مساء الورد على الجميع
وأنا اناظر في طفله سوريه قلت ما شاء الله تبارك الله وش هالجمال
من الجو الزين او من طبيعه الأرض او وش السالفه
سبحان الله
انا ما اتكلم عن السوريات بالذات انا اتكلم عن الجمال بشكل عام والأكيد ان السوريات ( رضينا ام ابينا ) مزايين ..
من المتعارف عليه ان عمليه تحديد ملامح الجمال لدى المرأه بالنسبه للرجل من اكثر الأمور اثاره للجدل ..!!
وخاصه بالوقت الحالي مع الميك آب وعمليات التجميل اختلط الحابل بالنابل وما صرنا نفرق بين الجميله وغيرها مع العلم انه متفق عليه ان لا يوجد امرآه شينه ..!!
انا أدري ان الجمال شي نسبي ويختلف من شخص لآخر ممكن اقول فلانه جميله ويجي اخر ويقول قبيحه.. كل عين ترى الجمال بنظره تختلف عن الأخر .
فمثلاً كان العرب يركزون على الأمتلاء والبياض والغرب على الطول واليابانيين على الأقدام القصيره والفراعنه على العيون الكحيله والأفارقه على الرأس الأصلع .
يعني ما احد متفق على شي !!!
خلونا ندردش شباب ولا مانع من مشاركه البنات
حول مواصفات الجمال
يقولون الجمال جمال الروح هل تؤمن بالشي ذا يعني البنت متوسطه جمال او غير جميله مع روح طيبه او جاذبيه هل تكفيها هالروح او الجاذبيه ؟
هل تشوف جمال البنت السعوديه يقل او يزيد عن غيرها او لا مجال للحكم هنا ؟
لو هناك نموذج لفتاه هي كامله الجمال في بالك من هي ؟
وش مواصفات الجمال لديك وش تركز عليه اكثر ؟ .. :*
مع اجمل تحياتي
نديم الشوق
مواقع النشر (المفضلة)