قصيدة الفراعنه في ام كلثوم والمنديل روعه
السلام عليكم ورحمة الله وبركاته
بحثنا ووجدنا قصيدة المنديل يقال انها للشاعر محمد بن سعد القويماني السبيعي
ومجاراة ناصر الفراعنة
ياناس هذي مصيبة واكبر مصيبة
عشرين مليون في منديل مصرية
وش باشراحيل لاسمعة ولاهيبـة
علمه ردي لعنبوا اللي هو سلوقيه
هذا نذل والردى والخبث يحريبـه
هذا حرامي من النـاس الحراميـة
وشلون مال الله اللي جاه يثعيبـه
في شي يخجل يجيب الرجل طاريه
اخذوا فلوسه ولاتبقون في جيبـه
لاخمسة اريل ولاعشرة ولاميـة
ثم اسحبوا منه كل اللـي يماريبـه
اكبر خطاء انه يخلى فاالسعوديـة
هذا وجوده خسارة ويش نبغيبـه
معدوم شيمـة ولاعنـده شهاميـة
عساه يقفا عجـوز بينـت عيبـه
مافيه خوف من الله خارب النيـة
لوجاه مسكيـن ماوفـى مطاليبـه
مايلتفـت فيـه لوانـه بناخـيـه
عشرين مليون لجل الهون والخيبة
شي يحير عقـول العالـم الحيـة
لوانها في سبيـل الخيـر ياطيبـه
لاكنها في سبيـل ابليـس معنيـة
لعلنـا مانعاقـب مـن تسابيبـه
يصيبنا شـر والا حاجـة سيـة
لازم يودب عشان يصير تاديبـه
عبرة لناس لاهي هـاذي ولاذيـة
ناس تمسكن وفيها الشك والريبـة
ايام الازمة لهـم قصـة حقيقـة
حنا جنود الوطن نحمي جوانيبـه
من كل طامع ليامن ثارت الهيـة
هذا بلاد الوفاء والعـز والطيبـة
هذاوطنـا ولامثـلـه ولازيــه
عاشوا به اجدادنا وايامه اصعيبـة
مادوروا غيـره ابـلاد ولانحيـة
ولاقالوا القيـظ حاميـة لواهيبـه
يامحسن الظل والمجلاس والفيـة
يالله ياربي تسوق الخير وتجيبـه
يامالك الملك ياعالـم بمـا فيـه
عفوك ورحمتك والتوفيق نمشيبـه
في كل ساعة وفاالروحات والجية
وهذه مجاراة ناصر
ياوقتنا اللي غلب كلبه علـى ذيبـه
وقت غدابه شجيع الـراس حوريـة
وقت تعلوا بنـي حضـرم مراقيبـه
والراس عود ذنب والـراس كوفيـة
من فعلة مافعلها ابليـس واصحيبـه
كن فاالحشاء تسعة وتسعين شبريـة
ياراكب في ظهر حرشـي عراقيبـه
حر عيونـه تقـل مشهـاب بريـة
من طلعة المسبحي شيـب محاقيبـه
مع راس كل ابـرق كنـه نداويـة
ياقو عزمه على الفرجـة وياطيبـه
كن جرته فاالثرى ملسـاب جنبيـة
سلم على محتمي الـدار ومعازيبـه
ربع حموا الـدار شرقيـه وغربيـه
ربع بعلط القنـا صفـوا مشاريبـه
اليـن خـاوى جنوبيـه شمالـيـه
سلام احلى من السكـر علـى نيبـه
بااوراق سدر على جيـلان حوليـة
واحلى بعد من لبن عطف حنازيبـه
في روض بر يادوبه سـال واديـه
ثم قلهم مع زلوج الشمـس تغريبـه
على لسان الـذي نجحـت مكاويـه
تكفون ولدة شراحيل العنـوا صيبـه
ملعون اباالاصل تكفون العنوا حيـه
آطوا علابيـه واقتصـوا مخاليبـه
لاصار ماله بفعل الطيـب ماريـة
هيس يرقص على الطبلة رعابيبـه
تقسيم عود علـى ترويـس طبليـة
لاهـوب منـا ولاحنـا باقاريبـه
الا انهـا عـاد بشمـاغ وطاقـيـة
في وقت الازمة نحت عنا مناجيبـه
وحول رصيده معه بـرا السعوديـة
ثم ركب له طايرة فاالجـو توميبـه
وجنسيـة معـه بدلهـا بجنسـيـة
ويوم انتهى الحرب جا ينفخ لغابيبـه
عادات طرش البحر كا ماانتهت هية
حـرام ماهمتـه دار رفـت عيبـه
ماهمـه الا فلـوس فـي مخابيـه
من عذره ابن القويماني فرى جيبـه
في عملة ماعملها سحيم فـي ابويـه
من شان (........) هطقاء محيديبـة
ينفق وولد الوطـن بانـت معاريـه
احد على الجوع يصبح به ويمسيبـه
واحد بشبعته مايدري عـن وخيـه
يااحمد ماهي مصيبة الا اكبر مصيبة
عشرين مليون في منديـل مصريـة
وماناح طير علـى عالـي نبانيبـه
صلاة ربي على المختار من حيـه
منقووووول
رد مع اقتباس
مواقع النشر (المفضلة)