الفهاوه وما تسوي ... بيتقطع بطنك من الضحك ....
السلام عليكم ورحمه الله وبركاته
عندي احساس ان بنت الزين بتجي وتكرش موضوعي للمكرر لكن ما عليه اذا كرشته روحوا اقروه هناك
من يقول الفهاااااوة عيب !! شعاااار يحمله كل مفهي..
وبما ان الفهاوة تستقطب اعداد كبيرة من الجماهير .. ويشكل عدد المفهين ثلثي الكرة الارضية من العالم العربي ..
بما يشكل نسبته تقريبا 340% و 260 كيلومتر مربع و12 جزء من الثانية من سكان العالم على مستوى الصعيد الانساني.. < ..
ما حب اطول الموضووع لان شسمه اخاااف المفهي ينسى وش يقرى < ..
بعض مواقف الفهاوه المنتشره ..:9ar:
كم مـره تراجع اختبارك الصبح ويوم جيت تطس للمدرسة نسيت الكتاب مجدووع بالبيت <
وكم مرة كان عليك اختبار وقاعد تذاكر وتخطط ثم فجأة اختفى قلمك وقعدت نص ساعة تدوره وبالاخير اكتشفت انك حاطه باذنك تحتك بالمهندسين <
وكم مرة قالت لك جدتك روح جيب فنجال لخالك .. ورحت بتجيبه ولقيت عيال خالتك بالصالة يسولفون وخطمت عليهم وقعدت تسولف وسحبت على جدتك وخالك والعالم تحتري ذالفنجال يوصل <
وكم وكم وكم هــــذي اشهر مواقف الفهاوة..
علامات الشخص الفاهي :
* يحك راسه داااااااايم ..
* كل النهار يفكر على غير سنع ..
* حواجبه واصلتن لشعره والخشة مفتوحه 24 ساعة ..
* يسوي نفسه فاهم وهو مفهي اصلااا ..
* يكثر من قول ( شسمه , ذاك , شيسمونه , الهذا , شي(ن) مدري وشو , ما انتبهت , هذاك الشي )ونحوها
فإذا وجدتي في نفسك شي من هالامثلة سابقة الذكر او ماشابهها .. فيسعدني ان اقول لك :
مبرووووووووووووووك انتي فاهي ..
بعض المواقف التي حدثت لبعض البنات :
مــره من المرات مادري وش جا المدرسة قامت تبدل فصوول المدرسة عااد حنا رحنا للفصل اللي جنبنا وطبعا مبسووطين صرنا بعيدين عن غرفة المدرسات وكنت انااا معترفه بفهاوتي قمت انا وصديقتي نحفظ فصلنا لاندخل فصل الجيران بالغلط والحمد لله دلينا الفصل بعد هيييك جااا من بكره طبعا اخر من يدخل المدرسة اناا وتستقبلني المديرة بكلمة الصبح <<طقاق معها .. وانا ذاك اليوم اقول مدري وش جابني ونفسي بطرررف خشمي ويوووم خلصت المديرة من كلمتها والقينا عليها التحية <<منااااك .. رقتنا فوووق بعد وشووو وطبعا الضحية اناا نصي نااايم ولا ادري وين ربي حاطني فيه رقيت فوق بروح لفصلي الذي اعشقه << لحد يسمعك .. ويوم رقيت رحت للفصل طقيت الباب ودخلت واول ماحطيت عيوني على مكاني وانااضر ولااا وحده جالستن فيه وانا اقول بنفسي يازين سعة الوجه واشووف الفصل زين ولاه كله اجانب استغربت انااا واشوف من علينا واثرها تدرس رياضيات وانا اللي ارووح القط وجهي وادخل الفصل اللي جنبهم <<اللي هوو فصلي .. دخلت فصل علمي بالغلط ..
وشسمه مره كنت بالسوووق وانا امشي اشووف محل جزم خااااتير جيت طايره بدخل لمه واول مادخلت اشووف المحل ما شااء الله طوووويل غير الباقي قلت ببدأ من الاخير يمكن القى شي حلوو وامشي داااعسه واسحب اختي معي واناا امشي الاااا فجأه اصقع صقعة الله لا يوريكم <<اثر المحل حاطين مراايه كبيييره قدام الباب يقالهم جدااار واناا الضحية ..
ومره كان علينا انجليزي وتعرفوون انا والانجليزي نفهم لبعض ما شاء الله علينا وكتاب الانجليزي عندنا كتابين كتاب للمدرسة وكتاب للتمارين وكانت الابلى تشرح ومكلفتن عمرها وانا فاتحه الكتاب ولا ادري وينهم عاد تعرفون الذهاانه مقطعتني ويقالي اناضر الكتاب واناضر الابلى واهز دمجتي يقالي فااهمه والابلى تشرح وتدووور بالفصل وانا دمجتي هاازتها يقالي فاااهمه فجأه قالت يااااا.............. اي كتاب فاتحه قلت هذاا قالت حنا بالكتاب الثاني وتفتح لي الكتاب وانا وجهي طايح بالأرض ..
والاخرى تقول
أذكر لك لأنه وصتني أمي ذآك اليوم عـ البيض وقآلت طفيه بعد عشر دقآيق قلت أبشري بس أنتي أمنني شئ < خآبرتني أمي مفهيه ..
ورآحت تنوم وأنآ سحبت عليه سحبببببه مب طبيعيه !
يوم جآ بعد كم سآعه وأشم ريحه حرق وأقول للي عندي وش أنتم حآطين عالنآر ونآسين يالمهبل
ويقولون مآحطينآ شئ < للحين مفهيه ونآسيه الأمر
وقلت بتشجع وأتسينع وأدخل المطبخ أشوف هذاك الشئ المحترق !
يوم أشوفه ولآ القآآه البيض حسيت إحساس أني ودي اختفي
طبعآ طفيته < ولآ !
كم مرتن امي تشبهني بالشغآله السريلآنكيه اللي دآيم تنسى وتفهي
تعودت ولآعد أخآلف الحين
يعني مثلآ توصيني على البريق عـ النآر وأسمعه يصيح واقول من يصلح شآهي هـ الوقت ! < شئ طبيعي ,
وكم مرتن تدخل إستآذهـ وتطلع إستآذهـ وأنآ مدري وش علينآ اليوم
وكم مرتن رتبت جدول يوم ثآني ودىيم أغلط في الأربعاء < مستعجله به
يآآكثر مآ أحمل شئ وأنسى وينه فيه في الجهآز اللي يعآفي البحث
ويآكثر مآتقول الأستآذه بكره جيبوا أدب وأجيب بلآغه وأتذهين واجيب نحو بعد !
ويآآكثر مآ أدور حآجه وأأشر بهآ وهي معي مثل القلم أو أكلم بالجوآل !!
ومن الفهآوه أتمشى في البيت ذيك المره وأدخل على أبوي ومعه وآحد مآ أقآربنا
يالله ,,,,,,,انتم بعد قولوا لنا مواقف الفهاوه اللي تمرون بها
وبس
مواقع النشر (المفضلة)