][ ادخل وعطني رايك الله لا يهينك ][

[¶ بــآريــس ¶™]

السلام عليكم ورحمة الله وبركاته


كيفكم ؟؟


المسنجر او الجوال ..

تجينا دائماً إضافات أو الجوال يتصل عليك رقم غريب ..

طبعاً إضافة المسن واحد شاف الإيميل في المنتدى او في موقع مشترك فيه

يعني يعرفك

بس بعد الإضافة .. يجيك واحد يزعجك ويستهبل عليك ويمكن يقعد يوم يومين وهو يستهبل !! ..

من باب انه انت فلان اللي فالمنتدى ( وصار يمون ) ..

طبعاً أنت تكون وقتها مشغول او طفشان ومو فاضي له وهو يتكلم عليك [ يا لوح يا خبل والله انك دجة ]

أنت : طيب من معي عشان اعرف اتكلم ( تمزح ولا تفرح ولا تتهاوش تبي تعرف )

هو : يزيد استهباله لما انت ما تعرفه ..

انت : تضطر لتطنيشة ..

هو : وش عنده فلان يتغلى ليش متكبر ؟!!

انت : !!!!!!!!

...........................................

انا جتني اضافة ..

وكنت مانيب فاضي واللي اضافني يستهبل ..

هو :انت كل اضافة تجيك تستقبلها ؟؟

انا :طيب وش تبي اخلص علي ؟؟

هو :ابي اسولف

انا : طيب سولف بس علمني من انت

هو : شكلك مشغول يالله باي يا .... ؟ من انت ؟؟

انا : حلوة من انا ضايفني بتسولف وتقول من انا ؟؟

هو : طيب اوكي باي يا باريس واسفه اني اضفتك .. باي

انا : باي ..

يعني فالنهاية بنت وتبيني اقول لا تعالي امزح !! ما طرا ..

المهم :

وش رايك بهالحركات ؟؟

هل انت إذا اضفت احد تستهبل عليه بوقت كثير ولا فالبداية بس وتعلمه من انت على طول ؟؟

تخيل اضافك واحد وقعد له يومين يستهبل عليك واخر شي علمه من انت وش بتسوي له ؟؟ وهل حصلك موقف سواً بالجوال أو بالمسن يستهبل عليك ووش كان شعورك ؟؟


وشكراً

ارجوا اني وضحت شي على اني احس محد بيفهم زين من شرحي :(

باريس ..

[بحر الزين]

يعطيك العافيه باريس هالموضوع الحلوو

ويبي له مخمخه بسس لي رجعه ان شاء الله

تسلم على هالطرح 00

تقبل مرروي السريع

دمت بالف خير وعافيه

[..°«¸نورمينا ¸»° ..]

وش رايك بهالحركات ؟؟
حركات واحد تافه وفاضي وطفشان ويبغى يلعب وماعنده سالفة

هل انت إذا اضفت احد تستهبل عليه بوقت كثير ولا فالبداية بس وتعلمه من انت على طول ؟؟
ماافكر اضيف احد عشان استهبل عليه
اضافاتي غالبا لاشخاص اعرفهم عز المعرفة

تخيل اضافك واحد وقعد له يومين يستهبل عليك واخر شي علمه من انت وش بتسوي له ؟؟
الحمدلله انا من النوع اللي مااقبل اضافات مااعرفها
على طول حذف مريحة نفسي على الاخر

وهل حصلك موقف سواً بالجوال أو بالمسن يستهبل عليك ووش كان شعورك ؟؟
ماعمره حصلي شي زي هذا لاني ماارد على الجوال برقم غريب
ولا اضافات غريبة

الف شكر باريس على الموضوع
لك مني اجمل التحايا

[اسير الخواطر]

وش رايك بهالحركات ؟؟
اذا تقصد حركة الاستهبال .. فهي طبعا .. مو حلوه .. خصوصا اذا كانت اوفر .. لا ومع شخص
ما فيه بيني وبينه ذيك الميانه .!

هل انت إذا اضفت احد تستهبل عليه بوقت كثير ولا فالبداية بس وتعلمه من انت على طول ؟؟

اساسا انا ما احاول اضيف احد بمثل هالطريقه بتاتا البته .
لو مثلا فكرت اضيف احد .. برسل له رساله بالمنتدى لو سمحت [ بضيفك]
وافق .. الحمدلله كان بها .. ما وافق او اعتذر بدبلوماسية [ اضف عفشي وامشي ]
لاني لما اضيفه بالطريقه هذي وفوق هذا استهبل .. احس اني متطفل وافرض نفسي ع الاخرين !

تخيل اضافك واحد وقعد له يومين يستهبل عليك واخر شي علمه من انت وش بتسوي له ؟؟ وهل حصلك موقف سواً بالجوال أو بالمسن يستهبل عليك ووش كان شعورك ؟؟

بالنسبة للمسن ما صارت لي كثير .. لان ايميلي مع اشخاص محددين
ولا سبق وعرضته في توقيعي او في ملفي الشخصي
لذلك الحمدلله مريح راسي من هالاذيه .! :)
اما بالنسبة للجوال .. صارت معي اكثر من مره .,
وصارت فضايح ما يعلم فيها الا ربنا :(
بس طبعا عديتها واخذتها من باب المزح ثقيل الدم

اخوي باريس
كان الله في عـونكـ
يعطيك العافيه ع الموضوع

[Aвάďч]

هل انت إذا اضفت احد تستهبل عليه بوقت كثير ولا فالبداية بس وتعلمه من انت على طول ؟؟

لآ اول شي اقوله مين انا ..,

تخيل اضافك واحد وقعد له يومين يستهبل عليك واخر شي علمه من انت وش بتسوي له ؟؟

صارت لي كثير واللي يستهبل علي استهبل علية لكن اذا رفع ضغطي
اقولـة يالله برب بصكك حظر يا بابا :)
اما اذا قالي من هو .. قبل لا اصكه حظر اذا كان يموون خليته واذا مايمون
صكيت ابو جده

وهل حصلك موقف سواً بالجوال أو بالمسن يستهبل عليك ووش كان شعورك ؟؟

بالجـوال كثيـر لين ارتفع ضغطي وصرت اي رقمـ ما اعرفه
ما ارد علية لو يدق من اليوم لين بكرة
حتى صار اللي يعرفوني اول ما يطلعون رقم يرسلون رسالة ويقولون معاك فلان

المآسن زي ماقلت لك اللي يرفع ضغطي اصكه حظر

[mark=990000]باريس يعطيك الف عـآفية ع الموضوع[/mark]