الغراما=كنت احسبنه سوق شاري وسايم
كنت احسب(ن) الحب زيف الكلاما=لين انها جتني وانا كنت نايم
وخلت ضلوعي كلبوهـا حطاما=وتلت فوادي واصبح الفكر حايم
وزادت بروحي علتي والسقاما=يومنها صاحت بوسط الغمايم
قلت ابشري فز الجبل ثم قاما=رجل من رجال عزاز وصتايم
حر تعزوابه خوال وعماما=عزيز نفس ولا حسب للهلايم
قالت وش الحيله بقلب يضاما=وتبكي وتشكي وقتها والظلايم
قلت اصبري والصبر هو الحزاما=تحيزمي بالصبر خير الغنايم
قالت لك الله ما بقالي عظاما=من ثقل حملي كلبوها حطايم
قلت ادعي الخالق عزيز المقاما=قالت خلاص القلب في البحر عايم
قلت انا شفتك نور وسط الظلاما=وطيفك يزور الفكر والقلب دايم
قالت مواري الحب يا اغلى الاناما=لايابعد من يلبسون العمايم
قلت المحبه نار قالت سلاما=تعال تكفى قلبي اليوم هايم
وذاب الفواد بحبها واستهاما=وقلت الهوى يبغى شديد العزايم
قالت انا لك وانت ليّ المراما=وانا اعرفك عن هرجة العذل شايم
وعطيتها عهد الرجال الكراما=وقلت الجبل ما زعزعته النسايم
قالت ترى غيرك عليّه حراما=ابغى الوفا من غير حكم وقسايم
قلت انا ظامي الحقي للظماما=قالت تدلل مالك اليوم لايم
قلت لها ياقلبي جروحي تداما=واخاف من بعض الامور العظايم
قالت انا لك وانت لي القواما=ولح يبيح بسدنا في القدايم
واليوم ضيعتـه بوسـط الزحاما=والسبه العذال واهل الشتايم
وش حيلة اللي حب ظبي العداما=واليوم عن حب الغنادير صايم[/poem]
[align=center]
وسلامت قلوبكم
اخوكم
بدر بن تركي
[/align]
رد مع اقتباس
مواقع النشر (المفضلة)