ياصاحبي ماصارت وعودك وعود**آنا على رجوى الوعود القديمه
الحال يعزف لك همومه على العود**يشكي عليك اشواقه المستهيمه
كني على كسر المجاديف موعود**مع موجة الفرقا وضعف العزيمه
فــاقـــدك ياللي شوفتك بارد الــنود**ياللي بعدك الــروح تلفاً سقيمه
والونه اللي عقبها سرت محدود**عساني القا في مسيري غنيمه
اسوج رجلي فالخلا راجي ٍ فود**اطويبها جرد الوطى المستقيمه
لعلي اشرع فالصدر كل مسدود**واحيي بطرياها عروقن عقيمه
والعله اللي في النحر كنها العود** تبدي ليا عاتب نديم ٍ نديمه
والدمعتين اللي كما دمعة العود**عزاي فيها فرحتين ٍ يتيمه
والحره اللي تحرق كبود وكبود**شوف اسم ابوها وسط كرت العزيمه
مواقع النشر (المفضلة)